បុគ្គលិករុស្ស៊ី៧៨នាក់នៅលើនាវាយោធាឈ្លបយកការណ៍ដែលកាលពីថ្ងៃព្រហស្បតិ៍បានបុកគ្នាជាមួយនឹងនាវាដឹកទំនិញមួយគ្រឿងនៅក្បែរសមុទ្រខ្មៅរបស់តួកគីគឺមានសុវត្ថិភាព។ នេះបើយោងតាមក្រុមមន្ត្រីរបស់តួកគី និងរុស្ស៊ី។
ភ្នាក់ងារដឹកទំនិញ GAC របស់តួកគីបានឲ្យដឹងថា នាវា Limanរបស់រុស្ស៊ី បានបុកជាមួយនឹងនាវាដឹកទំនិញ Youzarsif H ដែលមានដោតទង់ជាតិមួយពីប្រទេស Togo ដែលជាប្រទេសអាហ្វ្រិកខាងលិច នៅក្នុងស្ថានភាពចុះអ័ព្ទ។
ក្រសួងការពារប្រទេសរបស់រុស្ស៊ីបានឲ្យដឹងថា នាវា Liman បានលិចនៅក្បែរទីក្រុង អ៊ីស្តង់ប៊ុល បន្ទាប់គ្រោងនាវានោះធ្លាយបាត ដោយសារតែបុកជាមួយនឹងនាវាដឹកទំនិញនោះ។
ឆ្មាំសមុទ្រតួកគីបាននិយាយនៅក្នុងសេចក្តីថ្លែងការណ៍មួយថា ខ្លួនបានជួយសង្គ្រោះនាវិករុស្ស៊ី៦៣នាក់ ហើយនាវិក១៥នាក់ទៀតត្រូវបានជួយសង្គ្រោះដោយបុគ្គលិករបស់នាវាដឹកទំនិញនោះ។ បុគ្គលិករបស់រុស្ស៊ីទាំងអស់ក្រោយមកត្រូវបានផ្ទេរទៅនាវាយោធារបស់តួកគី។ នេះបើយោងតាមសេចក្តីថ្លែងការណ៍ដដែលនោះ។
ទីប្រឹក្សារបស់នាយករដ្ឋមន្ត្រីតួកគី លោក Binali Yildirim បានសម្តែង «សេចក្តីសោកស្តាយ» ចំពោះហេតុការណ៍ដែលបានកើតឡើងចំពោះដៃគូរុស្ស៊ីនេះ៕
