ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ព្រះ​មហាក្សត្រ​ថៃ​ចេញ​ព្រះ​រាជក្រឹត្យ​តែងតាំង​លោក Prayuth Chan-Ocha ជា​នាយករដ្ឋមន្ត្រី​បន្ត​ទៀត


សមាជិក​សភា​ដែល​តំណាង​ឲ្យ​គណបក្ស Palang Pracharath លើក​ដៃ​គាំទ្រ​ការ​ជ្រើស​តាំង​លោក Prayuth Chan-ocha ជា​នាយករដ្ឋមន្ត្រី​ថៃ នៅ​ក្នុង​សម័យ​ប្រជុំ​សភា កាលពី​ថ្ងៃទី៥ ខែមិថុនា ឆ្នាំ២០១៩។

លោក Prayuth Chan-Ocha ដែល​ជា​មេដឹកនាំ​រដ្ឋាភិបាល​យោធា​នៃ​ប្រទេស​ថៃ​បច្ចុប្បន្ន បាន​ក្លាយជា​នាយករដ្ឋមន្ត្រី​ផ្លូវការ​នៅ​អាណត្តិ​ថ្មី​នេះ​ជា​បន្ត​ទៀត បន្ទាប់ពី​ព្រះ​មហាក្សត្រ​បាន​គាំទ្រ​ការ​បោះ​ឆ្នោត​សម្រេច​របស់​រដ្ឋសភា ដើម្បី​ឲ្យ​លោក​នៅ​បន្ត​តំណែង​ជា​នាយករដ្ឋមន្ត្រី​បន្ត​ទៀត។

លោក Prayuth Chan-Ocha បាន​លុត​ជង្គង់​ក្រាប​សំពះ​រូប​ព្រះ​មហាក្សត្រ Maha Vajiralongkorn នៅ​ក្នុង​ពិធី​មួយ​នៅ​ឯ​ខុទ្ទកាល័យ​របស់​លោក​នៅ​ថ្ងៃ​អង្គារ​នេះ ដើម្បី​ទទួល​យក​ព្រះ​រាជក្រឹត្យ​តែងតាំង​ឲ្យ​លោក​នៅ​បន្ត​តួនាទី​ជា​នាយករដ្ឋមន្ត្រី​បន្ត​ទៀត។

លោក Prayuth បាន​ធ្វើ​ជា​នាយករដ្ឋមន្ត្រី​តាំង​ពី​លោក​បាន​ដឹកនាំ​រដ្ឋប្រហារ​យោធា​ទម្លាក់​រដ្ឋាភិបាល​របស់​អ្នកស្រី​នាយករដ្ឋមន្ត្រី Yingluck Sinawatra កាល​ពី​ឆ្នាំ ២០១៤ មក។

រដ្ឋាភិបាល​របស់​លោក Prayuth បាន​ធ្វើ​វិសោធនកម្ម​ច្បាប់​បោះ​ឆ្នោត​ថ្មី ដែល​ផ្ដល់​ប្រយោជន៍​ដល់​លោក​នៅ​ក្នុង​ការ​បោះ​ថ្នាក់​ជាតិ​កាល​ពី​ខែ​មីនា​កន្លង​មក​នេះ។

លោក Prayuth មិន​បាន​ប្រជែង​នៅ​ក្នុង​ការ​បោះ​ឆ្នោត​ទេ ប៉ុន្តែ​លោក​ត្រូវ​បាន​រដ្ឋសភា និង​ព្រឹទ្ធសភា​រួម​គ្នា​បោះ​ឆ្នោត​គាំទ្រ​ឲ្យ​ក្លាយ​ជា​នាយករដ្ឋមន្ត្រី​កាល​ពី​សប្ដាហ៍​មុន៕

XS
SM
MD
LG