ក្រសួងហិរញ្ញវត្ថុអាមេរិកដាក់ទណ្ឌកម្មលោកអ្នកឧកញ៉ា លី យ៉ុងផាត់
ក្រសួងហិរញ្ញវត្ថុសហរដ្ឋអាមេរិកប្រកាសដាក់ទណ្ឌកម្មមហាសេដ្ឋីកម្ពុជាគឺលោកលី យ៉ុងផាត់និងអាជីវកម្មរបស់លោកពាក់ព័ន្ធនឹងការជួញដូរមនុស្ស ការបង្ខំឲ្យធ្វើពលកម្មដោយខុសច្បាប់និងការបោកប្រាស់តាមអនឡាញ។ សេចក្តីប្រកាសព័ត៌មានរបស់ក្រសួងហិរញ្ញវត្ថុឲ្យដឹងថាអាជីវកម្មដែលរងទណ្ឌកម្មនោះមានក្រុមហ៊ុនលី យ៉ុងផាត់ គ្រុប (L.Y.P. Group Co., LTD (L.Y.P. Group) រម្មនីយដ្ឋានអូស្មាច់ (O-Smach Resort), រម្មនីយដ្ឋានកោះកុង (Koh Kong Resort), សណ្ឋាគារហ្កាដឹនស៊ីធី (Garden City Hotel) និងសណ្ឋាគារភ្នំពេញ(Phnom Penh Hotel)។ លោក ម៉ែន គឹមសេង នៃវីអូអេសូមជូនព័ត៌មានទាន់ហេតុការណ៍ពីរដ្ឋធានីវ៉ាស៊ីនតោនដូចតទៅ៖
