លោក John Robert Lewis ដែលជាជ័យលាភីទាមទារសិទ្ធិសម្រាប់ពលរដ្ឋអាមេរិកាំងស្បែកខ្មៅ បានស្លាប់ក្នុងវ័យ ៨០ ឆ្នាំ។ លោកបានទទួលមរណភាពកាលពីថ្ងៃសុក្រ ដោយសារជំងឺមហារីកលំពែង។ លោក John Lewis កើតនៅថ្ងៃទី ២១ ខែកុម្ភៈ ឆ្នាំ ១៩៤០ នៅក្រៅទីក្រុង Troy រដ្ឋ Alabama។ លោកគឺជាកូនរបស់អ្នកប្រវាស់ស្រែ និងបានធំដឹងក្ដីនៅតំបន់ភាគខាងត្បូងសហរដ្ឋអាមេរិក ដែលជាតំបន់ប្រកាន់ស្បែកសនិយម។ លោក Lewis បានតស៊ូដើម្បីភាពស្មើគ្នានៃប្រាក់ចំណូលសម្រាប់ជាតិសាសន៍ភាគតិច កំណែទម្រង់យុត្តិធម៌ព្រហ្មទណ្ឌ សុវត្ថិភាពនៃការប្រើប្រាស់កាំភ្លើង និងការធានារ៉ាប់រងសុខភាពសម្រាប់ពលរដ្ឋគ្រប់រូប៕
កម្រងរូបភាព VOA៖ លោក John Lewis ពីមេដឹកនាំសិទ្ធិពលរដ្ឋទៅជាសមាជិករដ្ឋសភា (១៩៤០-២០២០)
![លោក John Lewis បង្ហាញរូបលោកលើទស្សនាវដ្ដី Life Magazine ចេញផ្សាយខែមីនា ឆ្នាំ ១៩៦៥ នៅក្នុងការិយាល័យរបស់លោក ក្នុងក្រុង Atlanta រដ្ឋ Georgia ថ្ងៃទី ៧ ខែសីហា ឆ្នាំ១៩៨៦។](https://gdb.voanews.com/67174c7f-d91a-41b1-950f-d95cbbae60c7_w1024_q10_s.jpg)
១
លោក John Lewis បង្ហាញរូបលោកលើទស្សនាវដ្ដី Life Magazine ចេញផ្សាយខែមីនា ឆ្នាំ ១៩៦៥ នៅក្នុងការិយាល័យរបស់លោក ក្នុងក្រុង Atlanta រដ្ឋ Georgia ថ្ងៃទី ៧ ខែសីហា ឆ្នាំ១៩៨៦។
![លោក John Lewis ដែលកាលពីពេលនោះគឺជាគណៈកម្មាធិការនិស្សិតអហិង្សា ត្រូវបានកងកម្លាំងសន្ដិសុខរដ្ឋ Alabama វាយ ដើម្បីបំបែកហ្វូងបាតុករនៅក្រុង Selma។ លោក Lewis បានរងគ្រោះប្រេះឆ្អឹងលលាដ៍ក្បាល ថ្ងៃទី ៧ ខែមីនា ឆ្នាំ១៩៦៥។](https://gdb.voanews.com/c144717e-e0da-406a-ba71-1539b7bee434_w1024_q10_s.jpg)
២
លោក John Lewis ដែលកាលពីពេលនោះគឺជាគណៈកម្មាធិការនិស្សិតអហិង្សា ត្រូវបានកងកម្លាំងសន្ដិសុខរដ្ឋ Alabama វាយ ដើម្បីបំបែកហ្វូងបាតុករនៅក្រុង Selma។ លោក Lewis បានរងគ្រោះប្រេះឆ្អឹងលលាដ៍ក្បាល ថ្ងៃទី ៧ ខែមីនា ឆ្នាំ១៩៦៥។
![លោក John Lewis (ស្ដាំបង្អស់) ដើរកៀកដៃជាមួយនឹងក្រុមមេដឹកនាំទាមទារសិទ្ធិពលរដ្ឋដទៃទៀត ដឹកនាំការតវ៉ាទាមទារសិទ្ធិឲ្យពលរដ្ឋស្បែកខ្មៅ ដោយដើរដង្ហែក្បួនទៅកាន់សាលាក្ដីក្នុងក្រុង Montgomery រដ្ឋ Alabama ថ្ងៃទី១៧ ខែមីនា ឆ្នាំ១៩៦៥។](https://gdb.voanews.com/1889eee7-7650-4dbd-aea5-995b3452c2bb_w1024_q10_s.jpg)
៣
លោក John Lewis (ស្ដាំបង្អស់) ដើរកៀកដៃជាមួយនឹងក្រុមមេដឹកនាំទាមទារសិទ្ធិពលរដ្ឋដទៃទៀត ដឹកនាំការតវ៉ាទាមទារសិទ្ធិឲ្យពលរដ្ឋស្បែកខ្មៅ ដោយដើរដង្ហែក្បួនទៅកាន់សាលាក្ដីក្នុងក្រុង Montgomery រដ្ឋ Alabama ថ្ងៃទី១៧ ខែមីនា ឆ្នាំ១៩៦៥។
