លោកប្រធានាធិបតីអាមេរិក ដូណាល់ ត្រាំ បានស្នើឲ្យក្រុមមន្ត្រីផ្តល់ជម្រើសដល់លោកចំពោះការដកចេញនូវការគំរាមកំហែងរបស់កូរ៉េខាងជើងដែលមានអាវុធនុយក្លេអ៊ែរ។ នេះបើយោងតាមទីប្រឹក្សាជាន់ខ្ពស់គឺលោក H.R. McMaster ដែលបានថ្លែងកាលពីថ្ងៃអាទិត្យ។
ខណៈដែលកងទ័ពវាយប្រហារតាមជើងទឹករបស់អាមេរិកមួយក្រុមធ្វើដំណើរឆ្ពោះទៅកាន់ឧបទ្វីបកូរ៉េ ដើម្បីផ្ញើជាសារមួយដល់កូរ៉េខាងជើងនោះ លោក McMaster បានថ្លែងប្រាប់ទូរទស្សន៍ Fox News ថា៖ «នេះគឺជារបបទុច្ចរិតដែលឥឡូវនេះក្លាយជារបបមួយដែលមានសមត្ថភាពនុយក្លេអ៊ែរ»។
លោក McMaster បានពណ៌នាសេចក្តីសម្រេចរបស់សហរដ្ឋអាមេរិកក្នុងការបញ្ជូននាវាពិឃាដ Carl Vinson ទៅការពារផលប្រយោជន៍របស់អាមេរិកនៅក្នុងមហាសមុទ្រប៉ាស៊ីហ្វិក ថាជារឿងមួយដែលសំខាន់។ លោកបាននិយាយថា លោក ត្រាំ និងប្រធានាធិបតីចិន លោក ស៊ី ជីនពីង បានព្រមព្រៀងគ្នានៅក្នុងកិច្ចប្រជុំកំពូលរបស់ពួកគេក្នុងរដ្ឋ Florida កាលពីសប្តាហ៍មុនថា អាកប្បកិរិយាបង្ករឿងរបស់រដ្ឋាភិបាលក្រុងព្យុងយ៉ាង ក្នុងការផលិតអាវុធនុយក្លេអ៊ែរគឺជារឿងមួយដែលមិនអាចទទួលយកបាននោះទេ។
ប្រធានាធិបតីកាលពីមុន និងលោកប្រធានាធិបតីបច្ចុប្បន្ន ដូណាល់ ត្រាំ បានព្រមព្រៀងគ្នាថា រឿងនេះមិនអាចទទួលយកបាននោះទេ ហើយអ្វីដែលត្រូវកើតឡើងគឺការដែលគ្មានអាវុធនុយក្លេអ៊ែរនៅឧបទ្វីបកូរ៉េ៕
