មនុស្ស៤០លាននាក់នៅឆ្នេរសមុទ្រភាគខាងកើតសហរដ្ឋអាមេរិកកំពុងប្រុងប្រៀបទប់ទល់អ្វីដែលអ្នកព្យាករណ៍អាកាសធាតុហៅថា ព្យុះទឹកកករដូវរងាយ៉ាងធំមួយដែលកំពុងបក់បោកកាត់តាមមហាសមុទ្រអាត្លង់ទិក។
ការធ្លាក់ទឹកកកលើកដំបូងបានចាប់ផ្តើមធ្វើចលនាកាត់តាមតំបន់ឆ្នេរខាងកើត ជាប់កណ្តាលមហាសមុទ្រអាត់តាឡង់ទិកសហរដ្ឋអាមេរិកកាលពីយប់ថ្ងៃពុធរហូតមកដល់ថ្ងៃព្រហស្បតិ៍ម៉ោងនៅសហរដ្ឋអាមេរិក។
ព្យុះត្រូវគេរំពឹងនឹងមានការប៉ះពាល់យ៉ាងខ្លាំងនៅតំបន់ភាគឦសាន្តសហរដ្ឋអា មេរិកដែលអាចធ្វើឲ្យធ្លាក់ព្រិលជាង២០សង់ទីម៉ែត្រនៅទីក្រុងBostonនៃរដ្ឋ Massachusettsដែលនៅទីនោះសាលារៀនបានត្រូវបិទទ្វារកាលពីថ្ងៃព្រហស្បតិ៍។
ខ្យល់ដោយកម្លាំងព្យុះសង្ឃរាត្រូវគេរំពឹងនឹងបក់បោកនៅឆ្នេរសមុទ្ររដ្ឋ New Englandហើយនឹងនៅក្នុងប្រទេសកាណាដា។ ការព្រមានពីព្យុះទឹកកកសម្រាប់ទីក្រុងនៅក្បែឆ្នេរសមុទ្រមានចាប់តាំងពីរដ្ឋ Virginia រហូតដល់រដ្ឋ Maine។ ពួកអ្នកព្យាករណ៍អាកាសធាតុប្រដូចព្យុះនេះទៅនឹងគ្រាប់បែកពីព្រោះតែការធ្លាក់ចុះសម្ពាធយ៉ាងខ្លាំងនៅក្នុងរយៈពេល២៤ម៉ោង ដែលធ្វើឲ្យមានការធ្លាក់ខ្យល់យ៉ាងខ្លាំង។
ក្នុងខណៈនោះដែរ អាកាសធាតុរដូវរងាខ្លាំងបានធ្វើឲ្យមានការធ្លាក់ព្រិល ទឹកកក ហើយនិងសីតុណ្ហភាពត្រជាក់កកនៅផ្នែកនានារបស់សហរដ្ឋអាមេរិក។
ព្រិលបានគ្របដណ្តប់នៅក្នុងទីក្រុង Tallahassee រដ្ឋ Florida ជាលើកទីមួយនៅក្នុងរយៈពេល៣០ឆ្នាំកាលពីថ្ងៃពុធ។ ទឹកកកបានធ្វើឲ្យផ្លូវ Highwaysនៅក្នុងរដ្ឋGeorgia និងរដ្ឋ Carolinas មានគ្រោះថ្នាក់បំផុត៕