![លោក John Lewis ឈរឱបដៃស្ដាប់លោក Wilson Baker (បែរខ្នង) ដែលជានាយកផ្នែកសុវត្ថិភាពសាធារណៈ ព្រមានអំពីគ្រោះថ្នាក់នៃការតវ៉ានៅពេលយប់នៅក្នុងក្រុង Selma រដ្ឋ Alabama ថ្ងៃទី ២៣ ខែកុម្ភៈ ឆ្នាំ១៩៦៥។](https://gdb.voanews.com/8f312550-17c8-4232-89ac-33b85bd40cdf_w1024_q10_s.jpg)
៤
លោក John Lewis ឈរឱបដៃស្ដាប់លោក Wilson Baker (បែរខ្នង) ដែលជានាយកផ្នែកសុវត្ថិភាពសាធារណៈ ព្រមានអំពីគ្រោះថ្នាក់នៃការតវ៉ានៅពេលយប់នៅក្នុងក្រុង Selma រដ្ឋ Alabama ថ្ងៃទី ២៣ ខែកុម្ភៈ ឆ្នាំ១៩៦៥។
![លោក John Lewis (ឆ្វេងបង្អស់) រួមជាមួយនឹងបណ្ដាមេដឹកនាំទាមទារសិទ្ធិពលរដ្ឋស្បែកខ្មៅដទៃទៀត ដឹកនាំពិធីហែបុណ្យសពលោក Jimmie Lee Jackson សកម្មជនសិទ្ធិពលរដ្ឋស្បែកខ្មៅ នៅក្រុង Marion រដ្ឋ Alabama កាលពីថ្ងៃទី ៣ ខែមីនា ឆ្នាំ១៩៦៥។](https://gdb.voanews.com/662ac3c2-f99b-405b-96ba-8b92af6e8f02_w1024_q10_s.jpg)
៥
លោក John Lewis (ឆ្វេងបង្អស់) រួមជាមួយនឹងបណ្ដាមេដឹកនាំទាមទារសិទ្ធិពលរដ្ឋស្បែកខ្មៅដទៃទៀត ដឹកនាំពិធីហែបុណ្យសពលោក Jimmie Lee Jackson សកម្មជនសិទ្ធិពលរដ្ឋស្បែកខ្មៅ នៅក្រុង Marion រដ្ឋ Alabama កាលពីថ្ងៃទី ៣ ខែមីនា ឆ្នាំ១៩៦៥។
![លោក John Lewis (ទីមួយរាប់ពីឆ្វេង) ជួបប្រជុំជាមួយនឹងមេដឹកនាំទាមទារសិទ្ធិពលរដ្ឋដទៃទៀតដែលរួមមានទាំងលោក Martin Luther King ដើម្បីរៀបចំការតវ៉ាទាមទារសិទ្ធិឲ្យពលរដ្ឋស្បែកខ្មៅ ហៅថា "March on Washington" ទីក្រុងញូវយ៉ក សហរដ្ឋអាមេរិក ថ្ងៃទី ៧ ខែមីនា ឆ្នាំ២០១៥។ ](https://gdb.voanews.com/37e285f9-e02c-49fe-b451-dcc214e451c1_w1024_q10_s.jpg)
៦
លោក John Lewis (ទីមួយរាប់ពីឆ្វេង) ជួបប្រជុំជាមួយនឹងមេដឹកនាំទាមទារសិទ្ធិពលរដ្ឋដទៃទៀតដែលរួមមានទាំងលោក Martin Luther King ដើម្បីរៀបចំការតវ៉ាទាមទារសិទ្ធិឲ្យពលរដ្ឋស្បែកខ្មៅ ហៅថា "March on Washington" ទីក្រុងញូវយ៉ក សហរដ្ឋអាមេរិក ថ្ងៃទី ៧ ខែមីនា ឆ្នាំ២០១៥។
![ក្រុមមេដឹកនាំសិទ្ធិពលរដ្ឋ ដែលរួមមានទាំងលោក John Lewis និងលោក Martin Luther King Jr. ថ្លែងទៅកាន់អ្នកកាសែត បន្ទាប់ពីជួបជាមួយនឹងលោកប្រធានាធិបតី John F. Kennedy ថ្ងៃទី ២៨ ខែសីហា ឆ្នាំ១៩៦៣។](https://gdb.voanews.com/70fc933f-4d2a-449b-b211-18d415419a03_w1024_q10_s.jpg)
៧
ក្រុមមេដឹកនាំសិទ្ធិពលរដ្ឋ ដែលរួមមានទាំងលោក John Lewis និងលោក Martin Luther King Jr. ថ្លែងទៅកាន់អ្នកកាសែត បន្ទាប់ពីជួបជាមួយនឹងលោកប្រធានាធិបតី John F. Kennedy ថ្ងៃទី ២៨ ខែសីហា ឆ្នាំ១៩៦៣។
![ក្រុមមេដឹកនាំទាមទារសិទ្ធិពលរដ្ឋ ដែលរួមមានទាំងលោក John Lewis (ឈរនៅក្រោយចំកណ្ដាល) ជួបជាមួយនឹងលោកប្រធានាធិបតី John F. Kennedy នៅសេតវិមាន ក្រោយពីការតវ៉ា March on Washington បញ្ចប់ រដ្ឋធានីវ៉ាស៊ីនតោន ថ្ងៃទី ២៨ ខែសីហា ឆ្នាំ១៩៦៣។](https://gdb.voanews.com/97a6184c-8953-416b-bd4e-29708416aac4_w1024_q10_s.jpg)
