ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក Biden ត្រូវ​បាន​បញ្ជាក់​ជា​ផ្លូវការ​ថា​ជា​អ្នក​ឈ្នះ​ការ​បោះឆ្នោត​នៅ​ក្នុង​រដ្ឋ Pennsylvania


ប្រធានាធិបតី​ជាប់​ឆ្នោត​លោក Joe Biden ថ្លែង​ក្នុង​អំឡុងពេល​នៃ​ការ​ប្រកាស​គណៈរដ្ឋមន្ត្រី​របស់​លោក​នៅ​ក្រុង Wilmington រដ្ឋ Delaware ថ្ងៃទី២៤ ខែវិច្ឆិកា ឆ្នាំ២០២០។

អភិបាល​រដ្ឋ Pennsylvania បាន​ឲ្យ​ដឹង​កាល​ពី​ថ្ងៃ​អង្គារ​ម្សិលមិញ​ថា លោក Joe Biden ត្រូវ​បាន​គេ​ប្រកាស​ជា​ផ្លូវការ​ថា​ជា​អ្នក​ឈ្នះ​ការ​បោះឆ្នោត​នៅ​ក្នុង​រដ្ឋ Pennsylvania។

លោក​អភិបាល​រដ្ឋ Tom Wolf បាន​បង្ហោះ​សារ​នៅ​លើ Twitter ថា មន្ទីរ​កិច្ចការ​រដ្ឋ Pennsylvania បាន​ប្រកាស​លទ្ធផល​បោះឆ្នោត​ផ្លូវការ​ថា​លោក Biden ជា​អ្នក​ឈ្នះ។ លោក Wolf ថ្លែង​ដូច្នេះ​ថា៖ «ដោយ​តម្រូវ​តាម​ច្បាប់​សហព័ន្ធ ខ្ញុំ​បាន​ចុះ​ហត្ថលេខា​ទទួល​ស្គាល់​ក្រុម​អង្គ​បោះឆ្នោត​សម្រាប់​លោក Joe Biden និង​អ្នកស្រី Kamala Harris»។

ជ័យជម្នះ​របស់​លោក Biden ធ្វើ​ឲ្យ​លោក​ប្រធានាធិបតិ Donald Trump មិន​អាច​ទទួល​បាន​អង្គ​បោះឆ្នោត​ចំនួន ២០ របស់​រដ្ឋ Pennsylvania។

លទ្ធផល​បោះឆ្នោត​ផ្លូវការ​នៅ​ក្នុង​រដ្ឋ Pennsylvania បាន​បង្ហាញ​ថា លោក Biden ទទួល​បាន​ការ​គាំទ្រ​ចំនួន ៣ លាន ៤ សែន ៦ ម៉ឺន​សំឡេង ចំណែក​ឯ​លោក Trump វិញ បាន​ចំនួន ៣ លាន ៣ សែន ៨ ម៉ឺន​សំឡេង ហើយ​អ្នកស្រី Jo Jorgensen នៃ​គណបក្ស​អ្នក​សេរី​និយម បាន​ចំនួន ៧៩.០០០ សំឡេង៕

XS
SM
MD
LG