ប្រទេសកូរ៉េខាងត្បូង បានអំពាវនាវដល់កូរ៉េខាងជើងឲ្យបញ្ឈប់បង្កើនការតានតឹងខាងយោធា បន្ទាប់ពីកូរ៉េខាងជើងបានបាញ់គ្រាប់ចូលក្នុងសមុទ្រនៅទល់មុខផ្ទៃទឹកឆ្នេរខាងកើតរបស់កូរ៉េ។
ក្នុងសេចក្តីថ្លែងការណ៍មួយ អ្នកនាំពាក្យប្រធានាធិបតីកូរ៉េខាងត្បូង បាននិយាយថា ការសាកល្បងប្រឆាំងនឹងកិច្ចព្រមព្រៀងខាងយោធាខែកញ្ញា ដែលកូរ៉េខាងត្បូងបានចុះហត្ថលេខាជាមួយកូរ៉េខាងជើង។ រដ្ឋាភិបាលក្រុងសេអ៊ូល និយាយថា ខ្លួនរំពឹងថា រដ្ឋាភិបាលក្រុងព្យុងយ៉ាងនឹងបន្តការចរចាឲ្យបានឆាប់រហ័សទៅតាមលទ្ធភាពដែលអាចធ្វើបាន។
នាយអគ្គសេនាធិការកូរ៉េខាងត្បូង និយាយក្នុងសេចក្តីថ្លែងការណ៍ថា កូរ៉េខាងជើង បានបាញ់គ្រាប់ចេញពីទីក្រុង Wonsan ភាគខាងកើតចូលក្នុងសមុទ្រទល់មុខឆ្នេរ សមុទ្រកូរ៉េភាគខាងកើតបន្ទាប់ពីម៉ោង៩ព្រឹក។
ការបង្កហេតុនៅពេលថ្មីៗបំផុតនេះរបស់កូរ៉េខាងជើងកើតមានឡើងបន្ទាប់ពីការបរា ជ័យនៃការចរចាអាវុធនុយក្លែអ៊ែរជាមួយសហរដ្ឋអាមេរិក។
កាលពីដំបូង ពួកមន្រ្តីកូរ៉េខាងត្បូង បានពណ៌នាអាវុធដែលបាញ់នោះថាជាកាំជ្រួចមី ស៊ីល។ មិនមានសេចក្តីលម្អិតអំពីអាវុធនោះភ្លាមៗទេ ក៏ប៉ុន្តែ ការសាកល្បងកាំជ្រួចមីស៊ីលវង់ប្រតិបត្តិការខ្លី នឹងមិនរំលោភការដាក់ទណ្ឌកម្មរបស់អន្តរជាតិលើកម្មវិធីកាំ ជ្រួចមីស៊ីលរបស់កូរ៉េខាងជើងទេ។
កូរ៉េខាងជើងមិនបានធ្វើអត្ថាធិប្បាយអំពីការសាកល្បងនោះទេ។
ចាប់តាំងពីខែវិច្ឆិកា ឆ្នាំ២០១៧មក មេដឹកនាំកូរ៉េខាងជើង គីម ជុងអ៊ុន បានធ្វើការរឹត ត្បិតលើការសាកល្បងកាំជ្រួចមីស៊ីលនេះ៕