៨
ក្រុមមេដឹកនាំទាមទារសិទ្ធិពលរដ្ឋ ដែលរួមមានទាំងលោក John Lewis (ឈរនៅក្រោយចំកណ្ដាល) ជួបជាមួយនឹងលោកប្រធានាធិបតី John F. Kennedy នៅសេតវិមាន ក្រោយពីការតវ៉ា March on Washington បញ្ចប់ រដ្ឋធានីវ៉ាស៊ីនតោន ថ្ងៃទី ២៨ ខែសីហា ឆ្នាំ១៩៦៣។
![អតីតប្រធានាធិបតីលោក Barack Obama (ស្ដាំ) កាន់ដៃលោក John Lewis (ឆ្វេង) ដើរឆ្លងកាត់ស្ពាន Edmund Pettus Bridge ដើម្បីប្រារព្ធខួបទី ៥០ នៃការទាមទារសិទ្ធិពលរដ្ឋ នៅក្រុង Selma រដ្ឋ Alabama ថ្ងៃទី ៧ ខែមីនា ឆ្នាំ២០១៥។ ](https://gdb.voanews.com/41182a65-6050-4e93-a15f-fa66795b3e03_w1024_q10_s.jpg)
៩
អតីតប្រធានាធិបតីលោក Barack Obama (ស្ដាំ) កាន់ដៃលោក John Lewis (ឆ្វេង) ដើរឆ្លងកាត់ស្ពាន Edmund Pettus Bridge ដើម្បីប្រារព្ធខួបទី ៥០ នៃការទាមទារសិទ្ធិពលរដ្ឋ នៅក្រុង Selma រដ្ឋ Alabama ថ្ងៃទី ៧ ខែមីនា ឆ្នាំ២០១៥។
![លោក John Lewis សមាជិករដ្ឋសភាតំណាងរដ្ឋ Georgia ខាងគណបក្សប្រជាធិបតេយ្យ ឈរថតរូបនៅមុខសម្រង់សម្ដីរបស់លោកដែលនិយាយថា៖ «បើយើងមិនធ្វើវា តើនរណានឹងធ្វើវា? បើមិនធ្វើវាពេលនេះ តើចាំដល់ពេលណា?»។](https://gdb.voanews.com/8c3902a9-b109-4beb-97fa-df919f91dc19_w1024_q10_s.jpg)
១០
លោក John Lewis សមាជិករដ្ឋសភាតំណាងរដ្ឋ Georgia ខាងគណបក្សប្រជាធិបតេយ្យ ឈរថតរូបនៅមុខសម្រង់សម្ដីរបស់លោកដែលនិយាយថា៖ «បើយើងមិនធ្វើវា តើនរណានឹងធ្វើវា? បើមិនធ្វើវាពេលនេះ តើចាំដល់ពេលណា?»។
![លោក John Robert Lewis ដែលជាជ័យលាភីទាមទារសិទ្ធសម្រាប់ពលរដ្ឋអាមេរិកាំងដើមកំណើតអាហ្វ្រិក ទទួលមេដាយសេរីភាពពីលោកប្រធានាធិបតី Barack Obama នៅក្នុងឆ្នាំ ២០១១។](https://gdb.voanews.com/ce2f8595-9ad9-4c2c-ab93-4d6089de8e10_w1024_q10_s.jpg)
១១
លោក John Robert Lewis ដែលជាជ័យលាភីទាមទារសិទ្ធសម្រាប់ពលរដ្ឋអាមេរិកាំងដើមកំណើតអាហ្វ្រិក ទទួលមេដាយសេរីភាពពីលោកប្រធានាធិបតី Barack Obama នៅក្នុងឆ្នាំ ២០១១។
![ពលរដ្ឋនាំគ្នាយកផ្កាមកដាក់នៅជិតរូបគំនូរលោក John Lewis ក្នុងក្រុង Atlanta រដ្ឋ Georgia ក្រោយពីលោកទទួលមរណភាព កាលពីថ្ងៃសុក្រ ទី ១៧។ អក្សរលើរូបគំនូរនេះសរសេរថា «វីរបុរស»។ ](https://gdb.voanews.com/8a1ca692-24dc-42d3-b0b6-7db3e94eb716_w1024_q10_s.jpg)
១២
ពលរដ្ឋនាំគ្នាយកផ្កាមកដាក់នៅជិតរូបគំនូរលោក John Lewis ក្នុងក្រុង Atlanta រដ្ឋ Georgia ក្រោយពីលោកទទួលមរណភាព កាលពីថ្ងៃសុក្រ ទី ១៧។ អក្សរលើរូបគំនូរនេះសរសេរថា «វីរបុរស»។