ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ការបិទ​រដ្ឋាភិបាល​អាមេរិក​ដោយផ្នែក​ខ្លះ​បាន​ចូល​ដល់​ថ្ងៃទី១១​ហួស​ចូល​ឆ្នាំថ្មី


រូបឯកសារ៖ បដាមួយដែលសរសេរថា «បិទ» នៅខាងក្រៅមន្ទីរ National Archive នៅរដ្ឋធានីវ៉ាស៊ីនតោន សហរដ្ឋអាមេរិក កាលពីថ្ងៃទី២២ ខែធ្នូ ឆ្នាំ២០១៨។ 

សមាជិក​សភា​គណបក្ស​ប្រជា​ធិបតេយ្យ​និយាយ​ថា ​នៅពេល​គណបក្ស​ប្រជា​ធិបតេយ្យ​​គ្រប់គ្រង​សភា​នៅថ្ងៃ​ព្រហស្បតិ៍ ​ពួកគេ​គ្រោង​នឹង​អនុម័ត​ច្បាប់ឱ្យ​បាន​ឆាប់​ដើម្បី​បើក​ប្រតិបត្តិការ​របស់​រដ្ឋាភិបាល​ឲ្យបាន​មួយ​ភាគបួន​ដែល​ត្រូវបាន​បិទ​ចាប់​តាំង​ពីថ្ងៃ​ទី២២​ខែ​ធ្នូ។

ការ​បិទ​រដ្ឋាភិបាល​អាមេរិក​ដោយ​ផ្នែកខ្លះ​បាន​ចូល​ដល់​ថ្ងៃទី​១១​ហើយ​នៅថ្ងៃ​ទីមួយ​ឆ្នាំ​២០១៩​នេះ​ ព្រោះ​សមាជិក​សភា ​និង​លោក​ប្រធានាធិបតី ​Donald Trump នៅតែ​មិនចុះ​សម្រុង​គ្នា​អំពី​ការ​ទាមទារ​របស់​លោក​ប្រធានាធិបតី​យក​លុយ​ធ្វើ​ជញ្ជាំង​នៅតាម​បណ្តោយ​ព្រំដែន​អាមេរិក-ម៉ិកស៊ិក។​

សមាជិក​សភា​គណបក្ស​ប្រជា​ធិបតេយ្យ​និយាយ​ថា ​នៅពេល​គណបក្ស​ប្រជា​ធិបតេយ្យគ្រប់គ្រង​សភា​នៅថ្ងៃ​ព្រហស្បតិ៍ ​ពួកគេ​គ្រោង​នឹង​អនុម័ត​ច្បាប់ឱ្យ​បាន​ឆាប់​ដើម្បី​បើក​ប្រតិបត្តិការ​របស់​រដ្ឋាភិបាល​ឲ្យបាន​មួយ​ភាគបួន​ដែល​ត្រូវបាន​បិទ​ចាប់​តាំង​ពីថ្ងៃ​ទី២២​ខែ​ធ្នូ ទោះជាយ៉ាង​ណាក្តី ​គេ​មិន​ប្រាកដ​ទេ​ថា ច្បាប់​នេះ​នឹង​ទទួល​បាន​ការ​អនុម័ត​នៅព្រឹទ្ធ​សភា​ ឬ​យ៉ាងណា។​

ផែនការ​ចំណាយ​របស់​គណបក្ស​ប្រជា​ធិបតេយ្យ​មិនរាប់​បញ្ចូល​ប្រាក់​សម្រាប់​លោក Trump ​ធ្វើ​ជញ្ជាំង​ព្រំដែន​ថ្មី​ទេ។ ​មេដឹកនាំ​អាមេរិក​បាន​ចំអក​នៅ​ក្នុង​សារ​តាម ​Twitter ​ពេល​បុណ្យ​ចូល​ឆ្នាំ​ថ្មី​ថា៖​ «អ្នក​ប្រជា​ធិបតេយ្យ​ជា​ច្រើន ​ដូចដែល​ខ្ញុំ​សង្ស័យ​អ៊ីចឹង​គឺ​មិន​ផ្តល់​ប្រាក់​សម្រាប់​ជញ្ជាំង​ថ្មី​ទេ។​ ពួកគ​េរវើ​រវាយណាស់!។​ បញ​្ហានៅត្រង់​ថា ​បើ​គ្មាន​ជញ្ជាំង ​យើង​មិន​អាច​មាន​សន្តិសុខ​ព្រំដែន​ពិតប្រាកដ​នោះ​ទេ ​ហើយ​ប្រទេស​របស់​យើង​ត្រូវតែ​មាន​ព្រំដែន​រឹងមាំ​និង​មាន​សុវត្ថិភាព​នៅភាគ​ខាង​ត្បូង!»​

នៅពេល​ប្រតិទិន​បើកទំព័រ​ចូល​ឆ្នាំថ្មីនេះ ​ លោក ​Trump ​បាន​សរសេរ​តាម ​Twitter ជា​អក្សរធំៗ​ថា ​ជនជាតិ​អាមេរិក​នឹង​មាន​ឆ្នាំ​ថ្មី​ដ៏ល្អ ​ប្រសិន​បើពួក​គេ​មិន​ងប់​នឹងការ​ប្រឆាំង​លោក​ទេ​នោះ៕​

XS
SM
MD
LG