លោក Jim Mattis រដ្ឋមន្រ្តីការពារប្រទេសសហរដ្ឋអាមេរិកមានប្រសាសន៍ថា សហរដ្ឋអាមេរិកដែលមានយុទ្ធសាស្រ្តថ្មីរបស់ខ្លួនដើម្បីបំបែកភាពទាល់ច្រកខាងនយោបាយជាមួយពួកបះបោរតាលីបង់ នឹងមិនបោះបង់ចោលការប្រយុទ្ធនៅក្នុងប្រទេសអាហ្វហ្គានីស្ថានទេ។
លោករដ្ឋមន្រ្តីការពារប្រទេសអាមេរិក Mattis បានមានប្រសាសន៍ដូចនេះក្នុងអំឡុងនៃដំណើរទស្សនកិច្ចទៅកាន់រដ្ឋធានីកាប៊ុលកាលពីថ្ងៃពុធថា «ដោយយុទ្ធ សាស្រ្តតំបន់អាស៊ីខាងត្បូងផ្អែកលើស្ថានភាពថ្មីរបស់យើង យើងនឹងធ្វើឲ្យប្រសើរឡើងនូវស្ថានភាពដើម្បីជួយអាហ្វហ្គានីស្ថាននៅពេលដែលកងទ័ពរបស់គេផ្លាស់ប្តូរយុទ្ធសាស្រ្តប្រឆាំងនឹងពួកភេរវជន។ យើងនឹងមិនបោះបង់អាហ្វហ្គានី ស្ថានទៅឲ្យសត្រូវដ៏កំណាចដែលកំពុងព្យាយាមបំផ្លាញមាគ៌ាឆ្ពោះទៅកាន់ការ អំណាចនោះ»។
ប៉ុន្មានម៉ោងបន្ទាប់ពីលោកអញ្ជើញទៅដល់ ការវាយប្រហារដោយគ្រាប់រ៉ុកកែតលើចំណតយន្តហោះក្រុងកាប៊ុលបានសម្លាប់មនុស្សម្នាក់ហើយនឹងធ្វើឲ្យមនុស្សជាច្រើននាក់ទៀតរងរបួស។ ពួកតាលីបង់បានអះអាងទទួលខុសត្រូវដោយនិយាយថា ការវាយប្រហារនោះសំដៅលើយន្តហោះរបស់លោក Mattis។ ក្រុមរដ្ឋឥស្លាមក៏អះអាងទទួលខុសត្រូវចំពោះការវាយប្រហារនោះដែរ។
លោករដ្ឋមន្រ្តីការពារប្រទេសអាមេរិកមិនបាននៅក្បែរចំណតយន្តហោះនៅ ពេលនោះទេ។
លោក Jens Stoltenberg អគ្គលេខាធិការអង្គការអូតង់ដែលបានស្ថិតនៅក្នុងទីក្រុងកាប៊ុលដែរនោះបានបញ្ជាក់ពីការតាំងចិត្តរបស់អង្គការអូតង់ដែរចំពោះប្រទេសអាហ្វហ្គានីស្ថាន។
ផែនការស្តីពីអាហ្វហ្គានីស្ថានរបស់ប្រធានាធិបតីសហរដ្ឋអាមេរិកដូណាល់ ត្រាំបានប្រកាសកាលពីខែមុនពីអំពីតួនាទីកាន់តែធំឡើងសម្រាប់ប្រទេសនានានៅក្នុងតំបន់រួមទាំងប្រទេសឥណ្ឌាផង៕
