ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ពេលវេលាកាន់តែខ្លីសម្រាប់កងទ័ពស្ថាបនាមន្ទីរពេទ្យបណ្តោះអាសន្ន មុនពេលជំងឺកូវីដ១៩ឡើងដល់កំពូល


រូបឯកសារ៖ ទាហានធ្វើការកន្លែងព្យាបាលអ្នកជំងឺមួយនៅ CenturyLink Field Event Center នៅក្រុង Seattle រដ្ឋវ៉ាស៊ីនតោន សហរដ្ឋអាមេរិក កាលពីថ្ងៃទី០៥ ខែមេសា ឆ្នាំ២០២០។
រូបឯកសារ៖ ទាហានធ្វើការកន្លែងព្យាបាលអ្នកជំងឺមួយនៅ CenturyLink Field Event Center នៅក្រុង Seattle រដ្ឋវ៉ាស៊ីនតោន សហរដ្ឋអាមេរិក កាលពីថ្ងៃទី០៥ ខែមេសា ឆ្នាំ២០២០។

ប្រធានវិស្វករកងទ័ពបានព្រមានថា ក្រុមរបស់លោកកំពុងចាប់ផ្តើមអស់ពេលវេលា ដើម្បីស្ថាបនាមន្ទីរពេទ្យបណ្តោះអាសន្នដើម្បីពង្រីកសមត្ថភាពប្រយុទ្ធប្រឆាំងវីរុសកូរ៉ូណានៅទូទាំងប្រទេស។

លោកឧត្តមសេនីយត្រី Todd Semonite ប្រធានវិស្វករកងទ័ពបានប្រាប់ពួកអ្នកយកព័ត៌មានកាលពីថ្ងៃពុធថា កងទ័ពចាំបាច់ចាប់ផ្តើមស្ថាបនាមន្ទីរពេទ្យបណ្តោះអាសន្នប្រហែលនៅសប្តាហ៍ក្រោយ ដើម្បីបញ្ចប់មន្ទីរពេទ្យបណ្តោះអាសន្នទាំងនោះមុនពេលចំនួនករណីមេរោគកូរ៉ូណាឡើងដល់កំពូល។

ក្រុមវិស្វករកងទ័ពកំពុងធ្វើឲ្យទីកន្លែងចំនួន១៧នៅទូទាំងប្រទេសជាតិក្លាយជាមន្ទីរពេទ្យ ដោយមានគ្រែអ្នកជំងឺសរុបទាំងអស់១ម៉ឺន៥ពាន់។ មន្ទីរពេទ្យបណ្តោះអាសន្នជាង២០ មិនទាន់សម្រេច ដែលអាចផ្តល់គ្រែប្រហែល៨ពាន់៥រយ ប្រសិនបើបញ្ចប់សាងសង់នោះ។

លោកឧត្តមសេនីយ Semonite បានមានប្រសាសន៍ទៀតថា ទីភ្នាក់ងារចាត់ចែងគ្រាអាសន្នសហព័ន្ធនិងរដ្ឋាភិបាលមូលដ្ឋាននិងរដ្ឋត្រូវតែសម្រេចអ្វីដែលត្រូវធ្វើដោយការស្ថាបនាមន្ទីរពេទ្យបណ្តោះអាសន្នដោយក្រុមវិស្វករកងទ័ពបន្ទាប់ពីការឡើងដល់កំពូលនូវជំងឺកូវីត១៩ បានបញ្ចប់។

ឧត្តមសេនីយ Joseph Lengyel ប្រធានការិយាល័យឆ្មាំការពារជាតិសហរដ្ឋអាមេរិក បាននិយាយថា ឥឡូវនេះ មានចំនួនកងទ័ពឆ្មាំការពារនៅទូទាំងសហរដ្ឋអាមេរិកដែលកំពុងប្រយុទ្ធប្រឆាំងជំងឺ​កូវីដ១៩​ស្មើនឹងកងទ័ពដែលត្រូវបានដាក់ពង្រាយនៅក្នុងតំបន់មជ្ឈឹមបូព៌ា និងអាស៊ីប៉ាស៊ីហ្វិក។

ក្រសួងការពារប្រទេសសហរដ្ឋអាមេរិកបានប្រាប់ឲ្យដឹងថា រហូតមកទល់ព្រឹកថ្ងៃពុធ មាន​២ពាន់​៩រយ​២៨ករណី​នៃមេរោគកូរ៉ូណានៅទូទាំងពិភពលោក ដែលបានជាប់ទាក់ទិននឹងយោធាសហរដ្ឋអាមេរិកដែលក្នុងនោះមានយោធាចំនួន១ពាន់៩រយ៧៥នាក់ ជនស៊ីវិល៤២២នាក់ និងអ្នកក្រោមបន្ទុក​៣៤៧នាក់ និងអ្នកធ្វើការជាប់កិច្ចសន្យា១៨៤នាក់។ មានអ្នកស្លាប់ដោយជំងឺកូវីត១៩នាក់ រួមមានកងទ័ពម្នាក់៕

វីដេអូថ្មីៗបំផុត

ពាក្យក្នុងសារព័ត៌មាន៖ Ignite
សូម​រង់ចាំ

No media source currently available

0:00 0:01:32 0:00
XS
SM
MD
LG