ភ្ជាប់​ទៅ​គេហទំព័រ​ទាក់ទង

​មន្រ្តី​បក្ស​ជាន់ខ្ពស់​ត្រូវ​បាន​បណ្តេញ​ចេញ​ពី​តំណែង​នៅ​មីយ៉ាន់ម៉ា


​​លោក Shwe Mann (ខាងលើ) ប្រធាន​គណបក្សសាមគ្គីភាព​ និង​​អភិវឌ្ឍន៍​សហភាព​ត្រូវ​បាន​ដក​ចេញ​ពី​តំណែង​ ពី​ព្រោះ​តែ​លោក​មាន​តួនាទី​ពីរ​ក្នុង​ឋានៈ​ជា​ប្រធាន​គណបក្ស​ផង​ និង​ជា​ប្រធាន​រដ្ឋ​សភា​ផង ​ដែល​​លោក​ទទួល​បន្ទុក​។

ប្រធានា​ធិបតី Thein Sein នៃ​ប្រទេស​ភូមា​បាន​ធ្វើ​ការ​កំចាត់​ថ្នាក់​ដឹកនាំ​របស់​ប្រទេសនា​ថ្ងៃ​ព្រហស្បតិ៍​នេះ​នៅ​ក្នុងការ​សើរើ​ខាង​នយោ​បាយ​ដ៏​ធំមួយ​មុនពេល​ការ​បោះឆ្នោត​ជាតិ​នៅ​ខែ​វិច្ឆិកា។

​គណបក្ស​កាន់​អំណាច​បាន​ចេញ​សេចក្តី​ថ្លែងការណ៍​មួយ​ដោយ​និយាយ​ថា លោក Shwe Mann ប្រធាន​គណបក្សសាមគ្គីភាព​ និងអភិវឌ្ឍន៍​សហភាព​ត្រូវ​បាន​ដក​ចេញ​ពី​តំណែង​ ពី​ព្រោះ​តែ​លោក​មាន​តួនាទី​ពីរ​ក្នុង​ឋានៈ​ជា​ប្រធាន​គណបក្ស​ផង​ និង​ជា​ប្រធាន​រដ្ឋ​សភា​ផង ​ដែលលោក​ទទួល​បន្ទុក​។ អ្នក​នយោបាយ​ដ៏​យូរ​អង្វែងរូប​នេះ ​ដែល​បាន​ប្រាប់​ឲ្យ​ដឹង​កាលពី​អតីតកាល​ថា ​លោក​នឹង​ឈរ​ឈ្មោះ​ជា​ប្រធានាធិបតី​នៅ​ឆ្នាំ​២០១៥​ ​មិន​បាន​ធ្វើ​អត្ថាធិប្បាយ​ពីការ​ដក​លោក​ចេញ​ពី​តំណែង​ទេ។

​ក្រុម​មន្រ្តី​និយាយ​ថា ​លោក Shwe Mann ​នឹង​ស្ថិត​នៅ​ជា​ប្រធាន​រដ្ឋ​សភា​ ហើយ​ជា​បេក្ខជន​របស់​គណបក្ស​នៅ​ក្នុង​ការ​បោះឆ្នោត​នាពេល​ខាង​មុខ​នេះ។

អ្នក​ដែល​ឡើង​ជំនួស​តំណែងរបស់​លោកគឺ​ លោក Htay Oo ខណៈ​ដែល​លោក Maung Maung ​អគ្គលេខាធិការ​គណបក្ស​សាមគ្គីភាព និងអភិវឌ្ឍន៍​សហភាព ក៏​ត្រូវ​បាន​ដក​ចេញ​ពី​តំណែង​ផង​ដែរ។

ការ​ផ្លាស់​ប្តូរ​នេះ​បាន​កើតឡើង​នៅ​ក្នុង​អ្វី​ដែល​មនុស្ស​ខ្លះ​បាន​ពណ៌​នា​ថា ​ជា​រដ្ឋ​ប្រហារ​ផ្ទៃ​ក្នុង​មួយ ​ដោយ​មាន​កង​កម្លាំង​សន្តិសុខឡោម​ព័ទ្ធ​ទី​ស្នាក់​ការធំ​របស់​គណបក្ស​សាមគ្គីភាព និងអភិវឌ្ឍន៍​សហភាព​នៅ​ក្នុង​រដ្ឋធានី Naypydaw នៅ​ព្រឹក​ថ្ងៃ​ព្រហស្បតិ៍​នេះ ​ដើម្បី​រារាំង​ក្រុម​មន្រ្តី​មិន​ឲ្យ​ចាក​ចេញ​ពី​ទី​ស្នាក់​ការ​ធំ​របស់​គណបក្ស។

លោក Yan Myo Thein អ្នក​ធ្វើ​អត្ថាធិប្បាយ​ខាង​នយោបាយ​ឯក​រាជ្យ ​បាន​ប្រាប់​វីអូអេ ​ថា ​ក្រុម​មន្រ្តី​ដែល​ត្រូវ​បណ្តេញ​ចេញ​ពី​ដំណែង​បាន​ត្រូវ​គេ​ចាត់​ទុក​ថា ​ជា​មនុស្ស​មាន​គំនិត​ធ្វើ​កំណែទម្រង់​ និង​មាន​ទំនាក់​ទំនងយ៉ាង​ល្អ​ជាមួយ​លោកស្រី​អង់ ​សាន​ស៊ូជី​និង​គណបក្ស​សម្ព័ន្ធ​ភាព​ដើម្បី​លទ្ធិ​ប្រជា​ធិបតេយ្យ៕

XS
SM
MD
LG