ភ្ជាប់​ទៅ​គេហទំព័រ​ទាក់ទង

រដ្ឋបាល​លោក Trump និយាយ​ថា ប្រទេស​អ៊ីរ៉ង់​កំពុង​គោរព​តាម​កិច្ចព្រមព្រៀង​នុយក្លេអ៊ែរ


នៅ​ក្នុង​រូបភាព​ថ្ងៃទី១៥ ខែមករា ឆ្នាំ២០១១​នេះ មជ្ឈមណ្ឌល​ផលិត​នុយក្លេអ៊ែរ​ធំ​មួយ​របស់​អ៊ីរ៉ង់​ត្រូវ​បាន​គេ​ថត​បាន​នៅ​ក្បែរ​ក្រុង Arak ប្រទេស​អ៊ីរ៉ង់។

កាល​ពី​ថ្ងៃ​ច​ន្ទ រដ្ឋាភិបាល​ស.រ.អា.​បាន​បញ្ជាក់​ទៀត​ថា ​ប្រទេស​អ៊ីរ៉ង់បាន​ធ្វើ​តាម​កិច្ចព្រមព្រៀង​អន្តរជាតិ​កាល​ពី​ឆ្នាំ២០១៥​អំពី​កម្មវិធី​បរមាណូ​របស់​ខ្លួន ដែល​ជាកិច្ចព្រមព្រៀង​មួយ​លោក​ប្រធានាធិបតី​ Donald Trump បាន​ហៅ​ថា​ជា​«កិច្ចព្រមព្រៀង​អាក្រក់​បំផុត​ដែល​បាន​ត្រូវ​ធ្វើ​ការ​ចរចា»។

តាម​រយៈ​ច្បាប់​ស.រ.អា. ក្រសួង​ការបរទេស​ស.រ.អា.​ត្រូវ​តែ​ប្រាប់​សភា​ស.រ.អា.​រៀង​រាល់​៩០ថ្ងៃ​អំពី​ការ​ធ្វើ​តាម​កិច្ចព្រម​ព្រៀង​នេះ​ដោយ​ប្រទេស​អ៊ីរ៉ង់។​

មន្ត្រី​ជាន់ខ្ពស់​ម្នាក់​នៃ​រដ្ឋបាល​អាមេរិកាំង​បាន​និយាយ​ថា​នៅ​ពេល​ដែល​ប្រទេស​អ៊ីរ៉ង់​ធ្វើ​តាម​លក្ខខណ្ឌ​នៃ​កិច្ចព្រមព្រៀង​នេះ​តាម​បច្ចេកទេស ប្រទេស​នេះ «មិន​ប្រកាន់​តាម​ស្មារតី​នៃ​កិច្ចព្រមព្រៀង​នេះ ដោយ​គ្មាន​ការ​សង្ស័យ​ឡើយ» ដោយ​និយាយ​បន្ថែម​ថា​រដ្ឋបាល​លោក Trump កំពុង​ធ្វើការ​ជាមួយ​ពួក​សម្ព័ន្ធមិត្ត​ក្នុង​ការ​ពង្រឹង​កិច្ចព្រមព្រៀង​នេះ​ឱ្យ​បាន​តឹងរ៉ឹង ជាង​មុន​ថែម​ទៀត​ផង។​

មន្ត្រី​ជាន់ខ្ពស់​រូប​នេះ​បាន​និយាយ​ប្រាប់​ពួក​អ្នក​កាសែត​ថា​សេតវិមាន​មាន​ជំនឿ​ថា​ប្រទេស​អ៊ីរ៉ង់​នៅ​តែ​ជា​រដ្ឋាភិបាល​មួយ​ក្នុង​បណ្តា​រដ្ឋាភិបាល​នានា​ដែល​មាន​គ្រោះ​ថ្នាក់​បំផុត​ ហើយ​លោក​បាន​និយាយ​យោង​ដល់​ភស្តុតាង​អំពី​ការ​គាំទ្រ​របស់​រដ្ឋាភិបាល​ក្រុង​តេហេរ៉ង់​ដល់​ភេរវកម្ម ការ​បន្ត​មាន​អរិភាព​ប្រឆាំង​នឹង​ប្រទេស​អ៊ីស្រាអែល ការ​វាយ​ប្រហារ​តាម​បណ្តាញ​អ៊ីនធឺណិត​ប្រឆាំង​នឹង​ស.រ.អា. និង​ការ​រំលោភ​លើ​សិទ្ធិ​មនុស្ស​យ៉ាង​ច្រើន​ផង​ដែរ។​

មន្ត្រី​អាមេរិកាំង​រូប​នេះ​បាន​និយាយ​ថា «សកម្មភាព​ទាំង​នេះ​បាន​ធ្វើ​ឱ្យ​អន្តរាយ​ធ្ងន់ធ្ងរ​ដល់​គោលបំណង​នៃ​កិច្ចព្រមព្រៀង​នេះ»៕

XS
SM
MD
LG