រដ្ឋបាលលោក Biden បានប្រកាសនៅថ្ងៃពុធថា ការកាត់បន្ថយឧបករណ៍យោធានិងអាវុធសម្រាប់ប្រទេសអ៊ុយក្រែនពីឃ្លាំងរបស់អាមេរិក ក្រោមអំណាចរបស់ប្រធានាធិប តីស្តីពីជំនួយក្នុងពេលអនាគតដល់រដ្ឋាភិបាលក្រុងកៀវកំ ពុងស្ថិតក្នុងដៃរបស់សភាអាមេរិក។
រដ្ឋមន្ត្រីការបរទេសសហរដ្ឋអាមេរិកលោក Antony Blinken បានបញ្ជាក់ក្នុងសេចក្តី ថ្លែងការណ៍ថា កញ្ចប់ជំនួយដែលមានទឹកប្រាក់ ២៥០ លានដុល្លារនោះ រួមមានគ្រាប់កាំភ្លើងសម្រាប់ការពារដែនអាកាស គ្រាប់បន្ថែមសម្រាប់កាំភ្លើងរ៉ុក្កែត HIMARS គ្រាប់កាំភ្លើងផ្លោង ១៥៥និង១០៥មីលីម៉ែត្រ និងគ្រាប់កាំភ្លើងសម្រាប់ប្រឆាំងរថពាសដែកផងដែរ។
លោក Blinken និយាយថា៖ «ជំនួយរបស់យើងមានសារៈសំខាន់ដល់ការគាំទ្រដល់ដៃគូអ៊ុយក្រែន ដើម្បីការពារប្រទេសនិងសេរីភាពរបស់គេ ក្នុងការប្រយុទ្ធនឹងការឈ្លានពានរបស់រុស្ស៊ី»។ លោកបន្ថែមថា អាវុធនិងឧបករណ៍យោធាទាំងនោះត្រូវបានផ្តល់ដល់អ៊ុយក្រែន នៅក្រោមការចាត់ចែងបម្រុងទុកសម្រាប់អ៊ុយក្រែនក្នុងពេលកន្លងទៅ។
លោក Blinken បានជំរុញឱ្យសភាអាមេរិកធ្វើការសម្រេចឱ្យបានលឿនដល់កញ្ចប់ជំនួយថ្មីនេះសម្រាប់ប្រទេសអ៊ុយក្រែន ដើម្បីលើកកម្ពស់ផលប្រយោជន៍សន្តិសុខជាតិរបស់អាមេរិក ដោយជួយឱ្យអ៊ុយក្រែនការពារខ្លួននិងមានសន្តិសុខក្នុងពេលអនាគត។
ប្រធានាធិបតីអ៊ុយក្រែនលោក Volodymyr Zelenskyy បានមកកាន់រដ្ឋធានីវ៉ាស៊ីន តោនកាលពីពេលថ្មីៗនេះ ស្របពេលដែលលោក Biden បានដាក់សំណើសុំថវិកាពីសភាអាមេរិកនូវទឹកប្រាក់ប្រមាណ ៦១ ពាន់លានដុល្លារ សម្រាប់ប្រទេសអ៊ុយក្រែន អ៊ីស្រាអែល និងកោះតៃវ៉ាន់។ ប៉ុន្តែសំណើនេះត្រូវបានជាប់គាំងដោយសមាជិកសភានៃគណបក្សសាធារណរដ្ឋដែលបានទាមទារថា រដ្ឋបាលអាមេរិកត្រូវដោះស្រាយបញ្ហាសន្តិសុខព្រំដែនរបស់អាមេរិកផងដែរ៕
