ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក​ Trump ៖ ​ការ​ព្រងើយ​កន្តើយ​ដាក់​ដល់​សំណើ​សុំ​ទិញ​ដែនដី​ Greenland ជំរុញឲ្យលោក​លុប​ចោល​គម្រោង​ទស្សនកិច្ច​នៅដាណឺម៉ាក


President Donald Trump speaks during a meeting with Romanian President Klaus Iohannis in the Oval Office of the White House.

ឥស្សរជន​នយោបាយ​ដាណឺម៉ាកបាន​រិះគន់​ខ្លាំង​ដល់​ការ​លុបចោលដំណើរ​ទស្សនកិច្ច​នេះ​ដោយ​លោក​ Trump ដោយ​និយាយ​ថា​ ការ​ព្រងើយ​កន្តើយ​ដោយមើលងាយ​បែបនេះ​ជា​អាកប្បកិរិយា​មិនល្អទេ។​

ប្រធានាធិបតី​អាមេរិកលោក Donald Trump ទទួល​ស្គាល់​ថា ​លោកលុប​ចោល​ដំណើរ​ទស្សនកិច្ច​មួយ​ទៅ​ប្រទេស​ដាណឺម៉ាក ពី​ព្រោះ​នាយករដ្ឋមន្ត្រី​នៃ​ប្រទេស​នេះបាន​ធ្វើ​កំណត់​សម្គាល់​ «មិនល្អ» មួយ​ជា​ប្រតិកម្ម​ដល់​ដល់​សំណើ​របស់លោក​ឱ្យ​ពលរដ្ឋដាណឺម៉ាកលក់​ដែន​ដី​ Greenland ឱ្យ​សហរដ្ឋអាមេរិក។

លោក​ Trump បាន​និយាយ​ប្រាប់​ក្រុមអ្នកកាសែត​កាលពី​ថ្ងៃ​ពុធ​ថា «ខ្ញុំ​យល់​ថា​ វា​មិនមែន​ជា​សេចក្តី​ថ្លែងការណ៍​ល្អមួយ​ទេ​គឺ ​វិធី​ដែលគាត់​រិះគន់ខ្ញុំ។​ គាត់​រិះគន់​ស.រ.អ.ខ្លាំងណាស់។ គាត់​និយាយ​ដោយ​ស្រពិច​ស្រពិល។ នេះមិនមែន​ជា​ពាក្យ​ពេចន៍ត្រូវ​ប្រើទេ»។

លោកស្រី​នាយក​រដ្ឋមន្ត្រី Mette Frederiksen នៃ​ប្រទេសដាណឺម៉ាកបាន​និយាយ​កាល​ពីពេល​មុន​នេះ​កាល​ពីថ្ងៃពុធ​ថា​ លោកស្រី​ស្តាយហើយ​ភ្ញាក់​ផ្អើល​នឹង​ការណ៍​ដែល​លោក​ Trump បានលុប​ចោល​ជា​បន្ទាន់​នូវទស្សនកិច្ចដែលលោកបានគ្រោង​ធ្វើ​ក្នុង​ប្រទេសដាណឺម៉ាក និង​បាន​ច្រាន​ចោល​សំណើ​របស់​លោកក្នុងការទិញ​ដែន​ដី Greenland ដែល​ជា​ដែន​ដី​យុទ្ធសាស្ត្រ​ក្នុង​តំបន់អាកទិច​សំបូរដោយ​ធនធាន​រ៉ែ​ដែល​ជា​ផ្នែកមួយនៃ​ព្រះរាជាណាចក្រ​ដាណឺម៉ាក។

លោកស្រី​ Frederiksen បាន​មាន​ប្រសាសន៍​ប្រាប់​ក្រុមអ្នកកាសែត​នៅ​ក្នុង​ក្រុង​កូប៉ិនហាកថា «ខ្ញុំ​ទន្ទឹង​រង់ចាំ​ទស្សនកិច្ច​នេះ​ ហើយយើង​បានប្រុងប្រៀប​ល្អ​សម្រាប់ទស្សនកិច្ច​នេះផង​ដែរ»។ លោកស្រី​បាននិយាយបន្ថែម​ថា ​វា​អាច​ជា​ឱកាស​មួយ​សម្រាប់​អបអរ​សាទរ​ទំនាក់​ទំនង​ជិត​ស្និទ្ធ​រវាងប្រទេស​ទាំង​ពីរ​ផង​ដែរ។

ឥស្សរជន​នយោបាយ​ដាណឺម៉ាកបាន​រិះគន់​ខ្លាំង​ដល់​ការ​លុបចោលដំណើរ​ទស្សនកិច្ច​នេះ​ដោយ​លោក​ Trump ដោយ​និយាយ​ថា​ ការ​ព្រងើយ​កន្តើយ​ដោយមើលងាយ​បែបនេះ​ជា​អាកប្បកិរិយា​មិនល្អទេ។​

លោក Michael Aastrup Jensen សមាជិក​សភា​នៃប្រទេស​ដាណឺម៉ាកបាន​មានប្រសាសន៍ថា «វា​ជា​ការប្រមាថ​មើលងាយមួយ​ពី​មិត្តភ័ក្តិនិង​សម្ព័ន្ធ​មិត្តជិត​ស្និទ្ធ​មួយ»។ លោកបាននិយាយ​បន្ថែមថា Trump «ខ្វះខាត​ការ​ប៉ិនប្រសប់ខាងការទូត​ជា​មូលដ្ឋាន»។

អ្នក​នយោបាយ​ឆ្វេង​និយម Pernille Skipper បានសរសេរ​តាម Twitter ថា​ «លោក Trump រស់នៅលើ​ភព​មួយ​ទៀត។ គាត់មានភាពគ្រប់គ្រាន់​ដោយ​ខ្លួនឯង​ហើយគ្មានការ​គោរពដល់​អ្នកឯទៀតទេ»។

XS
SM
MD
LG