ថ្នាក់ដឹកនាំអ៊ីស្រាអែលកាលពីថ្ងៃសុក្របានថ្កោលទោសការវាយប្រហារដ៏ប្រល័យរបស់អ្នកតាំងទីលំនៅអ៊ីស្រាអែលនៅក្នុងតំបន់ West Bank ដែលនេះគឺជាការថ្កោលទោសដ៏កម្ររបស់អ៊ីស្រាអែលចំពោះអំពើហិង្សារបស់អ្នកតាំងទីលំនៅអ៊ីស្រាអែលដែលកាន់តែកើនឡើងជាទូទៅចាប់តាំងពីសង្គ្រាមរវាងអ៊ីស្រាអែលនិងក្រុមហាម៉ាស់បានចាប់ផ្ដើមមក។ នេះបើយោងតាមសេចក្តីរាយការណ៍របស់ទីភ្នាក់ងារសារព័ត៌មានAP។
មន្ត្រីសុខាភិបាលប៉ាឡេស្ទីនបាននិយាយថា ការវាយប្រហាររបស់អ្នកតាំងទីលំនៅអ៊ីស្រាអែលលើភូមិ Jit ក្បែរទីក្រុង Nablus ភាគខាងជើងតំបន់ West Bank បានសម្លាប់ជនជាតិប៉ាឡេស្ទីនម្នាក់និងធ្វើឱ្យជាច្រើនអ្នកទៀតរងរបួសធ្ងន់ធ្ងរកាលពីថ្ងៃព្រហស្បតិ៍។
នាយករដ្ឋមន្ត្រីអ៊ីស្រាអែលលោក Benjamin Netanyahu រដ្ឋមន្ត្រីការពារជាតិអ៊ីស្រាអែលលោក Yoav Gallant និងប្រធានាធិបតីអ៊ីស្រាអែលលោក Isaac Herzog បានរិះគន់អ្នកតាំងទីលំនៅទាំងនោះ ហើយបានអំពាវនាវឱ្យមានការចោទប្រកាន់និងកាត់ទោសពួកគេ។
សូម្បីតែមន្ត្រីស្តាំនិយមជ្រុលដែលរួមទាំងរដ្ឋមន្ត្រីហិរញ្ញវត្ថុអ៊ីស្រាអែលលោក Bezalel Smotrich និងរដ្ឋមន្ត្រីមហាផ្ទៃអ៊ីស្រាអែលលោក Moshe Arbel ក៏បានរិះគន់ការវាយប្រហារនេះផងដែរ ដោយនិយាយថា ទង្វើនេះប្រាសចាកពីមហិច្ឆតាតាំងទីលំនៅរបស់ពួកគេនៅក្នុងតំបន់ West Bank៕
ថ្នាក់ដឹកនាំអ៊ីស្រាអែលថ្កោលទោសដ៏កម្រលើការវាយប្រហាររបស់អ្នកតាំងទីអ៊ីស្រាអែលនៅ West Bank
វេទិកាបញ្ចេញមតិ