ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

តំណែង​សំខាន់​នៅ​ក្នុង​សភា​និង​រដ្ឋាភិបាល​ត្រូវ​បាន​តែងតាំង


លោក​នាយក​រដ្ឋ​មន្រ្តី ហ៊ុន សែន (ឆ្វេង) ចូលរួម​ក្នុង​កិច្ចប្រជុំ​សភា​ជាតិ​នៅ​រាជធានី​ភ្នំពេញ នៅ​ថ្ងៃ​ទី ២៤ ខែ​កញ្ញា ឆ្នាំ២០១៣។ លោក​នាយក​រដ្ឋ​មន្ត្រី​ហ៊ុន សែន​ត្រូវ​បាន​បោះឆ្នោត​ជា​កញ្ចប់​តែង​តាំង​ជា​នាយក​រដ្ឋមន្ត្រី​អាណត្តិ​ទី​៥​នេះ។​REUTERS/Samrang Pring (CAMBODIA - Tags: POLITICS) - RTX13X8N
លោក​នាយក​រដ្ឋ​មន្រ្តី ហ៊ុន សែន (ឆ្វេង) ចូលរួម​ក្នុង​កិច្ចប្រជុំ​សភា​ជាតិ​នៅ​រាជធានី​ភ្នំពេញ នៅ​ថ្ងៃ​ទី ២៤ ខែ​កញ្ញា ឆ្នាំ២០១៣។ លោក​នាយក​រដ្ឋ​មន្ត្រី​ហ៊ុន សែន​ត្រូវ​បាន​បោះឆ្នោត​ជា​កញ្ចប់​តែង​តាំង​ជា​នាយក​រដ្ឋមន្ត្រី​អាណត្តិ​ទី​៥​នេះ។​REUTERS/Samrang Pring (CAMBODIA - Tags: POLITICS) - RTX13X8N
ភ្នំពេញ៖ សមាជិក​រដ្ឋ​សភា​ចំនួន​៦៨​រូប​ខាង​គណបក្ស​ប្រជាជន​កម្ពុជា​បាន​បោះ​ឆ្នោត​ជា​កញ្ចប់​តែង​តាំង​ប្រធាន​រដ្ឋសភា​ អនុប្រធាន​ទី១​ និង​អនុប្រធាន​ទី២​នៃ​រដ្ឋសភា​ គណៈ​កម្មការ​ជំនាញ​ទាំង​៩​នៃ​រដ្ឋ​សភា​ ព្រម​ទាំង​នាយក​រដ្ឋមន្ត្រី​ក្នុង​ពេល​តែមួយ ដោយ​ប្រើ​ពេល​វេលា​មិន​ដល់​មួយ​ម៉ោង​ផង។

ការ​បោះឆ្នោត​ជា​កញ្ចប់​នេះ​បាន​ធ្វើឡើង​ដោយ​លើក​ដៃ​មិន​មាន​សមាជិក​ណា​ម្នាក់ជំទាស់​ទេ ​គឺ​បាន​បោះឆ្នោត​សំឡេងគាំទ្រ​៦៨​ទល់​និង​៦៨​សំឡេងនៃ​ចំនួន​កូរ៉ុម​របស់​សមាជិក​សភា​ខាង​គណបក្ស​ប្រជាជន​កម្ពុជា​ដែល​បាន​ចូល​រួម​ប្រជុំ​នៅ​ព្រឹក​ថ្ងៃ​អង្គារ៍​នេះ។​
គណបក្ស​សង្គ្រោះជាតិ​របស់​លោក​សម រង្ស៊ី​ និង​លោក​កឹម សុខា​បាន​ធ្វើ​ពហិការ​មិន​ចូល​សម័យ​ប្រជុំ​នៃ​រដ្ឋសភា​នេះទេ។

ក្រោយ​ពី​បាន​បោះឆ្នោត​ជា​កញ្ចប់ គេម​មិន​ឃើញ​មាន​អ្វី​ផ្លាស់​ប្តូរទេ ​គឺ​សមាស​ភាព​ថា្នក់​ដឹកនាំ​នៃ​រដ្ឋ​សភា​អាណត្តិទី​៥​ដូច​គ្នា​នឹង​អាណត្តិ​ទី​៤​ដែរ។​


លោក​ហេង សំរិន​ត្រូវ​បាន​តែងតាំង​ជា​ប្រធាន​រដ្ឋសភា​ លោក ​ងួន​ ញ៉ិល​ អនុ​ប្រធាន​ទី​មួយ​ ចំណែក​លោក​ស្រី​ឃួន សុដារី​ត្រូវ​បាន​តែង​តាំង​ជា​អនុប្រធាន​ទី​២​ ហើយ​គណៈកម្មការ​ជំនាញ​ទាំង​៩​បាន​កាន់​កាប់​ដោយ​គណបក្ស​ប្រជាជន​ដដែល។

