ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

គ្រោះ​ទឹក​ជំនន់​និង​ការ​បាក់​ដី​នៅ​កូរ៉េខាងត្បូង​បណ្ដាល​ឲ្យ​មនុស្ស ១៤ ស្លាប់


រូបឯកសារ៖ ក្រុមអ្នកជួយសង្រ្គោះធ្វើការរុករកនៅចំណតឡាន ដែលលិចទឹកមួយ ដោយសារភ្លៀងធ្លាក់ខ្លាំង នៅក្រុង Dajeon ប្រទេសកូរ៉េខាងត្បូង កាលពីថ្ងៃទី៣០ ខែកក្កដា ឆ្នាំ២០២០។

មនុស្ស​ចំនួន ១៤ នាក់បាន​ស្លាប់ ហើយ​មនុស្ស​ជាង ១ ពាន់​នាក់​ទៀត​បាន​បង្ខំ​ចិត្ត​ចាកចេញ​ពី​ផ្ទះសម្បែង​របស់​ខ្លួន ក្រោយ​ពី​មាន​ភ្លៀង​ធ្លាក់​រយៈពេល​ ៤២ ថ្ងៃ​ជាប់​គ្នា។ នេះ​គឺ​ភ្លៀង​រដូវ​វស្សា​ដែល​មាន​រយៈពេល​យូរ​បំផុត​នៅ​កូរ៉េខាងត្បូង​ក្នុងរយៈពេល ៧ ឆ្នាំ​មក​នេះ ដែល​បាន​បង្ក​ឲ្យ​មាន​ទឹក​ជំនន់ និង​គ្រោះ​បាក់​ដី។ នេះ​បើ​យោង​តាម​ការ​បញ្ជាក់​របស់​ក្រុម​អាជ្ញាធរ​កាល​ពី​ថ្ងៃ​អង្គារ។

ភ្លៀង​ធ្លាក់​ធំៗ ដែល​ក៏​បាន​កើតឡើង​នៅ​ប្រទេស​ចិន ថៃ មីយ៉ាន់ម៉ា និង​ឥណ្ឌា​ផង​ដែរ​ក្នុង​រយៈពេល​ប៉ុន្មាន​ថ្ងៃ​មក​នេះ បង្ក​ឲ្យ​ចម្ការ​នានា​លិចលង់ ហើយ​ផ្លូវល្បឿនលឿន និង​ស្ពាន​មួយ​ចំនួន​នៅ​ក្នុង​រដ្ឋធានី​សេអ៊ូល​ក៏​បាន​លិចចង់​ផង​ដែរ។

ជនរងគ្រោះ​ដែល​បាន​ស្លាប់​ដោយ​សារ​គ្រោះ​ទឹក​ជំនន់​និង​បាក់​ដី​នេះ ក៏​រួម​មាន​ជនជាតិ​នូវែលសេឡង់​បី​នាក់​ដែល​ជា​សមាជិក​គ្រួសារ​តែ​មួយ ដែល​ត្រូវ​បាន​រកឃើញ​ស្លាប់​កាល​ពី​ថ្ងៃ​ច័ន្ទ បន្ទាប់​ពី​គ្រោះបាក់ដី​មួយ​បាន​កើតឡើង​នៅ​ផ្ទះ​លំហែ​មួយ​ក្នុង​សង្កាត់ Gapyeong ដែល​ស្ថិត​នៅ​ប៉ែក​ឥសាន្ដ​នៃ​រដ្ឋធានី​សេអ៊ូល។

សភា​ពាណិជ្ជកម្ម​នូវែលសេឡង់​ប្រចាំ​នៅប្រទេស​កូរ៉េ​បាន​កំណត់​អត្តសញ្ញាណ​របស់​ជនរងគ្រោះ​ថា​ជា​អ្នកស្រី Anna Song ដែល​ជា​នាយិកាសភាពាណិជ្ជកម្ម​នេះ និង​កូន​ប្រុស​និង​ម្ដាយ​របស់​អ្នកស្រី៕

តួលេខនៃករណីឆ្លងជំងឺកូវីដ១៩

XS
SM
MD
LG