ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ការ​​សង្គ្រោះ​សន្ធិ​សញ្ញា​​អាវុធ​នុយក្លេអ៊ែរ​វង់ប្រតិបត្តិការ​​មធ្យម​ជិតហួសពេល


រូបឯកសារ៖ លោក​ Christopher Ford​ ឧបការី​រដ្ឋមន្រ្តី​ក្រសួង​ការ​បរទេស​អាមេរិក​សម្រាប់​សន្តិសុខ​អន្តរ​ជាតិ​ និង​ការ​មិនមែន​សាយភាយ​អាវុធ​នុយក្លេអ៊ែរ​ ថ្លែងការណ៍មួយទៅកាន់អ្នកសារព័ត៌មាន។

លោក​ Christopher Ford​ ឧបការី​រដ្ឋមន្រ្តី​ក្រសួង​ការ​បរទេស​អាមេរិក​សម្រាប់​សន្តិសុខ​អន្តរ​ជាតិ​ និង​ការ​មិនមែន​សាយភាយ​អាវុធ​នុយក្លេអ៊ែរ​​ថា ​​ពេល​វេលា​សម្រាប់​ប្រទេស​រុស្ស៊ី​ចាត់​វិធាន​ការ​ចាំបាច់​សម្រាប់​ជួយ​សង្គ្រោះ​សន្ធិសញ្ញា​នេះ ​កំពុង​ខើចទៅៗ​ប្រកប​ដោយ​ក្តី​បារម្ភ​ និង​​អស់​សង្ឃឹម​យ៉ាងខ្លាំង។​

មន្ត្រី​ជាន់ខ្ពស់​អាមេរិកម្នាក់​ព្រមាន​ថា​ ការសង្គ្រោះ​សន្ធិ​សញ្ញាអាវុធ​នុយក្លេអ៊ែរវង់ប្រតិបត្តិការ​មធ្យមឆ្នាំ ១៩៨៧ ​មានក្តី​សង្ឃឹម​តិចតួច​ ​នៅ​ពេល​ដែល​រុស្ស៊ី​បន្ត​រំលោភ​លើ​កិច្ចព្រម​ព្រៀង​នេះ។​

ការ​សង្គ្រោះ​ចុង​ក្រោយ​សម្រាប់​សន្ធិសញ្ញាអាវុធ​នុយក្លេអ៊ែរវង់ប្រតិបត្តិការ​មធ្យម​នេះ​ហាក់​ដូចជា​មិន​អាចសម្រេច​បាន​លទ្ធផល​ទេ។​

លោក​ Christopher Ford​ ឧបការី​រដ្ឋមន្រ្តី​ក្រសួង​ការ​បរទេស​អាមេរិក​សម្រាប់​សន្តិសុខ​អន្តរ​ជាតិ​ និង​ការ​មិនមែន​សាយភាយ​អាវុធ​នុយក្លេអ៊ែរ​ និយាយ​ថា ពេល​វេលា​សម្រាប់​ប្រទេស​រុស្ស៊ី​ចាត់​វិធាន​ការ​ចាំបាច់​សម្រាប់​ជួយ​សង្គ្រោះ​សន្ធិសញ្ញា​នេះ​កំពុង​ខើចទៅៗ​ ប្រកប​ដោយ​ក្តី​បារម្ភ​ និងអស់​សង្ឃឹម​យ៉ាងខ្លាំង។​

លោក​និយាយ​ថា ​យើង​មិន​អាច​ធ្វើអ្វីកើត​ទេ ​គឺមាន​តែឆ្លើយ​តប​ទៅ​នឹង​សកម្មភាព​រុស្ស៊ី​ដែល​កំពុង​បន្ត​រំលោភ​បំពាន​សន្ធិ​សញ្ញា។​

មាន​បញ្ហា​ជាច្រើន​ ​ សហ​រដ្ឋ​អាមេរិក​បាន​ទាក់​ទាញ​ចំណាប់​អារម្មណ៍​និង​ព្យាយាម​ទាក់ទង​ជា​មួយ​ប្រទេស​រុស្ស៊ី​អស់រយៈ​ពេលជា​ច្រើន​ឆ្នាំ​។ ហើយ​ឥឡូវ​បញ្ហា​នេះ​បាន​ឆ្លង​កាតើរដ្ឋាភិបាលពីរ​ជំនាន់​ ដែល​មាន​លក្ខណៈ​នយោបាយ​ខុសៗ​គ្នា។ ​

សហរដ្ឋអាមេរិក​បាន​ធ្វើ​កិច្ចការ​ទូត​ ៣០ ​លើក​ ជាមួយ​សមភាគី​ក្នុង​រដ្ឋាភិបាល​ក្រុង​ម៉ូស្គូ។ រដ្ឋាភិបាល​ក្រុង​វ៉ាស៊ីនតោន​និយាយ​ថានឹង​ដកខ្លួន​ចេញ​ពីសន្ធិសញា​មិន​សាយ​ភាយ​អាវុធ​នុយក្លេអ៊ែរ​ នៅខែ ​សីហា​ ប្រសិន​បើក្រុង​រដ្ឋាភិបាល​ម៉ូស្គូមិន​បំពេញ​កាតព្វកិច្ច​របស់​ខ្លួន។​

សន្ធិសញ្ញាតាំង​ពី​សម័យ​សង្រ្គាម​ត្រជាក់​នេះ​ គឺជា​មូលដ្ឋាន​មួយ​នៃ​សន្ដិសុខ​អឺរ៉ុប​អស់រយៈ​ពេល​ជាង​ ៣០​ឆ្នាំ មក​ហើយ៕

XS
SM
MD
LG