ក្រុមអ្នកបោះឆ្នោតក្នុងរដ្ឋចំនួនបី ក្នុងប្រទេសអាមេរិកបានត្រៀមចូលរួមបោះឆ្នោតនៅថ្ងៃអង្គារនេះ ដើម្បីគូសសន្លឹកឆ្នោតក្នុងការបោះឆ្នោតបឋមជ្រើសរើសបេក្ខជនគណបក្សប្រជាធិបតេយ្យ ទោះបីជាមានការព្រួយបារម្ភអំពីការផ្ទុះវីរុសកូរ៉ូណា ដែលបានបង្ខំឲ្យរដ្ឋអូហៃយ៉ូមួយផ្អាកដំណើរការបោះឆ្នោត។
លោកអតីតអនុប្រធានាធិបតី ចូ បៃ ឌិន បាននាំមុខសមាជិកព្រឹទ្ធសភារដ្ឋ Vermont គឺលោក Bernie Sanders នូវសំឡេង ៨៩៨ ទល់នឹង ៧៤៥ ពីក្រុមប្រតិភូគណបក្ស ដែលបានសន្យាគាំទ្រដល់បេក្ខជនជាគូរប្រជែងទាំងពីរ។
ការបោះឆ្នោតបឋមនៅថ្ងៃអង្គារទំនងជាផ្តោតជាសំខាន់ទៅលើយុទ្ធនាការដើម្បីយកជ័យជម្នះលើលោកប្រធានាធិបតី ដូណាល់ ត្រាំ ខាងគណបក្សសាធារណរដ្ឋ នៅខែវិច្ឆិកា។ រដ្ឋទាំងបីគឺជារដ្ឋដ៏ធំដែលត្រូវរៀបចំការបោះឆ្នោតនៅក្នុងថ្ងៃតែមួយ។
អភិបាលរដ្ឋ Florida លោក Ron DeSantis បានបញ្ជាក់ថា៖ «រឿងនេះ មិនមែនជារឿងត្រូវភ័យស្លន់ស្លោរទេ»។ លោកថ្លែងថាពលរដ្ឋភាគច្រើនចូលទៅបោះឆ្នោតតែ ២ ឬ ៣នាទីប៉ុណ្ណោះ។
មន្ត្រីសុខាភិបាលរដ្ឋ Florida បានរាយការណ៍មកថា មានករណីឆ្លងវីរុសកូរ៉ូណា ចំនួន១៤២ករណីក្នុងរដ្ឋនេះ៕