លោក​នាយក​រដ្ឋ​មន្ត្រី​ហ៊ុន សែន​ត្រូវ​បាន​បោះឆ្នោត​ជា​កញ្ចប់​តែង​តាំង​ជានាយក​រដ្ឋមន្ត្រី​អាណត្តិ​ទី​៥​នេះ​ បើទោះ​បី​មាន​ការ​រិះគន់​ពី​គណបក្ស​សង្គ្រោះ​ជាតិ​ថា ​លទ្ធ​ផល​នៃ​ការ​បោះ​ឆ្នោត​នេះ​បាន​ដោយ​ការ​លួច​បន្លំយ៉ាង​ណា​ក៏ដោយ។​

ក្រោយ​ពី​បាន​តែងតាំង​ជានាយក​រដ្ឋ​មន្ត្រី​ប្រមាណ​១០នាទី​ប៉ុណ្ណោះ​ ​លោក​ហ៊ុន សែន​ នាយក​រដ្ឋ​មន្ត្រី​ដ៏​មាន​ឥទ្ធិពល​បាន​ព្រមាន​ប្រឆាំង​នឹង​មេ​ដឹកនាំ​គណបក្ស​ប្រឆាំង​ទាក់​ទិន​នឹង​អត្ថាធិប្បាយ​អំពី​ការ​បើក​សម័យ​ប្រជុំ​សភា​ដំបូង​កាល​ពីថ្ងៃ​ច័ន្ទ។​

មាន​ប្រសាសន៍​ប្រាប់​ក្រុម​អ្នក​សារ​ព័ត៌មាន​នៅ​ឯមន្ទីរ​រដ្ឋសភា​ជាលើក​ដំបូង​ក្រោយ​ពី​ការ​កាន់​អំណាច​សារ​ជាថ្មី​ទៀត​ ​ ​លោក​នាយក​រដ្ឋ​មន្ត្រី​ហ៊ុន សែន​បាន​ព្រមាន​ដោយ​មិន​ចំ​ឈ្មោះ​ថា ​លោក​ក៏ចង់​ដឹង​ដែរ​ថា ​គេ​ចោទ​ខុស​ច្បាប់​ ទាំង​ព្រះ​មហាក្សត្រ​ ទាំង​សំឡេងភាគ​ច្រើន​ដែល​បាន​កំណត់​ដោយ​រដ្ឋ​ធម្មនុញ្ញ​នោះ​ថា ​តើ​អ្នក​ចោទ​ហ្នឹង​ជាអ្វី?។ លោក​ចោទជាសំណួរថា៖ ​«គេចង់​បង្កើត​រដ្ឋ​ឯករាជ្យ​ឬ​ក៏​យ៉ាង​ណា»។​
តំណែង​សំខាន់​នៅក្នុង​សភា​និង​រដ្ឋាភិបាល​ត្រូវ​បាន​តែងតាំង
សូម​រង់ចាំ

No media source currently available

0:00 0:04:25 0:00
ទាញ​យក​ពី​តំណភ្ជាប់​ដើម

លោក​មាន​ប្រសាសន៍​ថា​ គណបក្ស​សង្គ្រោះ​ជាតិ​ទៅ​ប្រកាស​នៅ​ឯខេត្ត​សៀម​រាប​ថា​ មាន​សមាជិក​ខ្លួន​ជាប់​ឆ្នោត​រហូត​ដល់​៦៣​រូប​នេះ​ជា​បញ្ហា​ផ្លូវ​ច្បាប់។​

ក៏​ប៉ុន្តែ​ទោះ​ជា​យ៉ាងណា​ក៏ដោយ​ ក៏​លោក​ហ៊ុន សែន​បាន​អះអាង​ថា​ គណបក្ស​ប្រជាជន​ នៅ​តែ​បើក​ទ្វារ​ឲ្យ​មាន​ការ​ចរចាជាមួយ​គណបក្ស​សង្គ្រោះ​ជាតិ។​

លោក​និយាយ​ថា​៖ «មុន​ហ្នឹង​ចរចា ត្រូវ​និយាយ​អំពី​បញ្ហា​ត្រូវ​តែ​ចូល​ស្បថ​សិន។​ ហើយ​ទ្វារ​ព្រះ​បរម​រាជ​វាំង​ចំហ​ជានិច្ច​ដើម្បី​រង់ចាំ​អ្នក​ចូល​ទៅ​ស្បថ​ ម្នាក់​ ពីរ​នាក់​ឬ​ទាំង​៥៥​នាក់​ចូល​ទៅ​ស្បថ ​ប៉ុន្តែ​មិន​មែន​៦៣​នាក់​ទេ។ ​សូម​ប្រាប់​ឲ្យ​ច្បាស់។​៦៣​នាក់គឺ​ខុស​ហើយ»។​

