ភ្ជាប់​ទៅ​គេហទំព័រ​ទាក់ទង

logo-print
ព័ត៌មាន​​ថ្មី

ប្រទេស​ហ្វីលីពីន​កោះ​ហៅ​ឯក​អគ្គរដ្ឋ​ទូត​ចិន​​​ពាក់ព័ន្ធ​វត្តមាន​នាវា​ចិន​​ក្នុង​តំបន់​ជម្លោះ​​សមុទ្រ​ចិន​ខាង​ត្បូង


រូបឯកសារ៖ នាវា​ដឹក​យន្ដហោះ​ចម្បាំង ​Theodore Roosevelt និង​នាវា​មួយ​ចំនួន​ទៀតរបស់​សហរដ្ឋអាមេរិក​ស្ថិត​នៅ​ក្នុង​សមុទ្រ​ចិន​ខាង​ត្បូង ថ្ងៃទី៩ ខែមេសា ឆ្នាំ២០២១។

ប្រទេស​ហ្វី​លី​ពីន​ បាន​បញ្ជាក់​កាលពី​ថ្ងៃ​អង្គារ​ម្សិល​មិញថា ខ្លួន​បាន​កោះ​ហៅ​ឯកអគ្គរដ្ឋ​ទូត​ចិន​ប្រចាំ​នៅ​ហ្វីលីពីនដើម្បី​ប្រាប់​ពី​ការ«មិន​សប្បាយ​ចិត្ត​របស់​ខ្លួន» ជុំវិញ​ការបន្ត​វត្តមាន​របស់នាវា​ចិន​នៅ​ក្នុងតំបន់ជម្លោះ​ថ្មប៉​ប្រះទឹក​នៃ​សមុទ្រ​ចិន​ខាង​ត្បូង​នោះ។ នេះ​តាម​សេចក្តី​រាយការណ៍​របស់​ទីភ្នាក់ងារ​ព័ត៌មាន Reuters។

​ក្រសួង​ការ​បរទេសហ្វី​លីពីន​ បាន​បញ្ជាក់ក្នុង​សេចក្តី​ថ្លែង​ការណ៍​ថា ឯក​អគ្គរដ្ឋទូត​ចិនប្រចាំ​នៅ​ហ្វីលី ពីន​លោក Huang Xilian ត្រូវ​បាន​កោះ​ហៅកាល​ពី​ថ្ងៃ​ចន្ទ​ហើយ​បាន​ប្រាប់​ថា ចិន ត្រូវ​ដក​នាវារបស់​ខ្លួនទាំង​អស់ចេញពី​តំបន់​ជម្លោះ​ថ្ម​ប៉ប្រះ​ទឹក Whitsun និងពី​តំបន់​ផ្លូវនាវាចរណ៍​ផ្សេង​ទៀត​របស់​ហ្វីលីពីន។

ប្រទេស​ហ្វីលីពីន​កាល​ពី​ខែ​មុន​ បានហៅ​វត្តមាន​នាវា​ចិន​ប្រមាណ​២២០​គ្រឿង ដែល​ត្រូវ​គេ​ជឿ​ថា​បាន​ប្រើ​ដោយ​កង​កម្លាំង​សេនា​ជន​របស់​ខ្លួន​ ចូល​ក្នុង​តំបន់សេដ្ឋកិច្ច​ផ្តាច់​មុខដែល​មាន​ទំហំ៣២២​គីឡូម៉ែត្រ​របស់​ខ្លួន​នោះ​ថា​ជា ​«ចំនួនដ៏​ច្រើន​និងជា​ការ​គំរាម​កំហែង​មួយ​» ស្រប​ពេល​ដែល​សហរដ្ឋ​អាមេរិក​ ជប៉ុន​ និង​ប្រទេស​ដទៃ​ផ្សេងៗ​ទៀត​ បាន​សម្តែង​ពី​ក្តី​កង្វល់​របស់​ខ្លួន​ពី​គោល​បំណង​របស់​ចិន ដែលបណ្តាល​ឲ្យ​រដ្ឋាភិបាល​ក្រុង​ប៉េកាំងបដិសេធភ្លាមៗ​នូវការ​ចោទ​ប្រកាន់​ទាំង​នោះ។​

ក្រសួង​ការ​បរទេស​ហ្វី​លីពីន បាន​បញ្ជាក់កាលពី​ថ្ងៃ​អង្គារ​ម្សិល​មិញ​ថា ខ្លួនក៏​បានក្រើន​រំលឹក​ដល់​ឯក​អគ្គរដ្ឋ​ទូត​ចិន​លោក Huang ផង​ដែរថា ហ្វីលីពីន​ បាន​ឈ្នះ​ក្តី​ក្តាំ​នៅឯ​តុលា​ការ​អន្តរជាតិ​ជុំវិញ​រឿង​នេះ​ក្នុង​ឆ្នាំ​២០១៦ ដែល​បានគាំទ្រ​ដល់អធិបតេយ្យ​ភាព​របស់​ហ្វីលីពីន​ បើ​ទោះ​បី​ជា​មាន​ការ​ទាម​ទារពី​ប្រទេស​ចិន​យ៉ាង​ណា​ក្តី។​

ក្រសួង​ការបរទេស​ហ្វីលីពីន បាន​បញ្ជាក់​ថា ភាគី​ទាំង​ពីរ​ បាន​សន្យាប្រើ​ប្រាស់​នូវ​ដំណោះ​ស្រាយ​ដោយ​សន្តិវិធី ជុំវិញ​ការ​ខ្វែង​គំនិត​គ្នានៅ​ក្នុង​បញ្ហា​ជម្លោះ​ដែន​ទឹក ក្នុង​តំបន់​សមុទ្រ​ចិន​ខាង​ត្បូង​នេះ។

ស្ថាន​ទូត​ចិនក្នុង​ទី​ក្រុង​ម៉ានីល​ មិន​បាន​ឆ្លើយ​តប​ភ្លាម​ៗ ចំពោះការ​សុំ​បញ្ជាក់ជុំវិញ​រឿងនេះ​នោះ​ទេ៕

XS
SM
MD
LG