ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ឯកអគ្គរដ្ឋ​ទូតសហរដ្ឋ​អាមេរិក​ប្រចាំ​នៅ​កម្ពុជា​ច្រានចោលការ​ចោទ​ប្រកាន់របស់​រដ្ឋាភិបាល​ពីការ​ជ្រៀត​ជ្រែកកិច្ចការ​ផ្ទៃក្នុង


លោក William A. Heidt ឯកអគ្គរដ្ឋទូតសហរដ្ឋ​អាមេរិក​ប្រចាំ​កម្ពុជា ថ្លែង​ក្នុង​កិច្ចពិភាក្សា​តុមូល​ជាមួយ​អ្នកសារព័ត៌មាន​កម្ពុជា​ពាក់ព័ន្ធ​នឹង​ស្ថានការណ៍​នយោបាយ​នៅ​កម្ពុជា នៅ​រសៀល​ថ្ងៃទី​១២ ខែ​កញ្ញា ឆ្នាំ​២០១៧។(កាន់ វិច្ឆិកា/VOA)
លោក William A. Heidt ឯកអគ្គរដ្ឋទូតសហរដ្ឋ​អាមេរិក​ប្រចាំ​កម្ពុជា ថ្លែង​ក្នុង​កិច្ចពិភាក្សា​តុមូល​ជាមួយ​អ្នកសារព័ត៌មាន​កម្ពុជា​ពាក់ព័ន្ធ​នឹង​ស្ថានការណ៍​នយោបាយ​នៅ​កម្ពុជា នៅ​រសៀល​ថ្ងៃទី​១២ ខែ​កញ្ញា ឆ្នាំ​២០១៧។(កាន់ វិច្ឆិកា/VOA)

លោកឯកអគ្គរដ្ឋ​ទូតសហរដ្ឋ​អាមេរិក​ប្រចាំ​នៅ​ប្រទេស​កម្ពុជា​បាន​ឆ្លើយ​តប​ខ្លាំង​ៗ​ទៅនឹងការ​ចោទ​ប្រកាន់​របស់​នាយករដ្ឋ​មន្រ្តីហ៊ុនសែន​ថា ​សហរដ្ឋ​អាមេរិក​កំពុង​ប៉ុនប៉ងផ្តួល​រំលំ​រដ្ឋាភិបាល​របស់​លោក​ដោយ​និយាយថា ​ការ​ចោទ​ប្រកាន់​នេះ​មិន​មែន​ជាការ​ពិត ភូត​កុហក​និង​គ្មាន​ហេតុផល។

​កំណត់សម្គាល់​របស់លោកឯកអគ្គរដ្ឋ​ទូត William Heidt ​កាល​ពី​ថ្ងៃ​អង្គារ​បាន​កើត​មានឡើង​មិនដល់​២សប្តាហ៍​ផង​បន្ទាប់​ពី​ការ​ចាប់​ខ្លួន​លោក​កឹម ​សុខា​ មេដឹក​នាំ​គណបក្ស​ប្រឆាំង​កាល​ពី​ថ្ងៃ​ទី៣ ​ខែ​កញ្ញា ​ដែល​បាន​រង​ការ​ចោទ​ប្រកាន់​ពីការ​ក្បត់​ជាតិ​លើ​បទ​ចោទ​ប្រកាន់​ពីការ​រៀបចំ​ផែនការ​ជាមួយ​រដ្ឋាភិបាល​សហរដ្ឋ​អាមេរិក​ដើម្បីដក​អំណាច​ពី​លោកហ៊ុនសែន។

​លោកហ៊ុនសែន​ជា​អតីត​មន្រ្តី​ខ្មែរ​ក្រហម​ដែល​បានកាន់​អំណាចប្រទេស​នៅ​ក្នុង​តំបន់​អាស៊ី​អាគ្នេយ៍​មួយ​នេះ​អស់​រយៈ​ពេល​ជាង​៣​ទសវត្សរ៍ ​បាន​ពង្រីក​វោហា​សាស្រ្ត​របស់​លោក​ប្រឆាំង​នឹង​សហរដ្ឋ​អាមេរិក​នៅពេល​ដែល​បង្ក្រាប​ទៅ​លើ​គណបក្ស​ប្រឆាំង​និង​បណ្តាញ​ព័ត៌មាន​មុនពេល​ការ​បោះឆ្នោត​សាកល​នៅ​ឆ្នាំ​ក្រោយ។

​កាសែត Cambodian Daily ​ដែល​ជា​កាសែត​សរសេរ​ជា​ភាសា​អង់គ្លេសបាន​ត្រូវ​បិទ​កាល​ពី​សប្តាហ៍​មុន​ដោយ​រដ្ឋាភិបាល។​ស្ថានីយវិទ្យុ​ជាង​១០​ទៀត​ដែល​ផ្សព្វផ្សាយ​ឲ្យ​ក្រុមប្រឆាំង​ឬ​កម្មវិធី​មកពី​វិទ្យុ​សំឡេង​សហរដ្ឋ​អាមេរិក VOA និងវិទ្យុ​អាស៊ី​សេរី​ដែល​ទទួល​បាន​ថវិកាមក​ពី​រដ្ឋាភិបាល​សហរដ្ឋ​អាមេរិក​បាន​ត្រូវ​បង្ខំ​ឲ្យ​បិទ​លើ​បទ​ចោទ​ប្រកាន់​ពីការ​រំលោភច្បាប់។

អភិបាលផ្សព្វផ្សាយ​របស់​សហរដ្ឋ​អាមេរិក​ដែល​មើលការ​ខុសត្រូវវិទ្យុ​សំឡេង​ស​ហរដ្ឋ​អាមេរិក VOA និងវិទ្យុអាស៊ី​សេរី​បាន​ប្រកាស​កាល​ពី​ថ្ងៃ​អង្គារថា ​ខ្លួន​បាន​ផ្អាក​កិច្ច​ប្រតិបត្តិការ​របស់​ការិយាល័យ​ព័ត៌មានវិទ្យុអាស៊ីសេរី​នៅ​ក្នុង​រដ្ឋ​ធានី​ភ្នំ​ពេញពី​ព្រោះ​តែ​យុទ្ធនាការ​បំភិទបំភ័យដែល​បាន​ធ្វើ​ឡើង​ដោយ​រដ្ឋាភិបាល​កម្ពុជា៕

XS
SM
MD
LG