ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

សម្តេច​សង្ឃ​កាតូលិក​ប៉ាប ហ្វ្រង់ស៊ីស​ អំពាវនាវ​ឲ្យ​មាន​ការ​សន្ទនា​នៅ​ក្នុង​ប្រទេស នីការ៉ាហ្គា​ ខណៈ​មាន​បាតុកម្ម​កើតឡើង


សម្តេច​ប៉ាប ហ្វ្រង់ស៊ីស ថ្លែង​ទៅ​កាន់​អ្នក​គាំទ្រ​នៅ​ទីលាន St. Peter's Square ក្នុង​បុរី​វ៉ាទីកង់ កាលពី​ថ្ងៃទី៣ ខែមិថុនា ឆ្នាំ២០១៨។
សម្តេច​ប៉ាប ហ្វ្រង់ស៊ីស ថ្លែង​ទៅ​កាន់​អ្នក​គាំទ្រ​នៅ​ទីលាន St. Peter's Square ក្នុង​បុរី​វ៉ាទីកង់ កាលពី​ថ្ងៃទី៣ ខែមិថុនា ឆ្នាំ២០១៨។

សម្តេច​សង្ឃ​កាតូលិក​ ប៉ាប ហ្វ្រង់ស៊ីស កាល​ពី​អាទិត្យ​បាន​អធិដ្ឋាន​សុំ​ឲ្យ​មាន​សន្តិភាព​នៅក្នុង​ប្រទេស​នីការ៉ាហ្គា​ តាមរយៈ​ការអំពាវនាវ​ឲ្យមាន​ការ​សន្ទនា​នៅក្នុង​ប្រទេស​ក្នុង​ទ្វីបអាមេរិក​ឡាទីន​មួយ​នេះ​ នៅស្រប​ពេល​មាន​បាតុកម្ម​ប្រឆាំង​រដ្ឋាភិបាល​កើត​ឡើង​ដែល​បង្ក​ឲ្យ​មាន​មនុស្សស្លាប់​ជាង១០០នាក់​នៅ​ប៉ុន្មាន​សប្តាហ៍​ថ្មីៗ​នេះ។

សម្តេចសង្ឃ​បាន​ថ្លែង​ទៅកាន់​អ្នកចូលរួម​បន់ស្រន់​តាម​បែប​ប្រពៃណី​រាប់ម៉ឺននាក់​ដែល​បាន​ចូលរួម​ពិធី​បន់ស្រន់​នៅ​ឯ​ទីលាន SaintPeter ក្នុង​វិមាន​វ៉ាទីកង់​ថា «ព្រះអង្គ​សូម​ចូលរួម​រំលែក​ទុក្ខ​ជាមួយ​នឹង​សង្ឃកាតូលិក​នៅក្នុង​ប្រទេស​នីការ៉ាហ្គា​ចំពោះ​ទុក្ខសោក​ជុំវិញ​ការប្រើប្រាស់​អំពើ​ហិង្សា​ដោយ​ក្រុម​ប្រដាប់​អាវុធ​នៅក្នុង​ប្រទេស​នីការ៉ាហ្គា»។

បាតុកម្ម​ប្រឆាំង​លោកប្រធានាធិបតី DanielOrtega បាន​ចាប់ផ្តើម​តាំង​ពី​ខែមេសា​មក​ ពាក់ព័ន្ធ​នឹង​សំណើ​ផ្លាស់ប្តូរ​ប្រាក់​ឧបត្ថម្ភ​ចូល​និវត្តន៍​ ប៉ុន្តែ​ចាប់តាំង​ពី​ពេល​នោះ​មក​បាតុកម្ម​នេះ​បាន​កាន់​តែ​រីក​ធំឡើង​រហូត​ដល់​មាន​ការ​អំពាវនាវ​ឲ្យ​លោក​លាលែង​ចេញ​ពី​តំណែង។

សម្តេច​សង្ឃ​ប៉ាប ហ្វ្រង់ស៊ីស​បាន​ថ្លែង​បន្ត​ថា «វិហារ​សាសនា​កាតូលិក​តែងតែ​ស្នើ​ឲ្យ​មាន​ការ​សន្ទនា​ ប៉ុន្តែ​តម្រូវ​ឲ្យ​មាន​ការប្តេជ្ញាចិត្ត​យ៉ាងម៉ឺងម៉ាត់​ក្នុង​ការ​គោរព​សេរីភាព និង​ជីវិត​មនុស្ស​ទាំង​នោះ។ សម្តេច​សង្ឃប៉ាប ហ្វ្រង់ស៊ីស​ក៏​បាន​បន់ស្រន់​សុំ​ឲ្យ​បញ្ចប់​អំពើ​ហិង្ស​នេះ​និង​អនុញ្ញាត​ឲ្យ​មាន​ការសន្ទនា​ឲ្យ​បាន​ឆាប់​តាម​ដែល​អាច​ធ្វើបាន‍»។ មនុស្ស១៥នាក់​ត្រូវ​បាន​សម្លាប់​ និង២០០នាក់​បាន​រងរបួស​នៅក្នុង​ថ្ងៃទិវាម្តាយ​ក្នុង​ប្រទេស​នីការ៉ាហ្គា​កាល​ពី​ថ្ងៃពុធ​កន្លង​ទៅ​នេះ។ ខ្មាន់កាំភ្លើង​បាន​បាញ់​រះ​ទៅ​លើ​ហ្វូង​មនុស្ស​រាប់ពាន់នាក់​នៅក្នុង​ទីក្រុង Masaya​ នៅ​អំឡុងពេល​ក្បួន​ដើរ​តវ៉ា​មួយ​ដែល​ដឹកនាំ​ដោយ​ពួក​ម្តាយ​របស់​ជនរងគ្រោះ​ក្នុង​បាតុកម្ម​តវ៉ា​នា​ពេល​ថ្មីៗ​នេះ៕

XS
SM
MD
LG