ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ទូត​អាមេរិកថា ការ​​រំឭក​កិច្ច​ព្រមព្រៀង​សន្តិភាព​ទីក្រុង​ប៉ារីស​ឡើងវិញ​បញ្ជាក់​ការ​ប្តេជ្ញា​ចិត្ត​របស់​អាមេរិក​មិន​បោះបង់​កម្ពុជា


រូបឯកសារ​៖ លោក W. Patrick Murphy ឯកអគ្គរដ្ឋទូត​សហរដ្ឋ​អាមេរិក​ប្រចាំនៅប្រទេស​កម្ពុជា​បាន​ផ្តល់បទសម្ភាស​ដល់​វីអូអេ​ខេមរភាសា​ នៅស្ថានទូតសហរដ្ឋអាមេរិក​ក្នុងរដ្ឋធានី​ភ្នំពេញ​ កាលពីថ្ងៃទី១ ខែតុលា ឆ្នាំ​២០២១ អំពី​ស្ថានភាពសិទ្ធិមនុស្ស និងលទ្ធិប្រជាធិបតេយ្យ​នៅ​កម្ពុជា។ (វីអូអេខ្មែរ)
រូបឯកសារ​៖ លោក W. Patrick Murphy ឯកអគ្គរដ្ឋទូត​សហរដ្ឋ​អាមេរិក​ប្រចាំនៅប្រទេស​កម្ពុជា​បាន​ផ្តល់បទសម្ភាស​ដល់​វីអូអេ​ខេមរភាសា​ នៅស្ថានទូតសហរដ្ឋអាមេរិក​ក្នុងរដ្ឋធានី​ភ្នំពេញ​ កាលពីថ្ងៃទី១ ខែតុលា ឆ្នាំ​២០២១ អំពី​ស្ថានភាពសិទ្ធិមនុស្ស និងលទ្ធិប្រជាធិបតេយ្យ​នៅ​កម្ពុជា។ (វីអូអេខ្មែរ)

ឯក​អគ្គរដ្ឋទូត​សហរដ្ឋ​អាមេរិក​ប្រចាំ​កម្ពុជា​លោក​W. Patrick Murphy ចាត់​ទុក​ថា​ការ​សម្រេច​ចិត្ត​របស់​ព្រឹទ្ធ​សភា​អាមេរិក​ ក្នុង​ការ​រំឭក​ខួប​លើក​ទី​៣០នៃ​កិច្ច​ព្រមព្រៀង​សន្តិភាព​ទីក្រុងប៉ារីស​ ឆ្នាំ​១៩៩១ បាន​បញ្ជាក់​ជំហរ​សហរដ្ឋ​អាមេរិក​ ដែល​នឹង​នៅ​ជាមួ​យ​ប្រជាជន​កម្ពុជា​។ នេះ​បើតាម​សេចក្តី​ប្រកាស​របស់​ស្ថាន​ទូត​សហរដ្ឋ​អាមេរិកនៅ​ទីក្រុង​ភ្នំពេញ​ដែល​វីអូអេ​ទទួល​បាន​នៅថ្ងៃ​អង្គារ​នេះ​។

កាល​ពី​ថ្ងៃទី​១២​ ខែឧសភា ​ព្រឹទ្ធសភា​សហរដ្ឋ​អាមេរិក​ បាន​អនុម័ត​ជា​ឯកច្ឆន្ទ លើ​សេចក្តី​សម្រេច​ចិត្ត​ក្នុង​ការ​រំឭក​កិច្ចព្រមព្រៀង​ជា​ប្រវត្តិសាស្ត្រ​នោះ ដែលបាន​បញ្ចប់សង្គ្រាម​មាន​រយៈពេល​រាប់​ទសវត្សរ៍​ និង​ក្នុង​ការ​ធ្វើ​ឱ្យ​ប្រទេស​កម្ពុជា​ស្ថិត​នៅ​លើ​ផ្លូវ​នៃ​សន្តិភាព​ ស្ថិរភាព​ និង​វិបុលភាព។

