ភ្ជាប់​ទៅ​គេហទំព័រ​ទាក់ទង

គ្រូ​បង្រៀន​នៅ​ប៉ាគីស្ថាន​យក​កាំភ្លើង​ទៅ​សាលារៀន


មន្រ្តី​សន្តិសុខ​របស់​ប៉ាគីស្ថាន​សម្តែង​ជា​យុទ្ធជន​ម្នាក់​ក្នុង​ពេល​ហ្វឹកហ្វឺន​សន្តិសុខ​មួយ​កាលពី​ថ្ងៃទី២ ខែកុម្ភៈ នៅ​មហាវិទ្យាល័យ Islamia ក្នុង​ក្រុង Peshawar ប្រទេស​ប៉ាគីស្ថាន។

ដោយ​ភ័យ​ខ្លាច​បន្ទាប់​ពី​ការ​វាយប្រហារ​ភេរវកម្ម​នៅ​សាកលវិទ្យាល័យ​មួយ​ និង​ការ​គំរាមកំហែង​ពី​ការ​វាយប្រហារ​នៅ​តាម​សាលារៀន​បន្ត​ទៅ​ទៀត ក្រុម​គ្រូ​បង្រៀន​នៅ​តាម​តំបន់​មួយ​ចំនួន​នៃ​ខេត្ត Khyber Pakhtunkhwa ប្រទេស​ប៉ាគីស្ថាន កំពុង​តែ​ចាប់​ផ្តើម​កាន់​កាំភ្លើង​ និង​យកទៅ​ក្នុង​ថ្នាក់​រៀន។

​ការ​កើន​ឡើង​នៃ​ការ​លក់​កាំភ្លើង​នៅ​តាម​តំបន់​មួយ​ចំនួន​នៅ​ខេត្ត​មួយ​ដែល​ស្ថិត​នៅ​ប៉ែក​ពាយព្យ​នៃ​ប្រទេស​ប៉ាគីស្ថាន​បាន​ចាប់​ផ្តើម​កើត​មាន បន្ទាប់​ពី​មាន​ការ​វាយប្រហារ​ភេរវកម្ម​នៅ​សាកលវិទ្យាល័យ Bacha Khan នៅ​ក្នុង​ទីក្រុង Charsadda កាល​ពី​ខែ​មុន ដែល​បាន​សម្លាប់​មនុស្ស​អស់​យ៉ាង​ហោច​ណាស់​ចំនួន​២១នាក់ ដែល​ភាគច្រើន​នៃ​ជន​រងគ្រោះ​ទាំង​នោះ​គឺជា​និស្សិត។

នៅ​ក្នុង​ខែ​មករា​ សាលារៀន​រាប់​ពាន់​កន្លែង​ត្រូវ​បាន​បិទ​អស់​រយៈពេល​ជាង​មួយ​សប្តាហ៍​ បន្ទាប់​ពី​រដ្ឋាភិបាល​បាន​ព្រមាន​ថា​ អាច​នឹង​មាន​ការ​វាយប្រហារ​នានា​បន្ត​ទៀត។ ការ​វាយប្រហារ​នៅ​សាកលវិទ្យាល័យ Bacha Khan បាន​កើត​មាន​ឡើង​១​ឆ្នាំ​ បន្ទាប់ពី​ក្រុម​ឧទ្ទាម​តាលីបង់​បាន​ឡោមព័ទ្ធ​សាលារៀន​យោធា​មួយ​នៅ​ក្រុង Peshawar និង​បាន​សម្លាប់​និស្សិត​អស់​ចំនួន​១៣២​នាក់​ និង​បុគ្គលិក​ចំនួន​៩​នាក់។

​អាជ្ញាធរ​ក្រសួង​មហាផ្ទៃ​នៅ​ក្នុង​ក្រុង Peshawar បាន​ឲ្យ​ដឹង​ថា ប្រជាជន​និង​ស្ថាប័ន​អប់រំ​ចំនួន​៥​ម៉ឺន បាន​ដាក់​ពាក្យ​ស្នើ​សុំ​ប័ណ្ណ​អនុញ្ញាត​ប្រើប្រាស់​កាំភ្លើង​កាល​ពី​២​សប្តាហ៍​មុន​នេះ៕​

XS
SM
MD
LG