ភ្ជាប់​ទៅ​គេហទំព័រ​ទាក់ទង

ថៃ​ដោះ​លែង​ពលរដ្ឋ​ខ្មែរ​ចំនួន​៥៨នាក់​ពី​ពន្ធនាគារ

  • ម៉ែន គឹមសេង

រូបភាព​ឯកសារ៖ ពលករ​ចំណាក​ស្រុក​កម្ពុជា​រង់ចាំ​សំណុំ​ឯកសារ ដើម្បី​រៀបចំ​ខ្លួន​ធ្វើ​មាតុភូមិ​និវត្តន៍​មក​កាន់​ប្រទេស​កម្ពុជា​វិញ នៅ​ឯ​ស្ថានីយ៍​ប៉ូលិស Aranyaprathet ក្នុង​ទីក្រុង Sa Kaew កាលពី​ថ្ងៃទី១៥ ខែ​មិថុនា ឆ្នាំ២០១៤។ (Reuters/Athit Perawongmetha)

អាជ្ញាធរ​ថៃ​បាន​ដោះលែង​ពលរដ្ឋ​ខ្មែរ​ចំនួន​៥៨នាក់​ចេញ​ពី​ពន្ធនាគារ បន្ទាប់ពី​បាន​ពិន័យ​ជាប្រាក់​រួច​មក។ នេះ​បើ​តាម​ការ​បញ្ជាក់​របស់​ក្រសួងការ​បរទេស​កម្ពុជា។

អាជ្ញាធរ​ថៃ​បាន​ដោះលែង​ពលរដ្ឋ​ខ្មែរ​ចំនួន​៥៨នាក់​ចេញ​ពី​ពន្ធនាគារ បន្ទាប់ពី​បាន​ពិន័យ​ជាប្រាក់​រួច​មក។ នេះ​បើ​តាម​ការ​បញ្ជាក់​របស់​ក្រសួងការ​បរទេស​កម្ពុជា។​

លោក ជុំ សុន្ទរី អ្នក​នាំ​ពាក្យ​ក្រសួងការ​បរទេស​បាន​បញ្ជាក់​នៅ​ក្នុង​សេចក្តី​ប្រកាស​ព័ត៌មាន​នៅថ្ងៃ​អង្គារ​នេះ​ថា ពលរដ្ឋ​ទាំង​នោះ​បាន​ចូល​ទៅ​កាប់​ឈើ​ដោយ​ខុសច្បាប់​ក្នុង​ព្រៃ​ឧទ្យាន​ជាតិ​ ក្នុ​ងខេត្ត​នគររាជ​សីម៉ា​ ប្រទេស​ថៃ។

​អាជ្ញាធរ​ថៃ​បាន​ដោះលែង​ពួកគេ​កាលពី​ថ្ងៃទី​១១​ខែ កញ្ញា ឆ្នាំ ២០១៥ តាម​ច្រក​ឆុងចម-អូស្មាច់ ដោយ​គ្រាន់តែ​បង់​ប្រាក់​ពិន័យ​ក្នុង​ម្នាក់ៗ​ចំនួន​៤,២៥០បាត ត្រូវ​ជា​ប្រមាណ​១០០ដុល្លារ​សហរដ្ឋ​អាមេរិក។

លោក​ ជុំ សុន្ទរី បាន​បន្ថែម​ថា៖ «ពលរដ្ឋ​ខ្មែរ​ខាង​លើ​បាន​ឱ្យ​ដឹង​ថា មេខ្យល់​បាន​បោក​ប្រាស់​ពួក​គាត់​ឱ្យ​ចូលទៅ​ធ្វើការ​ក្នុង​ទឹកដី​ថៃ ដោយ​ប្រាប់​ថា​ជា​ការងារ​ស្របច្បាប់​ត្រឹមត្រូវ​អាច​ទទួល​កម្រៃ​១០០០បាត​ក្នុង​មួយ​ថ្ងៃ‍»។

ក្រសួង​ការបរទេស​មិន​បញ្ជាក់​ឱ្យ​ដឹង​ទេ​ថា អ្នក​ទាំងនោះ​ត្រូវបាន​ចាប់​ខ្លួន​នៅ​ពេល​ណា ក៏​ប៉ុន្តែ​បន្ថែមថា នៅ​មាន​៣៤នាក់​ទៀត​កំពុង​ជាប់​ពន្ធនាគារ​ថៃ​នៅឡើយ។

ក្នុង​ពេល​កន្លង​មក​អាជ្ញាធរ​ថៃ​តែងតែ​បាញ់ប្រហារ​ទៅលើ​ពលរដ្ឋ​កម្ពុជា ដែល​ចូល​ទៅ​កាប់​ឈើ​ក្នុង​ទឹកដី​ថៃ ហើយ​ក្រោយ​មក​ទើប​ប្រគល់​សាកសព​ត្រឡប់​មក​វិញ ហើយ​ករណី​បែប​នេះ​ត្រូវ​បាន​រដ្ឋាភិបាល​កម្ពុជា​តវ៉ា​ជាច្រើន​លើក៕

XS
SM
MD
LG