ភ្ជាប់​ទៅ​គេហទំព័រ​ទាក់ទង

លោក Colin Powell និង​លោកស្រី Wasserman Schultz គាំទ្រ​កិច្ចព្រមព្រៀង​នុយក្លេអ៊ែរ​អ៊ីរ៉ង់


ក្រុម​អ្នកគាំទ្រ​កិច្ចព្រមព្រៀង​នុយក្លេអ៊ែរ​អ៊ីរ៉ង់​នៅក្រុង Los Angeles។ លោក Colin Powell និង​លោកស្រី Wasserman Schultz គាំទ្រ​កិច្ចព្រមព្រៀង​នុយក្លេអ៊ែរ​។

កាលពី​ថ្ងៃ​អាទិត្យ​ កិច្ចព្រមព្រៀង​បរមាណូ​អ៊ីរ៉ង់​មាន​សន្ទុះ​ខ្លាំង​ជាងមុន​នៅពេល​ដែល​លោក​អតីត​រដ្ឋមន្ត្រី​ការបរទេស​ស.រ.អា​ Colin Powell និង​លោកស្រី​ Debbie Wasserman Schultz អ្នក​តំណាង​រាស្ត្រ និង​ជា​ប្រធាន​នៃ​គណៈកម្មាធិការ​ជាតិ​របស់​គណបក្ស​ប្រជាធិបតេយ្យ​បាន​ប្រកាស​ការ​គាំទ្រ​ដល់​កិច្ចព្រមព្រៀង​នេះ។​

លោក Powell ដែល​ជា​រដ្ឋមន្ត្រី​ការបរទេស​នៅ​ពេល​លោក​ប្រធានាធិបតី George W. Bush កាន់​តំណែង​នៅ​ក្នុង​សេតវិមានបាន​ហៅ​កិច្ចព្រមព្រៀងនេះ​ថា​ជា«កិច្ចព្រមព្រៀង​ល្អ​គួរសម» ដែល​នឹង​កាត់បន្ថយការ​គំរាមកំហែង​ដោយ​ប្រទេស​អ៊ីរ៉ង់ដែល​មាន​អាវុធបរមាណូ។

លោក Powell បា​ន​មាន​ប្រសាសន៍ថា​កម្មវិធី​បរមាណូ​អ៊ីរ៉ង់​ធ្វើ​ឲ្យ​ប្រទេស​នេះ​មានទំនោរ​តិច​ជាង​មុន​ថា ​ខ្លួន​អាច​ផលិត​អាវុធ​បរមាណូ​មួយ​បាន​ដែល​ត្រូវ​ប្រើប្រាស់​ប្រឆាំង​នឹង​ប្រទេស​អ៊ីស្រាអែល និង​ប្រទេស​ឯទៀតៗ។ ​លោក​បាន​មាន​ប្រសាសន៍​ប្រាប់​កម្មវិធី​ Meet the Press របស់​ទូរទស្សន៍​ NBC ថា ​«ដូច្នេះ​នេះ​ជា​ការ​ល្អ​ប្រសើរ​គួរសម»។

លោកស្រី​ Wasserman Schultz បាន​មានប្រសាសន៍​ថា​ សេចក្តី​សម្រេច​ចិត្ត​គាំទ្រ​កិច្ច​ព្រមព្រៀងនេះ​ជាសេចក្តី​សម្រេច​ចិត្ត​ពិបាកបំផុត​មួយ​ដែល​លោក​ស្រី​បាន​ធ្វើ​នៅ​ក្នុង​រយៈពេល​ជិត២៣ឆ្នាំ ដែល​លោក​ស្រី​កាន់តំណែង​ជា​មន្ត្រី​ជាប់ឆ្នោត។​

សមាជិកា​សភា​ស.រ.អា​អំបូរ​ជ្វីព​រូបនេះ​បាន​សរសេរ​នៅ​ក្នុង​កាសែត​ The Miami Herald ថា​ នៅ​ពេល​ដែល​លោកស្រី​មាន​កង្វល់​អំពីកិច្ចព្រមព្រៀងនេះ​ កិច្ចព្រមព្រៀងនេះ​«ផ្តល់ឱកាស​ល្អ​បំផុត​ដើម្បី​ធ្វើ​ឲ្យ​ប្រាកដ​ប្រជា» អំពី​សន្តិសុខ​សម្រាប់​ស.រ.អា ប្រទេស​អ៊ីស្រាអែល ​និង​សម្ព័ន្ធមិត្ត​ឯទៀតៗ​ផងដែរ។​

លោកស្រី​បាន​និយាយ​ថា​ «តាម​រយៈកិច្ចព្រមព្រៀងនេះ​ប្រទេសអ៊ីរ៉ង់​នឹង​មិន​អាច​ផលិត​គ្រាប់បែក​បរមាណូ​មួយ​គ្រាប់​បាន​ទេ​ក្នុង​រយៈពេល​យ៉ាង​ហោច​ណាស់​ពី១០ទៅ១៥ឆ្នាំ» នៅ​ពេល​ដែល​ស.រ.អា និង​សម្ព័ន្ធមិត្តរបស់​អាមេរិកាំង ​«នឹង​អាច​ផ្តោតការ​យក​ចិត្តទុកដាក់​ជិត​ដិត​ជាង​មុន​លើ​ការ​បញ្ឈប់​សកម្មភាព​ភេរវកម្ម​របស់​អ៊ីរ៉ង់»៕

XS
SM
MD
LG