ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក​ប្រធានាធិបតី​ Trump តែង​តាំង​លោក Michael Pack ឲ្យ​កាន់​តំណែង​ជាប្រធាន​គណៈអភិបាល​ការ​ផ្សាយ Broadcasting Board of Governors


នេះ​ជា​រូប​របស់​លោក Michael Pack។

លោក​ប្រធានាធិបតី​ Donald Trump គ្រោងតែង​តាំង​ផលិតករ​ភាពយន្ត​ឯកសារ​អភិរក្សនិយម ​លោក Michael Pack ឲ្យ​កាន់​តំណែង​ជាប្រធាន​គណៈអភិបាល​ការ​ផ្សាយ Broadcasting Board of Governors នេះ​បើ​តាម​ការជូន​ដំណឹង​របស់​សេត​វិមាន។

BBG​ ជា​ទី​ភ្នាក់​ងារ​រដ្ឋាភិបាល​សហព័ន្ធ​ដែល​មើល​ការ​ខុស​ត្រូវ​លើ​សំឡេង​សហរដ្ឋ​អាមេរិក និង​ស្ថាប័ន​ផ្សាយ​ព័ត៌មាន​ឯ​ទៀត​ដែល​ទទួល​មូល​និធិ​ពី​សភា​សហរដ្ឋ​អាមេរិក។

លោក​ Pack ជា​ប្រធាន​នៃ​ផលិតកម្ម​ Manifold Productions ដែល​ជា​ក្រុម​ហ៊ុនភាពយន្ត​និង​ទូរទស្សន៍​ឯករាជ្យ​មួយ។

លោកមាន​បទ​ពិសោធន៍​យ៉ាង​ច្រើន​ក្នុង​វិស័យផ្សព្វ​ផ្សាយ​ទាំង​អស់ ដែល​រួម​មានធ្លាប់​កាន់​តំណែង​ជា​អនុ​ប្រធាន​ជាន់​ខ្ពស់​នៃសហគ្រាស​សម្រាប់​ការ​ផ្សព្វ​ផ្សាយ​សាធារណៈ ព្រម​ទាំង​ជា​នាយកនៃ​សេវា​ភាពយន្ត​និង​ទូរទស្សន៍​របស់បណ្តាញ​ផ្សាយ ​Worldnet​ នៃ​អតីត​ទី​ភ្នាក់ងារ​ព័ត៌មានសរអា USIA ផង។

បើ​សិន​ជា​ទទួល​បាន​ការ​អនុម័ត​ពី​ព្រឹទ្ធសភាសហរដ្ឋ​អាមេរិក លោក​ Pack​ នឹង​ជំនួស​លោក ​John Lansing ​ជា​នាយក​ប្រតិបត្តិ​របស់ BBG។ អាណត្តិ​របស់​លោក​មាន​រយៈពេល​៣​ឆ្នាំ៕

XS
SM
MD
LG