ភ្ជាប់​ទៅ​គេហទំព័រ​ទាក់ទង

សម្តេច​ប៉ាប​​ថ្លែង​ទៅ​កាន់​ហ្វូង​មនុស្ស​រាប់​លាន​នាក់​នៅ​ហ្វីលីពីន​


សម្តេច​ប៉ាប​ Francis ធ្វើ​ការ​បួងសួង​នៅ​អំឡុង​ពេល​ជួបជុំ​ជាមួយ​ហ្វូង​មនុស្ស​នៅ​ឧទ្យាន​ Rizal Park​ នៅ​ទីក្រុង​ម៉ានីល​ ប្រទេសហ្វីលីពីន​ នៅថ្ងៃ​ទី​១៨​ ខែ​មករា​ ឆ្នាំ​២០១៥។

សម្តេច​ប៉ាប Francis ​បាន​ប្រសិទ្ធិពរ​មហាជន​ច្រើនលាន​នាក់​ដែល​ប្រមូល​ផ្តុំគ្នា​ទាំង​កណ្តាល​ភ្លៀង​យ៉ាង​សស្រាក់សស្រាំ​ នៅ​ឧទ្យាន​ Rizal Park នៅក្រុង​ម៉ានីល ​និង​តំបន់ជុំវិញ​នោះ​ ​នៅថ្ងៃអាទិត្យនេះ​ ដែល​ជាថ្ងៃចុង​ក្រោយ​នៃ​ទស្សនកិច្ច​របស់ព្រះ​អង្គរយៈ​ពេល​៤ថ្ងៃនៅ​ប្រទេស​ហ្វីលីពីន។

​អ្នករៀបចំ​ពិធី​បាន​រំពឹងថា​ មាន​មនុស្សដល់​ទៅ៦​លាននាក់​ចេញមក​ទទួលព្រះ​អង្គ ​គឺ​លើលពី​៥​លាននាក់​ ដែលជា​ចំនួនច្រើន​បំផុត​ ពេល​ពលរដ្ឋ​ហ្វីលីពីន​ទទួល​សម្រេច​ Pope John Paul ទីពីរ​នៅឧទ្យាន​នេះកាល​ពីឆ្នាំ១៩៩៥។​ ​ប្រជាជន​មក​ជួប​ជុំទាំង​ភ្លៀងនេះ​ថ្ងៃអាទិត្យ​នេះ​មាន​ប្រមាណ​ពី​៤លាន​ទៅ៦​លាននាក់។

​Genie Mutya ​អាយុ៣៥​ឆ្នាំជាអ្នកស្រុក​រស់នៅ​ក្នុង​ក្រុង​ Valenzuela។ ​គាត់​បាន​និយាយថា ​គាត់ពិតជា​សប្បាយ​រីករាយ​ ទោះជា​ទទឹកជោគ​ជាំ​ដោយ​ទឹកភ្លៀងក្តី។​ គាត់​នឹង​នៅ​ទី​នោះ​ទាល់តែ​ចប់ពិធី។ ​ដរាបណា​គាត់នៅ​រស់​ គាត់​នឹងមាន​វត្តមាន​ចូល​រួម​ជានិច្ច។​ អំឡុង​ពិធីអភិវឌ្ឍនា​កិច្ច​របស់​ព្រះអង្គ សម្តេច​ប៉ាប Francis​ ជំរុញ​ឲ្យ​ជនជាតិ​ហ្វីលីពីន​បំបាត់​កត្តាអវិជ្ជមាន​ក្នុងសង្គម​ ដែល​នាំ​ឲ្យ​មាន​ភាព​ក្រីក្រ ​អវិជ្ជា និង​អំពើ​ពុក​រលួយ។ ​ព្រះ​អង្គ​ក៏បាន​ថ្លែង​ដូច្នេះទៅ​កាន់​លោក​ប្រធានាធិបតី​ហ្វីលីពីន​ Benigno Aquino​ និង​មន្ត្រីនានា​កាល​ពីថ្ងៃ​សុក្រ​ផង​ដែរ៕

XS
SM
MD
LG