ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ប្រធានាធិបតី​អាមេរិក​ហៅ​របាយការណ៍​អំពី​ទីតាំង​ផលិត​កាំជ្រួចម៉ីស៊ីល​របស់​កូរ៉េខាងជើង​ថា​ជា ​ព័ត៌មាន​ក្លែងក្លាយ


រូបឯកសារ៖ ប្រធានាធិបតីអាមេរិកលោក Donald Trump 

របាយការណ៍​ដែល​បាន​ចេញផ្សាយ​កាល​ពី​ថ្ងៃចន្ទ​បាន​ឱ្យ​ដឹង​ថា​ការសន្និដ្ឋាន​នេះ​ផ្អែកលើ​រូបភាព​របស់​ផ្កាយរណប​របស់​ក្រុមហ៊ុន​អាជីវកម្ម​ បទសម្ភាសន៍​នានា​ជាមួយ​មេដឹកនាំ​កូរ៉េខាងជើង​ និង​បទសម្ភាសន៍​ជាមួយ​ក្រុមមន្រ្តី​ស៊ើបការ​សម្ងាត់​និង​មន្ត្រី​រដ្ឋាភិបាល​សហរដ្ឋអាមេរិក។

ប្រធានាធិបតី​អាមេរិក​លោក Donald Trump បាន​សង្កត់​ទៅ​លើ​ការ​រាយការណ៍​ថា ​កូរ៉េ​ខាងជើង​មិន​បាន​ប្រកាស​អំពី​ទីតាំង​ផលិត​កាំជ្រួញ​មីស៊ីល​យ៉ាងហោច​ណាស់​ ១៣កន្លែង​ផ្សេង​ទៀត​ ដោយ​លោក​បាន​ហៅ​ការ​ចុះផ្សាយ​នេះ​ថា​ជា​ព័ត៌មាន​ក្លែងក្លាយ។

Trump បាន​ថ្លែង​ដោយ​យោង​ទៅ​លើ​ព័ត៌មាន​នៅក្នុង​របាយការណ៍​របស់​មជ្ឈមណ្ឌល​សម្រាប់​យុទ្ធសាស្រ្ត​ និង​ការ​សិក្សា​អន្តរជាតិ ​ដែល​មាន​មូលដ្ឋាន​នៅក្នុង​រដ្ឋធានី​វ៉ាស៊ីនតោន​ និង​ត្រូវ​បាន​ចុះផ្សាយ​ដោយ​កាសែត The New York​Times ថា «ការ​រាយការណ៍​នៅក្នុង​កាសែត The New York Times ពាក់ព័ន្ធ​ទៅនឹង​ទីតាំង​ផលិត​កាំជ្រួច​ម៉ីស៊ីល​របស់​កូរ៉េខាងជើង​នេះ​គឺ​មិនមែន​ជា​ការពិត​ទេ។ យើង​ដឹង​យ៉ាងច្បាស់​ថា ​ទីតាំង​ទាំងនោះ​កំពុង​ស្ថិត​ក្រោម​កិច្ចពិភាក្សា​នៅឡើយ។ វា​គ្មាន​អ្វី​ថ្មី​ទេ។ វា​គ្មាន​អ្វី​កើតឡើង​ក្រៅ​ពី​នេះ​ទេ»។ លោក​បាន​បន្ថែម​នៅក្នុង​សារ​របស់​លោក​ទៀត​ថា «ខ្ញុំ​គឺ​ជា​មនុស្ស​ទីមួយប្រាប់​អ្នក​ប្រសិនបើ​មាន​រឿង​អាក្រក់​កើតឡើង។

របាយការណ៍​ដែល​បាន​ចេញផ្សាយ​កាល​ពី​ថ្ងៃចន្ទ​បាន​ឱ្យ​ដឹង​ថា​ការសន្និដ្ឋាន​នេះ​ផ្អែកលើ​រូបភាព​របស់​ផ្កាយរណប​របស់​ក្រុមហ៊ុន​អាជីវកម្ម​ បទសម្ភាសន៍​នានា​ជាមួយ​មេដឹកនាំ​កូរ៉េខាងជើង​ និង​បទសម្ភាសន៍​ជាមួយ​ក្រុមមន្រ្តី​ស៊ើបការ​សម្ងាត់​និង​មន្ត្រី​រដ្ឋាភិបាល​សហរដ្ឋអាមេរិក។ លោក Joseph Bermudez​ ដែល​ជា​អ្នកនិពន្ធ​ម្នាក់​ក្នុង​ចំណោម​អ្នកនិពន្ធ​ផ្សេងទៀត​បាន​និយាយ​ថា ការរកឃើញ​ទាំងនេះ​គឺ​ជារឿង​គួរ​ឲ្យ​ចាប់អារម្មណ៍។ លោក Bermudez​ បាន​និយាយ​ថា«ខ្ញុំ​គិត​ថា​ការគំរាម​កំហែង​កាំជ្រួច​ម៉ីស៊ីល​និង​នុយក្លេអ៊ែរ​របស់​កូរ៉េខាងជើង​គឺ​នៅ​តែ​អាច​កើតឡើង​ និង​គ្មានអ្វី​ផ្លាស់ប្តូរ​ទេ​រយៈពេល​១០ឆ្នាំ​មក​នេះ»។

របាយការណ៍​នោះ​បាន​រាយការណ៍​ថា ​ទីតាំង​ផលិត​កាំជ្រួចមីស៊ីល​របស់​កូរ៉េខាងជើង​ដែល​អាច​ផលិត​កាំជ្រួច​ម៉ីស៊ីល​បាន​គ្រប់​កម្រិត​នោះ​ ត្រូវ​បាន​លាក់ទុក​យ៉ាងល្អ​ ដែលនេះ​គឺ​ជា​ចេតនា​របស់​កូរ៉េខាងជើង​ដែល​ព្យាយាម​លាក់បាំង​អំពី​សមត្ថភាព​យោធា​របស់​ខ្លួន៕

XS
SM
MD
LG