ភ្ជាប់​ទៅ​គេហទំព័រ​ទាក់ទង

ជនចំណាកស្រុក​ ៧០០ នាក់​ត្រូវ​បាន​បារម្ភ​ថា បាន​លង់​ទឹក​ស្លាប់ ពេល​ព្យាយាមឆ្លង​សមុទ្រ​មេឌីទេរ៉ានេ


រូបភាព​ផ្តល់​ឲ្យ​កងយោធាជើង​ទឹក​អ៊ីតាលី​ Marina Militare បង្ហាញ​ពី​ទូក​ពោរពេញ​ដោយ​ជនចំណាកស្រុក ដែល​បាន​លិច​នៅ​តំបន់​ឆ្នេរ​ប្រទេស​លីប៊ី កាល​ពី​ថ្ងៃ​ទី២៥ ខែ​ឧសភា ឆ្នាំ​២០១៦។

ជន​ចំណាក​ស្រុក​ជាង​៧០០​នាក់ ​ត្រូវ​បាន​បារម្ភខ្លាច​ថា ​លង់​ទឹក​ស្លាប់នៅ​សប្តាហ៍​នេះ​នៅ​ក្នុង​ការ​លិចកប៉ាល់​ចំនួន​០៣ ​នៅ​ក្នុង​សមុទ្រ​មេឌីទែរ៉ានេ​ នៅ​ពេល​ដែល​ពួកគេ ​បាន​ព្យាយាម​ធ្វើ​ដំណើរទៅអឺរ៉ុប​តាម​ទូក ​នេះ​បើ​យោងតាម​សេចក្តី​រាយការណ៍​របស់​ទីភ្នាក់​ងារ​ទទួល​បន្ទុក​ជន​ភៀស​ខ្លួន​របស់​អង្គការ​សហប្រជាជាតិ។

​ជន​ចំណាក​ស្រុក​ ១០០​នាក់​នៃ​ចំណាក​ស្រុក​ទាំង​នោះ ​មក​ពីទូក​របស់​ពួក​អ្នក​រត់​ពន្ធ​មនុស្ស​ ដែល​បាន​លិច​កាល​ពី​ថ្ងៃ​ពុធ ​ខណៈ​ដែល​មនុស្ស​៥៥០​នាក់​ផ្សេង​ទៀត ​កំពុង​បាត់​ខ្លួន​ដោយ​សារ​ទូក​មួយ​គ្រឿង​បាន​ក្រឡាប់​កាល​ពី​ព្រឹក​ថ្ងៃ​ព្រហស្បតិ៍​នៅពេល​ធ្វើ​ដំណើរ​ចេញ​ពី​ប្រទេស​លីប៊ី។

​ប៉ូលិស​អ៊ីតាលី​បាន​ចាប់​ខ្លួន​កាប់​ពី​តែន​ទូក​ទី២ ​គឺ​ជាបុរស​ជន​ជាតិ​ស៊ូដង់​ ដែល​មាន​អាយុ​២៨​ឆ្នាំ ​បន្ទាប់​ពី​អ្នក​នៅ​រស់​រាន​មាន​ជី​វិត​បាន​ចង្អុល​មុខ​ជន​នោះ។

​ទូក​ទី​៣ ​បាន​លិច​កាល​ពី​ថ្ងៃ​សុក្រ​ដោយ​គេ​មិន​បាន​ដឹង​ពី​ចំនួន​មនុស្សនៅ​លើ​នោះ។​មនុស្ស​ប្រហែល​១៣៥​នាក់ ត្រូវ​បាន​ជួយ​សង្គ្រោះ​ពី​ទូក​នោះ​ រួម​ជាមួយ​សាកសព ​៤៥​នាក់ ក៏​ប៉ុន្តែ​មនុស្ស​ជា​ច្រើន​នាក់​នៅ​កំពុង​បាត់​ខ្លួន​នៅ​ឡើយ។

​លោក Federico Fossi ​អ្នកនាំ​ពាក្យទី​ភ្នាក់ងារ​ទទួល​បន្ទុក​ជន​ភៀស​ខ្លួន​របស់​អង្គការ​សហប្រជាជាតិ​បាន​ប្រាប់​ទីភ្នាក់ងារ​ព័ត៌មាន AFP​ថា ​«​ស្ថានភាព​ស្ថិត​ក្នុង​ភាព​ច្របូកច្របល់ ​យើង​មិនដឹង​ប្រាកដ​ពី​ចំនួន​មនុស្ស ​ក៏​ប៉ុន្តែ​យើងភ័យ​ខ្លាច​ថា ​មនុស្ស​រហូត​ដល់​ ៧០០​នាក់ ​អាច​លង់ទឹក​ស្លាប់​នៅក្នុង​ការ​លិច​ទូក​០៣​គ្រឿង​នៅ​សប្តាហ៍​នេះ‍»។

យោង​តាម​ឆ្មាំ​ការ​ពារដែន​សមុទ្រអ៊ីតាលី​បាន​ឲ្យ​ដឹង​ថា កាល​ពី​ថ្ងៃ​សុក្រ ​ជន​ចំណាក​ស្រុក​ជាង​១​.​៩០០​នាក់ត្រូវបាន​ជួយ​សង្គ្រោះ​ពី​ទូក​នៅ​ក្នុង​សមុទ្រមេឌីទែរ៉ានេ​នៅ​ក្នុង​កិច្ច​ប្រតិបត្តិការ​១៦​ផ្សេងៗ​គ្នា។

​អ្នក​នៅ​រស់​រានមាន​ជី​វិត​ពី​ទូក​លិច​ទាំង​នោះត្រូវ​បាន​យក​ទៅ​កាន់​ទីក្រុង​កំពង់ផែ Tarando ​និង Pozalloនៃ​ប្រទេស​អ៊ីតាលី ​ដែល​នៅ​ទី​នោះ​ពួកគេ​នឹង​ស្ថិត​នៅ​ក្នុង​ការ​ឃុំឃាំង ​ខណៈ​ដែល​អាជ្ញាធរ​អ៊ីតាលី​ប្រមូល​ព័ត៌មាន​ពី​ពួកគេ៕

XS
SM
MD
LG