ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ជំនួយ​ថវិកា​ជាង​៣​លាន​ដុល្លារ​ ត្រូវ​បាន​ផ្តល់​សម្រាប់​កម្មវិធី​ប្រែប្រួល​អាកាសធាតុ​នៅ​កម្ពុជា


ទិដ្ឋភាពនៃទឹកធ្លាក់នៅភ្នំគូលេន នារដូវប្រាំង នៅខេត្តសៀមរាបនៃប្រទេសកម្ពុជា ថ្ងៃទី២៧ ខែកុម្ភៈ ឆ្នាំ២០២០។ (រូបថតដោយ Ratha Soy/UNDP)

ជំនួយ​ថវិកា​បដិភាគ​ចំនួន​ជាង​៣លាន​ដុល្លារ​សហរដ្ឋ​អាមេរិក ត្រូវ​បាន​ប្រទេស​ស៊ុយអែត​សម្រេច​ផ្តល់​ឲ្យ​កម្ពុជា​តាមរយៈ​កម្មវិធី​អភិវឌ្ឍន៍​សហប្រជាជាតិ (UNDP) ដើម្បី​គាំទ្រ​ការ​អនុវត្ត​កម្មវិធី​ផ្តោត​លើ​បញ្ហា​ប្រែប្រួល​អាកាសធាតុ​នៅ​កម្ពុជា។​ នេះ​បើ​យោងតាម​សេចក្តី​ប្រកាស​ព័ត៌មាន​មួយ​ដែល​បាន​ចេញ​ផ្សាយ​ដោយ​អង្គការ UNDP​ នៅ​ថ្ងៃ​ព្រហស្បតិ៍ ​ទី​២៣ ​ខែ​មេសា។

កិច្ចព្រមព្រៀង​ដែល​ត្រូវ​បាន​ចុះហត្ថលេខា​រួម​គ្នា​រវាង​ភាគី​ទាំង​ពីរ​នេះ នឹងបន្ត​កម្មវិធី​សម្ព័ន្ធ​ភាព​ប្រែប្រួល​អាកាសធាតុឬ​ហៅ​កាត​ថា (CCCA) ក្នុង​ដំណាក់កាល​ទី​៣ សម្រាប់​ឆ្នាំ​២០២០​ដល់​២០២២។

លោក ប៊្យន ហេកម៉ាក ឯកអគ្គរាជទូតស៊ុយអែត​ប្រចាំប្រទេស​កម្ពុជា បាន​ថ្លែង​នៅ​ក្នុង​សេចក្តី​ប្រកាសព័ត៌មាន​នេះ​ថា៖ «ការ​ប្រែប្រួល​អាកាសធាតុ គឺជាការ​គំរាមកំហែង​ដែល​កំពុងតែ​កើតមាន ហើយ​ទាមទារ​ឱ្យមាន​ការ​ចាត់​វិធានការ​ប្រកប​ដោយ​មហិច្ឆតា​ឱ្យបាន​លឿន​ដើម្បី​ដោះស្រាយ»។

កម្មវិធី​ CCCA នេះ មាន​គោលដៅ​ផ្តល់​ការ​គាំទ្រ​សំខាន់ៗ​និង​ផ្តល់​ប្រយោជន៍​ដល់​ក្រុម​ជន​ងាយរងគ្រោះ​ជាងគេ​ក្នុង​ប្រទេស​កម្ពុជា។

សេចក្តី​ប្រកាស​ព័ត៌មាន​ដដែល​បញ្ជាក់​ថា​ក្នុង​រយៈពេល​ ១០​ឆ្នាំ​ចុងក្រោយ​នេះ កម្មវិធី​នេះ ក៏​បាន​ផ្តោត​ទៅលើ​វិធីសាស្ត្រ​បន្សុំា និង​ការ​កាត់​បន្ថយ​ការ​ប្រែប្រួល​អាកាសធាតុ​នៅក្នុង​ប្រទេស​កម្ពុជា​ផងដែរ៕

តួលេខនៃករណីឆ្លងជំងឺកូវីដ១៩

XS
SM
MD
LG