ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

រដ្ឋមន្ត្រី​ការពារ​ប្រទេស​អាមេរិក​ដែល​នឹង​ចេញ​ពី​តំណែង​ប្រាប់​ដល់​បុគ្គលិក​ឲ្យ​ប្រឹងប្រែង​ធ្វើការ


(រូបភាព​ឯកសារ) លោក​រដ្ឋមន្ត្រី​ការាពារជាតិ Jim Mattis ថ្លែង​ទៅ​កាន់​ទាហាន​នៅ​មូលដ្ឋាន​ទ័ព​ Guantanamo Bay ក្នុង​ប្រទេស​គុយបា កាលពី​ថ្ងៃទី២១ ខែធ្នូ ឆ្នាំ២០១៧។

រដ្ឋមន្ត្រី​ក្រសួង​ការពារ​ប្រទេស​អាមេរិក​ដែល​នឹង​ចុះ​ចេញ​ពី​តំណែង លោក Jim Mattis បាន​ផ្តល់​ដំបូន្មាន​ចុងក្រោយ​មួយ​ចំនួន​ដល់​កងកម្លាំង​និង​បុគ្គលិក​ស៊ីវិល​នៃ​ក្រសួង​ការពារ​ប្រទេស​អាមេរិក​ឲ្យ​បន្ត​ជឿជាក់​លើ​សហរដ្ឋអាមេរិក​និង​បន្ត​គាំទ្រ​ដល់​ក្រុម​សម្ព័ន្ធមិត្ត​របស់​អាមេរិក។ ​

រដ្ឋមន្ត្រី​ក្រសួង​ការពារ​ប្រទេស​អាមេរិក​ដែល​នឹង​ចុះ​ចេញ​ពី​តំណែង លោក Jim Mattis បាន​ផ្តល់​ដំបូន្មាន​ចុងក្រោយ​មួយ​ចំនួន​ដល់​កងកម្លាំង​និង​បុគ្គលិក​ស៊ីវិល​នៃ​ក្រសួង​ការពារ​ប្រទេស​អាមេរិក​ឲ្យ​បន្ត​ជឿជាក់​លើ​សហរដ្ឋអាមេរិក​និង​បន្ត​គាំទ្រ​ដល់​ក្រុម​សម្ព័ន្ធមិត្ត​របស់​អាមេរិក។ ​

លោក Mattis បាន​សរសេរ​សារ​ផ្លូវការ​ចុងក្រោយ​របស់​លោក​កាល​ពី​ថ្ងៃ​ចន្ទ​ ដែល​ជា​ថ្ងៃ​ចុងក្រោយ​របស់​លោក​ក្នុង​នាម​ជា​រដ្ឋមន្ត្រី​ក្រសួង​ការពារ​ប្រទេស​អាមេរិក​ថា «ថ្នាក់ដឹកនាំ​របស់​យើង​ទាំង​ផ្នែក​ស៊ីវិល​និង​យោធា​នៅ​តែ​ល្អ​បំផុត‍»។ ​

លោក​បាន​បន្ត​ទៀត​ថា «ខ្ញុំ​ជឿជាក់​ថា អ្នក​រាល់​គ្នា​នឹង​នៅ​តែ​អនុវត្ត​ទៅ​តាម​បេសកកម្ម​របស់​យើង​ដើម្បី​គាំទ្រ​និង​ការពារ​រដ្ឋធម្មនុញ្ញ ខណៈ​ការពារ​ប្រទេស​របស់​យើង​ដូច​គ្នា​ដែរ។ ដូច្នេះ​សូម​បន្ត​ជឿជាក់​លើ​ប្រទេស​និង​ក្រុម​សម្ព័ន្ធមិត្ត​របស់​យើង​ ដើម្បី​ប្រឆាំង​នឹង​សត្រូវ‍»។

លិខិត​កាល​ពី​ថ្ងៃ​ចន្ទ​នេះ​ត្រូវ​បាន​ធ្វើ​ឡើង ខណៈ​ដែល​លោក Mattis ត្រៀម​ប្រគល់​តំណែង​របស់​លោក​ទៅ​ឲ្យ​លោក Patrick Shanahan ដែល​ជា​អនុរដ្ឋមន្ត្រី​ក្រសួង​ការពារ​ប្រទេស ដែល​នឹង​ឡើង​កាន់​តំណែង​ជំនួស​លោក​នៅ​ថ្ងៃ​ទី​មួយ ​ខែ​មករា​នេះ។

មិន​ដូច​លោក Mattis ដែល​មាន​បទពិសោធន៍​ជា​អតីត​ឧត្តមសេនីយ៍​ម៉ារីន​ចូល​និវត្តន៍ ដែល​ធ្លាប់​ឈរជើង​ក្នុង​ប្រទេស​អាហ្វហ្គានីស្ថាន លោកShanahan មិន​មាន​បទពិសោធន៍​ខាង​យោធា​នោះ​ទេ។ លោក Shanahan ធ្លាប់​បម្រើការ​ជា​នាយក​ប្រតិបត្តិ​ក្រុមហ៊ុន​អាកាសចរណ៍​ Boeing មុន​នឹង​មក​កាន់​តំណែង​នៅ​ក្រសួង​ការពារ​ប្រទេស​អាមេរិក។ លោក Shanahan ត្រូវ​បាន​តែងតាំង​ជា​អនុរដ្ឋមន្ត្រី​ការពារ​ប្រទេស​កាល​ពី​ឆ្នាំ​២០១៧៕

XS
SM
MD
LG