​លោក​W. Patrick Murphyឯក​អគ្គរដ្ឋ​ទូត​សហរដ្ឋ​អាមេរិក​ប្រចាំ​កម្ពុជា​ត្រូវបាន​គេស្រង់​សម្តីក្នុង​សេចក្តី​ប្រកាស​ព័ត៌មាន​ចុះថ្ងៃទី​២៤ខែ​ឧសភា តាម​អត្ថន័យ​ដើមថា៖ «សំឡេង​ដ៏សំខាន់​នៃ​ផ្នែក​នីតិបញ្ញត្តិ​បញ្ជាក់​ថា​ សហរដ្ឋ​អាមេរិក​ឈរ​នៅជាមួយ​ប្រជាជន​កម្ពុជា​ ក្នុង​ការ​គាំទ្រ​សេចក្តី​ប្រាថ្នា​យូរអង្វែង​របស់​ពួកគេ​ ដែល​ចង់​បាន​លទ្ធិប្រជាធិបតេយ្យ​ សេរីពហុបក្ស​ ដោយ​មាន​ការ​ចូលរួម​ពី​គ្រប់​មជ្ឈដ្ឋាន​ទាំង​អស់​»។

លោកឯកអគ្គរដ្ឋ​ទូត​បន្ថែម​ថា៖ «​សេចក្តី​សម្រេច​ចិត្ត​នេះ​ ថែម​ទាំង​រំឭក​ពីតួនាទី​ដ៏សំខាន់​នៃ​សហគមន៍​អន្តរ​ជាតិ​ ក្នុងការ​ធ្វើ​ជា​ដៃ​គូ​ជាមួយ​អ្នក​ពាក់​ព័ន្ធខាង​កម្ពុជា​ នៅ​ឆ្នាំ​១៩៩១​ ដើម្បី​ជួយ​ព្រះរាជាណាចក្រ​កម្ពុជា​ក្នុង​ការ​បញ្ចប់​នូវ​អំពើ​ហិង្សា​ ហើយ​ចាប់ផ្តើម​កសាង​ប្រទេស​ឡើងវិញ»។

គួរបញ្ជាក់​ថា​ សេចក្តី​សម្រេច​របស់​ព្រឹទ្ធសភា​អាមេរិក​ ផ្តើមចេញ​ពី​គំនិត​ផ្តួចផ្តើម​ដោយ​សមាជិក​ព្រឹទ្ធ​សភាឈ្មោះ​ Eward J. Markey​ មក​ពីរដ្ឋ​ Massachusetts ព្រឹទ្ធសមាជិក​ Mitt Romney មក​ពីរដ្ឋ​ Utah​ ព្រឹទ្ធ​សមាជិក Bob Menendez មក​ពីរដ្ឋ​ New Jersey និង​ព្រឹទ្ធ​សមាជិក​ Jim Risch​ មក​ពីរដ្ឋ​ Idaho។

​កិច្ច​ព្រមព្រៀង​សន្តិភាពទីក្រុង​បារីស (Paris Peace Agreement) ដែល​បាន​ធ្វើ​ឱ្យខ្មែរ ៤​ភាគី ឈប់​បាញ់​គ្នា​ នាំ​ឲ្យ​មាន​សន្តិភាព​ ធានា​បូរណភាព​ដែនដី​ អធិបតេយ្យភាព​ជាតិ​ ការ​អភិវឌ្ឍ​ជា​ដើម​ផង​នោះ គឺ​ជា​ស្នា​ព្រះហស្ថ​របស់​ព្រះបរមរតនកោដ្ឋ ​សម្តេចឪ​ព្រះ​បាទ​នរោត្តម​ សីហនុ ​ដែល​ជា​អ្នក​ផ្តួចផ្តើម៕

XS
SM
MD
LG