នាយក CIA លោក Mike Pompeo ជាបេក្ខជនដែលលោកប្រធានាធិបតី Donald Trump ជ្រើសរើសសម្រាប់តំណែងរដ្ឋមន្រ្តីការបរទេស បានប្រឈមនឹងការចោទសួរយ៉ាងខ្លាំងអំពីទំនាក់ទំនងរបស់លោកជាមួយនឹងប្រធានាធិបតី និងជាមួយប្រទេសផ្សេងទៀតនៅជុំវិញពិភពលោក នៅអំឡុងសវនាការនៅចំពោះមុខគណៈកម្មាធិការទំនាក់ទំនងការបរទេសរបស់ព្រឹទ្ធសភានៅក្នុងករណីស៊ើបអង្កេតការជ្រៀតជ្រែករបស់រុស្ស៊ី។
លោក Pompeoបានបញ្ជាក់ថា លោកនឹងមិនលាលែងចេញពីតំណែង ដើម្បីធ្វើការប្រឆាំងនោះទេ ប្រសិនបើលោក Trump បណ្តេញលោក Robert Mueller រដ្ឋអាជ្ញាពិសេសចេញពីតំណែងនោះ»។
លោក Pompeoបាននិយាយថា«ខ្ញុំគិតថាកាតព្វកិច្ចរបស់ខ្ញុំក្នុងការបន្តបម្រើដល់ប្រទេសជាតិក្នុងនាមជាអ្នកការទូតជាន់ខ្ពស់ម្នាក់ នឹងមានសារៈសំខាន់ជាងការកើនឡើងភាពចលាចលនយោបាយនៅក្នុងប្រទេសទៅទៀត»។
លោក Pompeoបានបដិសេធមិននិយាយពាក់ព័ន្ធនឹងការថ្លែងរបស់លោកTrump ចំពោះទង្វើរបស់រដ្ឋអាជ្ញាពិសេសថាជាការតាមធ្វើទុកបុកម្នេញ និងបានបដិសេធមិននិយាយអំពីអ្វីដែលលោកបានឭពីលោកប្រធានាធិបតីបាននិយាយអំពីការស៊ើបអង្កេតលើប្រទេសរុស្ស៊ីនោះដែរ។
លោកបាននិយាយថា«ខ្ញុំនឹងមិននិយាយអំពីកិច្ចសន្ទនាររវាងខ្ញុំ និងលោកប្រធានាធិបតីនោះទេ។ ខ្ញុំបានធ្វើការជាមួយលោកប្រធានាធិបតីជាយូរមកហើយ ហើយលោកមិនដែលស្នើឲ្យខ្ញុំធ្វើអ្វីដែលខ្ញុំគិតថាជារឿងមិនត្រឹមត្រូវនោះដែរ»៕
