ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

សហរដ្ឋ​អាមេរិក​ប្រកាស​ពី​ជោគជ័យ​លើ​ថាមពល​នុយក្លេអ៊ែរ​សំយោគ


រដ្ឋ​មន្ត្រី​ក្រសួង​ថាមពល​ អ្នកស្រី​ Jennifer Granholm​ ប្រកាស​អំពី​កា​រ​រកឃើញ​ថ្មី​នៅ​ឯ​មន្ទីរ​ពិសោធន៍​ជាតិ ​Lawrence Livermore National Laboratory ​ស្ថិត​នៅក្នុង​រដ្ឋកាលីហ្វ័ញ៉ា ថ្ងៃទី ១៣ ខែធ្នូ ឆ្នាំ២០២២។
រដ្ឋ​មន្ត្រី​ក្រសួង​ថាមពល​ អ្នកស្រី​ Jennifer Granholm​ ប្រកាស​អំពី​កា​រ​រកឃើញ​ថ្មី​នៅ​ឯ​មន្ទីរ​ពិសោធន៍​ជាតិ ​Lawrence Livermore National Laboratory ​ស្ថិត​នៅក្នុង​រដ្ឋកាលីហ្វ័ញ៉ា ថ្ងៃទី ១៣ ខែធ្នូ ឆ្នាំ២០២២។

ក្រសួង​ថាមពល​អាមេរិក​បាន​ប្រកាស​កាលពី​ថ្ងៃអង្គារ​ថា​ក្រុម​អ្នក​វិទ្យាសាស្ត្រ​របស់ខ្លួន​មាន​លទ្ធភាព រៀបចំ​បង្កើត​ប្រតិកម្ម ​សំយោគ​ថាមពល​នុយក្លែអ៊ែរ​បញ្ចូលគ្នា​ដែល​ផលិត​បាន​អគ្គិសនី​ច្រើនជាង​តម្រូវការ​ប្រើប្រាស់​ ដែល​នេះជា​សមិទ្ធផល​ជា​ប្រវត្តិសាស្ត្រ​ក្នុង​កម្មវិធី​សិក្សា​ស្រាវជ្រាវ​អស់រយ:​ពេល​ជាច្រើន​ទសវត្សរ៍​ ដើម្បី​រក​វិធី​បង្កើត​ឲ្យបាន​ថាមពល​អគ្គិសនី​ស្អាត​និង​គ្មាន​កាកសំណល់​ដើរ​ដោយ​កម្លាំង​នុយក្លេអ៊ែរ។

ការធ្វើ​ពិសោធន៍ត្រូវបាន​ធ្វើឡើង​នៅឯ​មន្ទីរ​ពិសោធន៍​ជាតិ ​Lawrence Livermore National Laboratory ​ស្ថិត​នៅក្នុង​រដ្ឋកាលីហ្វ័ញ៉ា។

រដ្ឋ​មន្ត្រី​ក្រសួង​ថាមពល​ អ្នកស្រី ​Jennifer Granholm ​បាន​បញ្ជាក់​នៅក្នុង​សេចក្តី​ប្រកាស​ព័ត៌មាន​ថា៖

«នេះគឺជា​សមិទ្ធផល​ប្រវត្តិសាស្ត្រ​ចំពោះ​ក្រុមអ្នក​ស្រាវជ្រាវ ​និង ​បុគ្គលិក​នៅឯ​រោងចក្រ ​ National Ignition Facility ​ដែលបាន​ប្តូរផ្តាច់​ក្នុង​អាជីព​របស់​ពួកគេ​ ដើម្បី​រកឃើញ​អគ្គិសនី​ដើរ​ដោយនុយក្លេអ៊ែរ​នេះ ​ឲ្យ​ក្លាយជា​ការ​ពិត​ ហើយថា​ ការ​រកឃើញ​ដ៏សំខាន់​នេះ​នឹង​បណ្តាល​ឲ្យ​រកឃើញ​កាន់តែ​ច្រើន​ទៀត»។

សេចក្តី​ប្រកាសនេះ​កើតឡើង​នៅពេល​ដែល​រដ្ឋបាល​លោក​ប្រធានាធិបតី​ បៃដិន (Biden) ​បាន​ណែនាំ​ឲ្យមាន​ការ​ប្រឹងប្រែង​ជាថ្មី ​និង ផ្តល់​ថវិកា​សម្រាប់​ការ​អភិវឌ្ឃ​លើវិស័យ​បង្កើត​អគ្គិសនី​ស្អាត ដែលកកើត​ឡើងវិញ ​ដោយ​សង្កត់​ធ្ងន់​ជាពិសេស​លើ​ថាមពល​នុយក្លេអ៊ែរ​សំយោគ(​Fusion Energy)។ ច្បាប់​កាត់​បន្ថយ​អតិផរណា​ដែល​ត្រូវបាន​អនុម័ត​ថ្មីៗនេះ ​មានចែង​អំពី​ការ​ផ្តល់​ថវិកា​ដ៏​សំខាន់​ចាំបាច់​សម្រាប់​ការ​សិក្សា​ស្រាវជ្រាវ ​ក្នុង​វិស័យ​អគ្គិសនី​ដើរ​ដោយ​កម្លាំង​នុយក្លែអ៊ែរ​នេះ។

ប៉ុន្តែ​នេះ​មិនមែន​មានន័យ​ថា ​ដោយព្រោះ​តែ​ក្រុម​អ្នកស្រាវ​ជ្រាវ​អាចរៀបចំ​បង្កើត​ប្រតិកម្ម​នុយក្លេអ៊ែរ សំយោគ​ផលិត​អគ្គិសនី​បាន​ជា​វិជ្ជមាន​តែមួយ​មុខ​នេះ​ គឺជា​ការ​ផ្លាស់ប្តូរ​ដ៏សំខាន់ ​ចំពោះ​របៀប​ដែល​មនុស្ស បង្កើត​អគ្គិសនី​ នឹងអាច​ធ្វើបាន​ឆាប់ៗ​នោះទេ។ ក្រុ​មអ្នកជំនាញ​និយាយ​ថា ​នៅពេល​ដែល​កិច្ចការ​នេះ​ជារឿង​សំខាន់​ តែ​ប្រព័ន្ធ​បច្ចេក​វិទ្យានៅតែ​ជា​ឧបសគ្គ​ នោះ​បណ្តាល​ឲ្យ​អគ្គិសនី​ដើរ​ដោយ​កម្លាំង​នុយក្លែអ៊ែរ​សំយោគ​នេះ​ ត្រូវ​ប្រឈមមុខ​នឹង​រឿង​ស្មុគស្មាញ​ត្រូវ​ដោះស្រាយ​បន្តទៀត៕

XS
SM
MD
LG