លោកអគ្គលេខាធិការអសប Ban Ki-moon បានតែងតាំងលោក Ismail Ould Ahmed នៃប្រទេស Maritania ជាអ្នកតំណាងពិសេសថ្មីរបស់លោក និងជានាយកបេសកកម្មរបស់អសបសម្រាប់ការឆ្លើយតបនឹងជម្ងឺ Ebola។
តាមសេចក្តីប្រកាសមួយរបស់អសបកាលពីថ្ងៃព្រហស្បត៍ លោក Ahmed នឹងធ្វើការជិតដិតជាមួយប្រេសិតពិសេសសម្រាប់ជម្ងឺ Ebola លោកវេជ្ជបណ្ឌិត David Nabarro និងជាមួយរដ្ឋាភិបាលនានាក្នុងតំបន់ក៏ដូចជាដៃគូដទៃៗទៀត។
លោក Ahmed នឹងចូលជំនួសលោក Anthony Banbury នៃសរអា ដែលនឹងត្រឡប់ទៅបូរី New York វិញ នៅដើមខែមករា ឆ្នាំ ២០១៥៕
