ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក Pompeo៖ សន្តិភាព​នៅ​អាហ្វហ្គានីស្ថាន​នឹង​ជួយ​កាត់​បន្ថយ​ផល​វិបាក​នៃ​សង្គ្រាម


រូបឯកសារ៖ រដ្ឋមន្រ្តីការបរទេសអាមេរិកលោក Mike Pompeo ថ្លែងទៅកាន់អ្នកសារព័ត៌មាននៅសេតវិមាន ក្នុងរដ្ឋធានីវ៉ាស៊ីនតោន។

រដ្ឋមន្ត្រី​ការបរទេស​សហរដ្ឋ​អាមេរិក លោក Mike Pompeo បាន​កត់​សម្គាល់​កាល​ពី​ថ្ងៃ​អង្គារ​ម្សិលមិញ​ថា កិច្ច​ចរចា​សន្តិភាព​ដែល​កំពុង​បន្ត​ស្ដីពី​អនាគត​របស់​ប្រទេស​អាហ្វហ្គានីស្ថានគឺ​ជា​ ដំណើរ​ការ​ដ៏​ពិបាក​មួយ ប៉ុន្តែ​វា​នឹង​ជួយ​កាត់​បន្ថយ​ផល​វិបាក​នៃ​សង្គ្រាម និង​ហានិភ័យ​ចំពោះ​សហរដ្ឋ​អាមេរិក។

លោក Pompeo ថ្លែង​ដូច្នេះ​ក្នុង​រដ្ឋធានី​វ៉ាស៊ីនតោន ស្រប​ពេល​ដែល​ក្រុម​តាលីបង់ និង​ក្រុម​តំណាង​ឲ្យ​រដ្ឋាភិបាល​អាហ្វហ្គានីស្ថាន​បន្ត​កិច្ច​ចរចា​របស់​ពួកគេ​នៅ​ថ្ងៃ​ទី ៤ នៅ​ក្នុង​ទីក្រុង​ដូហា ប្រទេស​កាតា ដើម្បី​សម្រេច​ចុងក្រោយ​លើ​របៀប​វារៈ​សម្រាប់​ការ​ចរចា​សន្តិភាព​ដ៏​សំខាន់​មួយ​ដើម្បី​បញ្ចប់​ជម្លោះ​ជា​ច្រើន​ទស្សវត្សរ៍​នៅ​ក្នុង​ប្រទេស​អាហ្វហ្គានីស្ថាន។

ភាគី​ទាំង​ពីរ​មាន​ភារកិច្ច​ចរចា​ធ្វើ​យ៉ាង​ណា​សម្រេច​ឲ្យ​បាន​នូវ​ការ​ឯកភាព​គ្នា​លើ​ការ​ឈប់​ប្រយុទ្ធ​គ្នា​ជា​អចិន្ត្រៃយ៍ និង​លើ​ការ​ព្រមព្រៀង​ចែក​រំលែក​អំណាច​គ្រប់គ្រង​ប្រទេស​អាហ្វហ្គា​នីស្ថាន ក្រោយពី​កងទ័ព​អាមេរិក និង​កងទ័ព​សម្ព័ន្ធមិត្ត​អាមេរិក​ទាំងអស់​នឹង​ត្រូវ​ដក​ចេញ​ពី​ប្រទេស​នេះ។

លោក Pompeo បាន​ថ្លែង​ក្នុង​ព្រឹត្តិការណ៍តាម​អ៊ីនធឺណិតមួយ​ដែរ​រៀប​ចំ​ដោយ​អង្គការ​ក្រុមប្រឹក្សា​អាត្លង់ទិក (Atlantic Council) ថា៖ «យើង​កំពុង​រៀបចំ​ឲ្យ​មាន​លទ្ធផល​មួយ​ដែល​នឹង​កាត់​បន្ថយ​ការ​បាត់បង់​អាយុ​ជីវិត​របស់​ទាហាន​អាមេរិក កាត់​បន្ថយ​ការ​ចំណាយ [លើ​សង្គ្រាម] ដែល​បាន​ពី​ការ​បង់ពន្ធ​របស់​ពលរដ្ឋ​អាមេរិក និង​កាត់​បន្ថយ​ហានិភ័យ​ចំពោះ​សហរដ្ឋ​អាមេរិក»៕

តួលេខនៃករណីឆ្លងជំងឺកូវីដ១៩

XS
SM
MD
LG