មន្រ្តីអ៊ីរ៉ាក់និយាយថា ជនសកម្មប្រយុទ្ធ រដ្ឋអ៊ីស្លាម បានសម្លាប់មេបញ្ជាការជាន់ខ្ពស់ជាតិ ឃឺដម្នាក់ និងយុទ្ធជនឃឺដយ៉ាងតិច៥នាក់ទៀត។
អាជ្ញាធរនិយាយថា ឧត្តមសេនីយត្រី Shirko Fatih និងយុទ្ធជនទាំងនេះបានបាត់បង់ជីវិតនៅថ្ងៃសុក្រនេះ ក្នុងការវាយប្រយុទ្ធគ្នាជាមួយក្រុមឧទ្ទាម នៅជិតទីក្រុង Kirkuk។
ទីភ្នាក់ងារព័ត៌មានបារាំង AFP រាយការណ៍ថា មនុស្ស ៤៦ នាក់ទៀតក៏បានត្រូវរបួស នៅក្នុងការវាយប្រហារគ្នានេះផងដែរ។
នៅកន្លែងដទៃទៀតមន្រ្តីសន្តិសុខនិយាយថា ការបំផ្ទុះគ្រាប់បែកពីរគ្រាប់ ក្នុងទីក្រុង បាកដាដ បានសម្លាប់មនុស្សយ៉ាងតិច ៨ នាក់នៅថ្ងៃសុក្រនេះ៕
