លោក Mike Pompeo រដ្ឋមន្រ្តីការបរទេសថ្មីរបស់សហរដ្ឋអាមេរិកនិយាយថា មិនទាន់មានការសម្រេចថាតើលោកប្រធានាធិបតីសហរដ្ឋអាមេរិក ដូណាល់ ត្រាំនឹងដកខ្លួនចេញពីកិច្ចព្រមព្រៀងនុយក្លែអ៊ែរដែរឬទេ។ លោកនិយាយទៀតថា ការចរចាកំពុងធ្វើឡើង។
នៅឯសន្និសីទកាសែតលើកដំបូងរបស់លោកក្នុងឋានៈជារដ្ឋមន្រ្តីការបរទេសថ្មី លោក Pompeo បាននិយាថា «ការគ្មានការដោះស្រាយឲ្យបានក្រាស់ក្រែល ការគ្មានការដោះស្រាយបញ្ហា កិច្ចព្រមព្រៀងមានបញ្ហា លោកប្រធានាធិបតីត្រាំមិនទំនងទុកកិច្ចព្រមព្រៀងនោះហួសពីខែឧសភានោះទេ»។ លោកPompeo បានថ្លែងនៅក្នុងទីក្រុងBrusselsនៅឯជំនួបរបស់រដ្ឋមន្រ្តីការបរទេសអង្គការអូតង់ មួយថ្ងៃបន្ទាប់ពីលោកស្បថចូលកាន់ដំណែង។
លោករដ្ឋមន្រ្តីការបរទេសPompeoបានមានប្រសាសន៍ទៀតថា លោកបានពិភាក្សាកិច្ចព្រមព្រៀងនុយក្លែអ៊ែរដែលគេស្គាល់ថា ចំណាត់ការនៃផែនការធំទូលាយមួយរួមគ្នាឬ JCPOAជាមួយសមភាគីអង្គការអូតង់ផ្សេងទៀត។ លោករដ្ឋមន្រ្តីការបរទេសថ្មីអាមេរិកបាននិយាយថា បញ្ហានេះទំនងស្ថិតនៅលើគេនៅក្នុងរបៀបវារៈនៅពេលដែលលោកធ្វើដំណើរទៅកាន់តំបន់មជ្ឈឹមបូព៌ាបន្ទាប់ពីចាកចេញពីទីក្រុង Brussels នេះ។
លោករដ្ឋមន្រ្តីការបរទេសអាមេរិក Pompeo ក៏បានឆ្លើយនឹងសំណើពីការឆ្លើយតបទៅនឹងការវាយប្រហាររបស់រុស្ស៊ីកាលពីថ្ងៃពុធទៅលើលទ្ធិប្រជាធិបតេយ្យរបស់ប្រទេសលោកខាងលិច ប្រទេសអ៊ុយក្រែន ដំណើរទស្សនកិច្ចរបស់លោកទៅកាន់ប្រទេសកូរ៉េខាងជើងនិងទឹកចិត្តបុគ្គលិកនៅក្រសួងការបរទេសអាមេ រិក។
នៅពេលគេសួរអំពីកម្លាំងការងារបាក់ទឹកចិត្តនៅរដ្ឋធានីវ៉ាស៊ីនតោន លោក Pompeo បានឆ្លើយថា លោកបានជួបជាមួយពួកមន្រ្តីក្រសួងការបរទេសនៅឯបេសកកម្មអង្គការអូតង់ក្នុងទីក្រុង Brussels។ លោកនិយាយទៀតថា ពួកគេប្រហែលមានការធ្លាក់ទឹកចិត្ត ក៏ប៉ុន្តែ ហាក់ដូចជានៅមានស្មារតីល្អ៕
