ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

សហរដ្ឋ​អាមេរិក​សម្រេច​ផ្អាក​ការ​ហោះហើរ​យន្តហោះ Boeing ប្រភេទ Max ទាំង​អស់ជា​បណ្ដោះ​អាសន្ន


ស្លាកមួយត្រូវបានបិទនៅលើយន្តហោះប្រភេទ Boeing 737 Max នៅព្រលានយន្តហោះ Soekarno-Hatta ប្រទេសឥណ្ឌូនេស៊ី កាលពីថ្ងៃទី១៣ ខែមីនា ឆ្នាំ២០១៩។ 

បន្ទាប់ពី​បាន​ប្រកាស​កាល​ពី​ថ្ងៃ​ពុធ​ម្សិលមិញ​ថា យន្តហោះ​ប្រភេទ Boeing 737 ថ្មី នឹង​ត្រូវ​ផ្អាក​ការ​ហោះហើរ​បណ្ដោះ​អាសន្ន លោក Trump បាន​ឆ្លើយ​នឹង​សំណួរ​របស់​អ្នក​កាសែត​ក្នុង​សេតវិមាន​ថា៖ «ខ្ញុំ​មិន​ចង់​ប្រថុយ​នោះ​ទេ។ យើង​គ្រាន់តែ​គិត​ថា ការ​ធ្វើ​នេះ​គឺ​ជា​រឿង​ត្រឹមត្រូវ‍»។

អាជ្ញាធរ​រដ្ឋបាល​អាកាសចរណ៍​សហព័ន្ធ​របស់​សហរដ្ឋ​អាមេរិក​បាន​បញ្ជា​ឲ្យ​មាន​ការ​ផ្អាក​ជា​បន្ទាន់​នូវ​ការ​ហោះហើរ​យន្តហោះ​ប្រភេទ Max របស់​ក្រុមហ៊ុន Boeing ទាំង​អស់ បន្ទាប់ពី​ប្រទេស​ចំនួន​ជាង ៣០ ផ្សេង​ទៀត​បាន​ធ្វើ​ដូច្នេះ។

វីធានការ​ផ្អាក​ការ​ហោះហើរ​យន្តហោះ​ថ្មី​ប្រភេទ Max ទាំង​អស់​នេះ នៅ​លើ​ដែន​អាកាស​សហរដ្ឋ​អាមេរិក គឺ​ជា​ការ​កែប្រែ​បន្ទាន់​មួយ​នូវ​គោល​ជំហរ​របស់​ក្រុមហ៊ុន​ផលិត​យន្តហោះ​នេះរបស់​ក្រុមហ៊ុន​អាកាសចរណ៍​អាមេរិកាំង​ដែល​ហោះហើរ​យន្តហោះ​ទាំង​នេះ និង​របស់​រដ្ឋបាល​លោក​ប្រធានាធិបតី Donald Trump ដែល​ធ្លាប់​អះអាង​ថា គ្មាន​ហេតុផល​ណា​មួយ​ដែល​ត្រូវ​ផ្អាក​ការ​ហោះហើរ​យន្តហោះ​ទាំង​នេះ​ទេ ទោះបីជា​មាន​ការ​ធ្លាក់​យន្តហោះ​ប្រភេទ Max នេះ​ដ៏​ប្រល័យ​នៅ​ក្នុង​ប្រទេស​ឥណ្ឌូនេស៊ី និង​ប្រទេស​អេត្យូពី​កន្លង​មក​ក៏​ដោយ។

បន្ទាប់ពី​បាន​ប្រកាស​កាល​ពី​ថ្ងៃ​ពុធ​ម្សិលមិញ​ថា យន្តហោះ​ប្រភេទ Boeing 737 ថ្មី នឹង​ត្រូវ​ផ្អាក​ការ​ហោះហើរ​បណ្ដោះ​អាសន្ន លោក Trump បាន​ឆ្លើយ​នឹង​សំណួរ​របស់​អ្នក​កាសែត​ក្នុង​សេតវិមាន​ថា៖ «ខ្ញុំ​មិន​ចង់​ប្រថុយ​នោះ​ទេ។ យើង​គ្រាន់តែ​គិត​ថា ការ​ធ្វើ​នេះ​គឺ​ជា​រឿង​ត្រឹមត្រូវ‍»។

ភ្លាមៗ​បន្ទាប់​ពី​លោក Trump បាន​លើក​ឡើង​ដូច្នេះ​មក ក្រុមហ៊ុន Boeing បាន​ចេញ​សេចក្ដី​ប្រកាស​មួយ ដោយ​បញ្ជាក់​ថា ទោះបីជា​ខ្លួន​នៅតែ​ជឿជាក់​យ៉ាង​មុតមាំ​ថា យន្តហោះ​ប្រភេទ 737 Max នេះ មាន​សុវត្ថិភាព​ក៏​ដោយ ក៏​បន្ទាប់ពី​មាន​ការ​ប្រឹក្សា​ជាមួយ​នឹង​អាជ្ញាធរ​រដ្ឋបាល​អាកាសចរណ៍​សហព័ន្ធ​របស់​សហរដ្ឋ​អាមេរិក ជាមួយ​នឹង​ក្រុម​ប្រឹក្សា​សុវត្ថិភាព​ការ​ធ្វើ​ដំណើរ​ជាតិ​របស់​សហរដ្ឋ​អាមេរិក និង​អាជ្ញាធរ​អាកាសចរណ៍​ផ្សេងៗ ក៏​ដូចជា​ជាមួយ​នឹង​អតិថិជន​នៅ​ជុំវិញ​ពិភពលោក ខ្លួន​បាន​សម្រេច​ថា «ដើម្បី​ធានា​ចំពោះ​សាធារណជន​នូវ​សុវត្ថិភាព​របស់​យន្តហោះ​ប្រភេទ​នេះ‍» ខ្លួន​ស្នើ​ឲ្យ​មាន​ការ​ផ្អាក​ជា​បណ្ដោះ​អាសន្ន​នូវ​ការ​ហោះហើរ​យន្តហោះ​ប្រភេទ​នេះ​នៅ​ទូទាំង​ពិភពលោក ដែល​សរុប​មាន​យន្តហោះ​ជិត ៤រយ​គ្រឿង៕

XS
SM
MD
LG