ប្រទេស​ចិន ​កំពុង​ពង្រីក​ឥទ្ធិពល​សេដ្ឋកិច្ច​និង​នយោបាយ​របស់​ខ្លួន​នៅ​ទូទាំង​ពិភពលោក តាម​រយៈ​យុទ្ធសាស្ត្រ​ហៅ​ថា៖ ‍«គម្រោង​ក្រវ៉ាត់​ផ្លូវ​ពាណិជ្ជកម្ម​ ឬ Belt & Road Initiative»។ យុទ្ធសាស្ត្រ​ដែល​មាន​ទឹក​ប្រាក់​រាប់​លាន​លាន​ដុល្លារ​​នេះ ផ្ដោត​លើ​ការ​សាងសង់​បណ្ដាញ​ពាណិជ្ជកម្ម​អន្តរទ្វីប​ដ៏​ធំ​មហិមា​មួយ ដោយ​មាន ផ្លូវដែក ស្ពាន ផ្លូវគោក និង​កំពង់​ផែ​សមុទ្រ ត​ភ្ជាប់​ប្រទេស​ប្រមាណ ៧០ ក្នុង​ទ្វីប​អាស៊ី អឺរ៉ុប​ និង​អាហ្វ្រិក។ នៅ​ក្នុង​កម្មវិធី​កំណត់ត្រា​អ្នកសារព័ត៌មាន​​របស់ VOA លោក ម៉ែន គឹមសេង និង​លោក ចាប ចិត្រា បាន​ពិភាក្សា​អំពី​មហិច្ឆតា​ចិន និង​គម្រោង​ក្រវ៉ាត់​ផ្លូវ​ពាណិជ្ជកម្ម​ដ៏​មហិមា​នេះ។