គណបក្ស​សង្គ្រោះជាតិ​បាន​ហៅ​ការ​បើក​សម័យ​ប្រជុំ​លើក​ដំបូង​ក្រោម​ព្រះ​រាជា​ធិបតី​ភាព​ពី​ព្រះ​មហាក្សត្រ​ថា​ បាន​រំលោភ​រដ្ឋធម្មនុញ្ញ​ ហើយ​សភាដែល​បាន​កើត​ចេញ​នោះ​ជា​សភា​ឯក​បក្ស​ មិន​មែន​តំណាង​ឲ្យ​ឆន្ទៈ​ប្រជា​រាស្ត្រ​ខ្មែរ​ទាំង​មូល​នោះ​ នឹង​នាំ​ប្រទេស​កម្ពុជា​ទៅ​កាន់​របប​ផ្តាច់​ការ។​

លោក​យឹម សុវណ្ណ​ អ្នក​នាំ​ពាក្យ​គណបក្ស​សង្គ្រោះ​ជាតិ​ បាន​បញ្ជាក់​ថា​ លោក​មិន​មាន​ការ​ព្រួយ​បារម្មណ៍​អំពីការ​ព្រមាន​ពី​លោក​ហ៊ុន សែន​ទេ។​ តែ​ផ្ទុយ​ទៅ​វិញ ​គណបក្ស​សង្គ្រោះ​ជាតិ​នឹង​រៀប​ចំធ្វើ​មហា​បាតុកម្ម​សារ​ជាថ្មី​ទៀត​ដើម្បី​ទាម​ទារ​រក​យុត្តិ​ធម៌​សម្រាប់ម្ចាស់​ឆ្នោត។​

លោក​និយាយ​ថា៖​ «រៀប​ចំមហា​បាតុកម្ម​នៅ​ក្នុង​ទីក្រុង​ភ្នំពេញ​ នៅ​តាម​បណ្តា​ខេត្ត​ ចលនា​មហា​ជន​ ប្រមូល​មេដៃ​ដើម្បី​ថ្វាយ​ព្រះ​មហា​ក្សត្រ​ ​សម្តែងនូវ​ការ​មិន​ពេញ​ចិត្ត​ចំពោះ​ទង្វើ​ទាំង​ឡាយ​ដែល​ខុស​ច្បាប់​ ទង្វើ​ដែល​ធ្វើ​ឲ្យ​បែក​បាក់​ ដែល​ធ្វើ​ឲ្យ​គ្មានការ​ឯក​ភាព​ជាតិ»។​

លោក​បណ្ឌិត​ ឡៅ ម៉ុងហៃ​ អ្នក​វិភាគ​ឯក​រាជ្យ​ បាន​បញ្ជាក់​ថា ​ការ​ព្រមាន​របស់​លោក​នាយក​រដ្ឋ​មន្ត្រី​ហ៊ុន សែន​ជាការ​ចាប់​ផ្តើម​ទៅ​រក​ការ​បង្ក្រាប ​ដូច​កាល​ពី​លោក​កាន់​អំណាច​ក្នុង​អាណត្តិ​មុនៗ។​

លោក​និយាយថា៖​ «យល់​ថា ​បើ​សិន​វិធាន​ការ​អញ្ចឹងៗ​ច្រើន​ឆ្នាំ​តទៅ​ទៀត​គឺ​ទៅ​ជា​ផ្តាច់​ការ ​ហើយ​យើង​ជួប​ប្រទះ​ដែរ​ហើយ​ធ្លាប់​គោល​នយោបាយ​បែប​ហ្នឹង​ដែរ។ ​ហើយ​មួយ​ទៀត​ បើ​និយាយ​ទៅ​ អ្នក​ដដែល​ធ្លាប់​ដែល​គ្រប់​គ្រង​ដដែល​ពី​មុន​មក​ច្រើន​ឆ្នាំ​ផង»។​

លោក​នាយក​រដ្ឋ​មន្ត្រី​ហ៊ុន សែន​ និង​សមាជិក​រដ្ឋាភិបាល​មក​ពី​គណបក្ស​ប្រជាជន​កម្ពុជា​ ក្រោយ​ពី​បាន​បោះ​ឆ្នោត​ជា​កញ្ចប់​នៅ​រសៀល​ថ្ងៃ​អង្គារនេះ ​នឹង​ធ្វើ​ពិធី​សច្ចា​ប្រណិធាន​នៅ​ព្រះ​បរម​រាជ​វាំង៕
XS
SM
MD
LG