ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក Trump ជះ​កំហឹង​តាម Twitter ជុំវិញ​ការ​ចោទប្រកាន់​ប្រឆាំង​សភា​តំណាងរាស្រ្ត


ប្រធានាធិបតី​ ដូណាល់ ត្រាំ ប្រារព្ធកម្មវិធី​មួយ​ដើម្បី​អបអរ​បុគ្គលិក​ផ្នែក​អន្តោប្រវេសន៍និង​គយ​នៅ​ព្រំដែននៅ​រដ្ឋ​ធានី​វ៉ាស៊ីនតោនកាលពី​ថ្ងៃទី​២០ ខែ សីហា ឆ្នាំ ២០១៨។
ប្រធានាធិបតី​ ដូណាល់ ត្រាំ ប្រារព្ធកម្មវិធី​មួយ​ដើម្បី​អបអរ​បុគ្គលិក​ផ្នែក​អន្តោប្រវេសន៍និង​គយ​នៅ​ព្រំដែននៅ​រដ្ឋ​ធានី​វ៉ាស៊ីនតោនកាលពី​ថ្ងៃទី​២០ ខែ សីហា ឆ្នាំ ២០១៨។

សមាជិក​សភា​ខាង​គណបក្ស​សាធារណរដ្ឋ​កំពុង​ចូលរួម​ជាមួយ​ពួក​សមាជិក​សភា​ខាង​គណបក្ស​ប្រជាធិបតេយ្យ​រិះគន់​លោកប្រធានាធិបតី Donald Trump ចំពោះ​អ្វី​ដែល​មនុស្ស​ជាច្រើន​យល់​ថា​ជា​ការរំលោភ​លើ​ឯករាជ្យភាព​របស់​តុលាការ។

លោក​ប្រធានាធិបតី​កាល​ពី​ដើមសប្តាហ៍​នេះ​បាន​រិះគន់​លោក​រដ្ឋមន្រ្តីយុត្តិធម៌​ជុំវិញ​ការ​ចោទ​ប្រកាន់​ក្រសួងយុត្តិធម៌​ថា​បាន​ប្រឆាំង​នឹង​តំណាងរាស្ត្រ​ពីរ​នាក់​មក​ពី​ខាង​គណបក្ស​សាធារណរដ្ឋ។ លោក Chris Collins ជា​តំណាងរាស្ត្រ​មក​ពី​រដ្ឋ​ញ៉ូវយ៉ក​ត្រូវ​បាន​ចោទប្រកាន់​ថា​បាន​យក​ព័ត៌មាន​ផ្ទៃក្នុង​មក​ធ្វើ​អាជីវកម្ម​បម្រើ​ប្រយោជន៍​ខ្លួន​ឯង។ លោក Duncan Hunter តំណាងរាស្ត្រ​មក​ពី​រដ្ឋកាលីហ្វ័រញ៉ា​ត្រូវ​បាន​ចោទ​ប្រកាន់​ថា​បាន​ប្រើប្រាស់​ថវិកា​សម្រាប់​ឃោសនា​បោះឆ្នោត​ខុស។ អ្នក​ទាំងពីរ​មិន​បាន​សារភាព​ទទួល​កំហុស​នោះ​ទេ។

លោកប្រធានាធិបតី​បាន​រិះគន់​លោករដ្ឋមន្រ្តីយុត្តិធម៌​ និង​ក្រសួង​យុត្តិធម៌​ជាយូរ​មក​ហើយ​ពាក់ព័ន្ធ​នឹង​ករណី​ស៊ើបអង្កេត​ពី​ការជ្រៀតជ្រែង​របស់​រុស្ស៊ី​នៅក្នុង​ការ​បោះឆ្នោត​ប្រធានាធិបតី​ដែល​ដឹកនាំ​ដោយ​រដ្ឋអាជ្ញា​ពិសេស​លោក Robert Mueller។ ប៉ុន្តែ​ការប្រកាស​ចុងក្រោយ​របស់​លោកប្រធានាធិបតី​ត្រូវ​បាន​ច្រានចោល​ដោយ​ក្រុម​អ្នក​ជំនាញច្បាប់​ និង​សមាជិក​នៅក្នុង​គណបក្ស​របស់​លោក​ចំពោះ​ការទាមទារ​ឲ្យ​ដាក់ក្តី​បារម្ភ​នយោបាយ​នៅ​មុន​ច្បាប់​ព្រហ្មទណ្ឌ។

លោក Paul Ryan ប្រធាន​រដ្ឋសភា​បាន​ប្រាប់​សារព័ត៌មាន CNN ថា​ ក្រសួងយុត្តិធម៌​គួរតែ​នៅ​ឲ្យ​ឆ្ងាយ​ពី​ការងារ​នយោបាយ​ ហើយ​លោក​យល់ស្រប​ទៅ​នឹង​ការចោទ​ប្រកាន់​ប្រឆាំង​នឹង​តំណាងរាស្រ្ត​ទាំងពីរ​នាក់​នេះ។

លោក Ben Sasse សមាជិក​ព្រឹទ្ធសភា​មក​ពីរដ្ឋ Nebraska បាន​ចេញ​សេចក្តីថ្លែង​ការ​មួយ​ថា​សហរដ្ឋអាមេរិក​មិនមែន​ជា​ប្រទេស​ដែល​គ្មាន​ច្បាប់​ទម្លាប់​ ដោយ​មាន​ប្រព័ន្ធ​យុត្តិធម៌ពីរ​មួយ​សម្រាប់​ក្រុម​សំឡេង​ភាគច្រើន​ និង​មួយទៀត​សម្រាប់​ក្រុម​សំឡេង​ភាគតិច​នោះ​ទេ។

លោក Jeff Flake សមាជិក​ព្រឹទ្ធសភា​មក​ពីរដ្ឋ Arizona បាន​សរសេរ​បង្ហោះ​តាម Twitter​ ថា​ លោក Trump កំពុង​ប្រើប្រាស់​ក្រសួងយុត្តិធម៌​ដើម្បី​កែងចំណេញ​ប្រយោជន៍​នយោបាយ៕

XS
SM
MD
LG