ជនរងគ្រោះម្នាក់បានស្លាប់នៅក្នុងមន្ទីរពេទ្យហើយមនុស្សពីរនាក់ទៀតឋិតក្នុងស្ថានភាពធ្ងន់ធ្ងរនៅក្រោយមានការបាញ់កាំភ្លើងក្នុងវិទ្យាល័យមួយក្នុងរដ្ឋកាលីហ្វ័រញ៉ា។
មេប៉ូលិសមូលដ្ឋានក្រុង Los Angeles បានសរសេរតាម Twitter ថាជនជាប់សង្ស័យថាជាអ្នកបាញ់កាំភ្លើងនៅឯវិទ្យាល័យ Santa Clarita Valley កំពុងឋិតក្នុងការឃុំឃាំងហើយត្រូវព្យាបាលនៅក្នុងមន្ទីរពេទ្យមួយក្នុងមូលដ្ឋាន។
រហូតមកដល់ពេលនេះមានជនរងគ្រោះបួននាក់បានទទួលទានដំណេកទទួលការព្យាបាលនៅក្នុងមន្ទីរពេទ្យ។
នាយកដ្ឋានប៉ូលិសក្នុងមូលដ្ឋាន Santa Clarita Valley បានបិទសាលាទាំងអស់នៅក្នុងតំបន់ជុំវិញវិទ្យាល័យ Saugus មិនឱ្យមនុស្សចេញចូល។ តំបន់នេះឋិតនៅចម្ងាយប្រមាណ៤៨គ.ម.ទិសពាយព្យក្រុង Los Angeles។
អាជ្ញាធរបាននិយាយប្រាប់ពួកឪពុកម្តាយឱ្យប្រើឱទ្យាន Central Park នៅ Bouquet Canyon ជាចំណុចជួបជុំគ្នា។ អ្នកនាំពាក្យរងនៃសេតវិមាន Judd Deree បាននិយាយថាលោកប្រធានាធិបតី Donald Trump បានដឹងអំពីស្ថានការណ៍នេះហើយ។
លោកបាននិយាយនៅក្នុងសេចក្តីថ្លែងការណ៍មួយថា«សេតវិមានលើកទឹកចិត្តជនទាំងអស់នៅក្នុងតំបន់នោះឱ្យធ្វើតាមការណែនាំរបស់មន្ត្រីពង្រឹងច្បាប់ក្នុងមូលដ្ឋាននិងអ្នកឆ្លើយតបដំបូងដល់ឧប្បត្តិហេតុនេះ»៕
