ភ្ជាប់​ទៅ​គេហទំព័រ​ទាក់ទង

​ប្រធាន​ក្រុម​ហ៊ុន​ Samsung ​សូម​ទោស​ចំពោះ​ការ​ឆេះ​ទូរស័ព្ទ​ Smartphone


អតិថិជន​កាន់​ទូរស័ព្ទ​ Galaxy Note 7 នៅ​ក្នុង​ស្នាក់​ការ​កណ្តាល​របស់​ក្រុម​ហ៊ុន​ Samsung នៅ​ប្រទេស​កូរ៉េ​ខាង​ត្បូង។

ក្រុម​ហ៊ុន​ Samsung ​ដែល​ជា​ក្រុម​ហ៊ុន​ធំ​ជាង​គេ​បង្អស់​នៃ​ប្រទេស​កូរ៉េ​ខាង​ត្បូង និយាយ​ថា​ ការ​ស៊ើប​អង្កេត​ផ្ទៃ​ក្នុង​មួយ​បាន​បង្ហាញ​ឲ្យ​ឃើញ​ថា ​ថ្ម​ទូរស័ព្ទ​ជាមូល​ហេតុ​នាំ​ឲ្យ​ឆេះ​ទូរស័ព្ទ​ Galaxy Note 7 ​កាល​ពី​ឆ្នាំ​មុន ដែល​នាំ​ឲ្យ​ក្រុម​ហ៊ុន​ខាត​បង់​ប្រាក់​យ៉ាង​ច្រើន ​និង​ខូច​កេរ្តិ៍​ឈ្មោះ​យ៉ាង​ខ្លាំង។

លោក​ Koh Dong-jin ​ប្រធាន​ផ្នែក​ទូរស័ព្ទ​ចល័ត​នៃ​ក្រុម​ហ៊ុន​ Samsung ​បាន​ឱន​ក្បាល​ខណៈ​ដែល​លោក​សូម​ទោស​នៅ​ក្នុង​សន្និសីទ​សារព័ត៌មានកាល​ពី​ថ្ងៃ​ចន្ទ នៅ​ក្នុង​ទីក្រុង​សេអ៊ូល។ លោក​ថ្លែង​ថា​ចាប់​ពី​ពេល​នេះ​តទៅ ​អាទិភាព​របស់​យើង​គឺ​គុណភាព​និង​សុវត្តិភាព​របស់​អតិថិជន។

ក្រុម​ហ៊ុន ​Samsung ​ត្រូវ​បា​នបង្ខំ​ឲ្យ​ឈប់​លក់​ទូរស័ព្ទ​នោះ​បន្ទាប់​ពី​ទូរស័ព្ទ​ដែល​ធ្វើ​ថ្មី​មក​ជំនួស​នោះ ​នៅ​តែ​ឆេះ។

ក្រុម​ហ៊ុន Samsung ​ត្រូវ​គេ​រំពឹង​ថា​នឹង​ចេញ​លក់​ទូរស័ព្ទ​ថ្មី​មួយ​ទៀត​នៅ​ពេល​ឆាប់ៗ​ខាង​មុខ​នេះ៕

XS
SM
MD
LG