ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ស.រ.អា​ចោទប្រកាន់​អតីត​នាយ​ទាហាន​កងទ័ព​អាកាស​ម្នាក់​ថា ​ធ្វើ​ចារកម្ម​ឱ្យ​​អ៊ីរ៉ង់


រូបឯកសារ៖ អ្នកស្រី Monica Elfriede Witt អតីត​នាយ​ទាហាន​ផ្នែក​ប្រឆាំង​នឹង​ចារកម្មនៃ​កងទ័ព​អាកាស​ស.រ.អា​ម្នាក់
រូបឯកសារ៖ អ្នកស្រី Monica Elfriede Witt អតីត​នាយ​ទាហាន​ផ្នែក​ប្រឆាំង​នឹង​ចារកម្មនៃ​កងទ័ព​អាកាស​ស.រ.អា​ម្នាក់

អ្នកស្រី Monica Elfriede Witt អាយុ៣៩​ឆ្នាំ​ បាន​លាត​ត្រដាងប្រាប់​ទីភ្នាក់ងារ​ចារកម្ម​អ៊ីរ៉ង់​អំពី​កម្មវិធី​ប្រមូល​ការ​សម្ងាត់​ខាង​យោធា​មួយ​និង​អត្តសញ្ញាណ​នាយ​ទាហាន​ខាង​ស៊ើបការ​សម្ងាត់​ស.រ.អាម្នាក់។​

ក្រសួង​យុត្តិធម៌ស.រ.អា​បាន​ប្រកាស​កាល​ពី​ថ្ងៃ​ពុធ​ថា​ អតីត​នាយ​ទាហាន​ផ្នែក​ប្រឆាំង​នឹង​ចារកម្មនៃ​កងទ័ព​អាកាស​ស.រ.អា​ម្នាក់ ដែល​បានរត់​ចោល​ជួរ​ទៅ កាន់ប្រទេស​អ៊ីរ៉ង់​កាល​ពី​ជិត​៦ឆ្នាំមុន​នេះ​បានត្រូវ​ចោទប្រកាន់ថា​ បាន​លាតត្រដាង​ព័ត៌មានសម្ងាត់​ខាង​យោធាប្រាប់​រដ្ឋាភិបាល​អ៊ីរ៉ង់ និង​ជួយ​ប្រទេស​អ៊ីរ៉ង់​ក្នុង​ការ​យក​អតីត​អ្នកធ្វើការ​ជា​មួយ​អ្នកស្រី​ជា​ទី​ដៅ​នៃ​ការ​តាម​ឃ្លាំ​មើលសកម្មភាព។

អ្នកស្រី Monica Elfriede Witt អាយុ៣៩​ឆ្នាំ​ បាន​លាត​ត្រដាងប្រាប់​ទីភ្នាក់ងារ​ចារកម្ម​អ៊ីរ៉ង់​អំពី​កម្មវិធី​ប្រមូល​ការ​សម្ងាត់​ខាង​យោធា​មួយ​និង​អត្តសញ្ញាណ​នាយ​ទាហាន​ខាង​ស៊ើបការ​សម្ងាត់​ស.រ.អាម្នាក់។​

កាលពី​ថ្ងៃ​ពុធ មហា​គណៈវិនិច្ឆ័យ​មួយ​ក៏​បាន​ចោទ​ប្រកាន់​អ្នកស្រី Witt ដែរ​ថា​បាន​ជួយ​សេវាស៊ើបការ​សម្ងាត់​អ៊ីរ៉ង់​ក្នុងការតាមឃ្លាំមើលសកម្មភាព​របស់​អតីត​ពួក​អ្នកធ្វើការ​ជា​មួយ​អ្នកស្រី​ផង​ដែរ។​

មានការ​ចេញ​ដីកា​មួយ​ដើម្បី​ចាប់ខ្លួន​អ្នកស្រី​ Witt ដែល​មិនទាន់​បាន​ត្រូវចាប់ខ្លួន​នៅ​ឡើយទេ​ហើយ​ ដែលគេមានជំនឿ​ថា​អ្នកស្រី​កំពុង​រស់នៅ​ក្នុង​ប្រទេសអ៊ីរ៉ង់។​

ជនជាតិ​អ៊ីរ៉ង់​បួន​នាក់​ដែល​ធ្វើការ​ឱ្យ​កង​ឆ្មាំ​បដិវត្តន៍​អ៊ីរ៉ង់​ហៅ​កាត់​ថា​ IRGC ក៏​មាន​ឈ្មោះ​ក្នុងដី​កាចោទនេះ​ដែរ​ ហើយ​ប្រឈម​នឹង​ការ​ចោទប្រកាន់អំពី​ការ​ឃុបឃិត​ប្រព្រឹត្ត​អំពើ​ទុច្ចរិត ការ​ជ្រៀតជ្រែក​ចូល​ក្នុង​កុំព្យូទ័រ និង​ការ​លួចអត្តសញ្ញាណ​ ដែល​មាន​ទាក់ទិននឹង​ការ​តាមឃ្លាំ​មើល​សកម្មភាព​របស់​ពួក​អតីត​អ្នកធ្វើការ​ជាមួយអ្នកស្រី​ Witt​ ក្នុង​ឆ្នាំ២០១៤​និង​ឆ្នាំ២០១៥។​

ដោយ​បានប្រើ​ប្រាស់​គណនី​បណ្តាញ​សង្គមក្លែង​ក្លាយ​ ពួក​បុរស​ទាំង​នេះ​ស្វះស្វែង​ប្រើប្រាស់​ malware ដែល​អាច​ឱ្យ​ពួក​គេជ្រៀតជ្រែក​ចូលទៅ​ក្នុងកុំព្យូទ័រ នៃ​ក្រុម​ជន​ដែល​បានត្រូវ​តាមឃ្លាំ​មើល​សកម្មភាព​។​ ​បុរស​ទាំង​នេះមានឈ្មោះ​ថា​ Mojtaba Masoumpour, Behzad Mesri, Hossein Parvar និង​ឈ្មោះ Mohamad Paryar៕

XS
SM
MD
LG