ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ពួក​តាលីបាន់​បានវាយ​យក​បាន​ទីរួមស្រុក​មួយក្នុងផ្នែក​ខាង​ត្បូងនៃ​ប្រទេស​អាហ្វហ្គានីស្ថាន


ឯកសារបញ្ជាក់ពីអត្តសញ្ញាណជនពលីម្នាក់ ដែលត្រូវបានយកមកបង្ហាញ។ 

មន្ត្រី​សន្តិសុខខេត្តម្នាក់​ ដែលសុំមិនឱ្យ​គេ​បញ្ចេញឈ្មោះ ​បាននិយាយ​ប្រាប់វីអូអេ​ថា ​ការ​ប្រយុទ្ធគ្នា​នេះ​បាន​នាំឱ្យ​កង​ទ័ព​ជាតិ​អាហ្វហ្គានីស្ថាន​យ៉ាង​តិចណាស់ ១៣ នាក់​បាត់បង់ជីវិត។​

កាល​ពី​ថ្ងៃ​ពុធ​ពួក​តាលីបាន់​បានវាយយក​បានទី​រួម​ស្រុកមួយ​ក្នុងប៉ែក​ខាង​ត្បូងនៃ​ប្រទេស​អាហ្វហ្គានីស្ថាន​ ដែល​បាន​បណ្តាល​ឱ្យ​ទាហានរដ្ឋាភិបាល​យ៉ាង​តិចណាស់ ១៣ នាក់​ស្លាប់។​

ការ​ប្រយុទ្ធគ្នា​នេះបាន​កើតមានឡើងនៅ​ពេល​ដែលប្រទេស​រុស្សី​បាននិយាយ​អះអាង​ថា ​ពួក​តាលីបាន់​មានកម្លាំង​ខ្លាំងឡើងៗ​ ហើយ​បានអំពាវ​នាវ​ឱ្យ​មានកិច្ចខិតខំប្រឹងប្រែង​ច្រើន​ជាង​មុន ដើម្បី​ធ្វើ​ឱ្យមាន​ដំណោះ​ស្រាយមួយ​តាមរយៈកិច្ចចរចា​គ្នា​ដល់​សង្គ្រាម​មាន​រយៈពេល​ ១៧ ឆ្នាំមក​ហើយនេះ។

ក្រុម​មន្ត្រី​ក្នុង​មូលដ្ឋាន​និង​ប្រភព​ពួកបះបោរ​បាន​រាយការណ៍​ថា​ ពួកយុទ្ធជនបះបោរ​បាន​វាយលុក​ស្រុក Shamulzayi ក្នុង​ខេត្ត Zabul នៅមុនពេល​ថ្ងៃរះ​ ដោយ​បានបង្ខំឱ្យ​កងកម្លាំង​សន្តិសុខរដ្ឋាភិបាល​អាហ្វហ្គានីស្ថាន​ដក​ថយ​ពី​ទី​រួមស្រុកនេះ​ ហើយ​ពួកបះបោរ​ក៏បាន​កាន់កាប់​ការិយាល័យ​តំបន់នៃទីភ្នាក់ងារ​ស៊ើបការ​សម្ងាត់​របស់​រដ្ឋាភិបាល​ហៅកាត់ថា​ NDS។

មន្ត្រី​សន្តិសុខខេត្តម្នាក់​ ដែលសុំមិនឱ្យ​គេ​បញ្ចេញឈ្មោះ ​បាននិយាយ​ប្រាប់វីអូអេ​ថា ​ការ​ប្រយុទ្ធគ្នា​នេះ​បាន​នាំឱ្យ​កង​ទ័ព​ជាតិ​អាហ្វហ្គានីស្ថាន​យ៉ាង​តិចណាស់ ១៣ នាក់​បាត់បង់ជីវិត។​

ក្រសួង​ការពារ​ជាតិ​អាហ្វហ្គានីស្ថាន​បាន​ប្រកាស​ថា ​ការវាយ​ប្រហារ​តបត​កំពុង​មាន​ធ្វើដើម្បី​វាយ​យក​កន្លែងបាត់បង់​មក​វិញ ដោយ​បានអះអាង​ថា​ ពួក​បះបោរ​មានការ​បាត់បង់ធ្ងន់ធ្ងរ​នៅ​ក្នុងដំណើរការនេះ។​ ក្រសួង​ការពារ​ជាតិ​អាហ្វហ្គានីស្ថាន​ បាន​និយាយ​នៅក្នុង​សេចក្តីថ្លែងការណ៍មួយថា៖ «កងទ័ព​អាកាស​បានធ្វើសកម្មភាព​នៅក្នុង​តំបន់នោះ។ ពួក​យុទ្ធជន​តាលីបាន់បាន​រត់គេចខ្លួនចេញ​ពី​ស្រុកនោះ​ហើយ»។

លោក Qari Yousaf Ahmadi អ្នកនាំ​ពាក្យ​តាលីបាន់​បានទទួល​ស្គាល់​ថា​ មានការ​ប្រយុទ្ធ​គ្នា​យ៉ាង​ខ្លាំង​នៅក្នុងតំបន់នោះ «ពីព្រោះ​កន្លែង​ឈរ​ជើង​ខ្លះ​របស់ពួក​សត្រូវ» បានធ្វើការ​ទប់ទល់។​ លោកបាន​ច្រានចោលការអះអាងរបស់​មន្ត្រី​រដ្ឋាភិបាល​ដែល​ថា​ កងកម្លាំង​រដ្ឋាភិបាល​បាន​វាយយក​បានមកវិញនូវ​ទី​រួម​ស្រុក​នេះពី​ពួកតាលីបាន់»៕

XS
SM
MD
LG