តម្លៃប្រាក់រូបរបស់រុស្ស៊ី បានធ្លាក់ចុះដល់កម្រិតថ្មីមួយបើប្រៀបធៀបទៅនឹងប្រាក់ដុល្លារសហរដ្ឋអាមេរិក និងប្រាក់អឺរ៉ូ ទោះបីធនាគារកណ្តាលរបស់រដ្ឋាភិបាលទីក្រុងម៉ូស្គូ បានបង្កើនអត្រាការប្រាក់ដ៏សំខាន់ម្តងទៀតនៅក្នុងការខំប្រឹងប្រែងដើម្បីជំរុញសេដ្ឋកិច្ចដែលកំពុងរអាក់រអួលរបស់ប្រទេសនោះក៏ដោយ។
រូបិយប័ណ្ណរុស្ស៊ី មានតម្លៃ៥៥រូបក្នុងមួយដុល្លារជាលើកទីមួយកាលពីថ្ងៃព្រហស្បតិ៍ ហើយក៏បានធ្លាក់តម្លៃយ៉ាងខ្លាំងបើប្រៀបធៀបទៅនឹងប្រាក់អឺរ៉ូដែលបានប្រើប្រាស់នៅក្នុងប្លុកអឺរ៉ុបដែលមានប្រទេស១៨ជាសមាជិក។
តម្លៃប្រាក់រូប បានធ្លាក់ចុះចំនួន៤២ភាគរយនៅឆ្នាំនេះ។ សេដ្ឋកិច្ចរុស្ស៊ី បានទទួលរងការប៉ះពាល់ដោយសារការដាក់ទណ្ឌកម្មពីសហរដ្ឋអាមេរិក និងសហភាពអឺរ៉ុប ពីព្រោះតែអន្តរាគមន៍របស់ប្រធានាធិបតីរុស្ស៊ី Vladimir Putin នៅក្នុងប្រទេសអ៊ុយក្រែននៅក្នុងការគាំទ្រក្រុមឧទ្ទាមដែលលម្អៀងទៅរកប្រទេសរុស្ស៊ីដែលកំពុងប្រយុទ្ធជាមួយកងទ័ពរដ្ឋាភិបាលអ៊ុយក្រែន ហើយក៏ដោយសារការធ្លាក់ចុះតម្លៃប្រេងយ៉ាងខ្លាំង ដែលជាកត្តាមួយដ៏សំខាន់សម្រាប់សេដ្ឋកិច្ចរុស្ស៊ី៕
