ភ្ជាប់​ទៅ​គេហទំព័រ​ទាក់ទង

លោក​ ដូណាល់ ​ត្រាំ​ពិនិត្យ​មើល​រដ្ឋ​តិចសាស​ដែល​រង​ការ​បំផ្លិច​បំផ្លាញ​ដោយ​ទឹក​ជំនន់


លោក​ប្រធានាធិបតី ដូណាល់ ត្រាំ ថ្លែង​នៅ​ក្នុង​សន្និសីទ​កាសែត​មួយ​ស្តី​ពី​កិច្ចប្រឹងប្រែង​ជួយ​សង្គ្រោះ​ជន​រងគ្រោះ​នៃ​ព្យុះ Harvey កាលពី​ថ្ងៃទី២៩ ខែសីហា ឆ្នាំ២០១៧។

លោក​ប្រធានា​ធិបតីសហរដ្ឋអាមេរិក​ដូណាល់ ​ត្រាំ​និង​លោក​ជំទាវ Melania ត្រាំ​បាន​ធ្វើ​ដំណើរ​តាម​យន្តហោះ​ទៅកាន់​រដ្ឋ​តិចសាស​កាល​ពី​ថ្ងៃ​អង្គារ​ដើម្បី​ពិនិត្យ​មើលជាលើក​ដំបូង​រដ្ឋ​ដែលទទួល​ការ​បំផ្លិច​បំផ្លាញដោយ​ទឹក​ជំនន់ ​ទោះ​បី​នៅ ពេល​ដែល​ព្យុះ​សង្ឃរា​តំបន់​ត្រូពិក​ឈ្មោះ Harvey ​បន្ត​ធ្វើ​ឲ្យ​ធ្លាក់​ភ្លៀង​យ៉ាង​ខ្លាំង​នៅ​ក្នុង​តំបន់​នោះ​ក៏ដោយ។

លោក​ប្រធានា​ធិបតី​ត្រាំ​បាន​ប្រាប់​ពួក​មន្ត្រី​ជួយ​សង្គ្រោះ​នៅ​ក្នុង​ទីក្រុង Corpus Christi ​នៅ​ជិត​ទីកន្លែង​ព្យុះ​សង្ឃរា ​Harvey ​បក់​បោក​ជា​លើក​ដំបូង​កាល​ពី​ថ្ងៃ​សុក្រ​សប្តាហ៍​មុន​ថា លោក​មាន​មោទនភាព​យ៉ាង​ខ្លាំង​ចំពោះ​ការ​ខំ​ប្រឹងប្រែង​របស់​ពួកគេ​ដើម្បី​ជួយ​សង្គ្រោះ​ជីវិត​មនុស្ស ​ហើយ​និង​ជួយ​មនុស្ស​ឲ្យ​គេច​ចេញ​ពី​ទឹក​ជំនន់​ដ៏​ខ្លាំង​នៅ​ក្នុង​រដ្ឋ​នោះ។

លោក​ប្រធានា​ធិបតី​ត្រាំ​បាន​ចាត់​ទុក​ព្យុះ​សង្ឃរា​នោះ​ជា «ព្យុះ​មិន​ដែល​ធ្លាប់​មាន​កាលពី​ពេល​មុន» ក៏ប៉ុន្តែ ​លោក​ប្រធានា​ធិបតី​បាន​មាន​ប្រសាសន៍​ទៀត​ថា ​លោក​សង្ឃឹម​ថា ​ក្នុង​រយៈ​ពេល៥​ឬ១០​ឆ្នាំទៀត ​ពួក​អ្នក​រៀបចំ​ចាត់​ចែង​មហន្តរាយ​ធម្មជាតិ​នឹង​ពិនិត្យ​មើល​ការ​ខំ​ប្រឹងប្រែង​ជួយ​សង្គ្រោះ​របស់​រដ្ឋាភិបាល​នៅ​សប្តាហ៍​នេះ​ថា​ជា «មធ្យោបាយ​មួយ​ដើម្បី​ដោះស្រាយ​បញ្ហា។ យើង​ចង់​ដោះស្រាយ​បញ្ហា​នេះ​ឲ្យ​ប្រសើរ​ឡើង​ជាង​កាល​ពី​ពេល​មុន‍»។

ក៏ប៉ុន្តែ លោក Brock Long ប្រធាន​ទីភ្នាក់ងារ​រៀប​ចំ​ចាត់​ចែង​ភាព​មាន​អាសន្នរបស់​រដ្ឋាភិបាល​សហព័ន្ធ​បាន​ព្រមាន​ពី​ពេលវេលា​ដ៏​លំបាក​នៅ​ពេល​ខាង​មុខ ​ទោះបី​នៅ​ពេល​ដែល​ភ្លៀង​ចប់​ក៏ដោយ។

លោក Long និយាយ​ថា «ការ​ងើប​ឡើង​វិញ​នេះ​នឹង​ក្លាយ​ជា​ការ​រកាំ​ចិត្ត​មួយ ខណៈ​ដែល​លោក​លួងលោម​ពលរដ្ឋ​ក្នុង​រដ្ឋ​នោះ​ដឹង​ថា ​យើង​នឹង​ស្ថិត​នៅ​ទី​នេះ​ជា មួយ​អ្នក​ទាំង​អស់​គ្នា»៕

XS
SM
MD
LG