ភ្នំពេញ៖ បន្ទាប់ពីត្រូវបានទទួលស្គាល់ជាផ្លូវការកាលពីថ្ងៃព្រហស្បតិ៍ម្សិលម៉ិញនេះដោយគណៈកម្មាធិការជាតិរៀបចំការបោះឆ្នោត(គ.ជ.ប) មន្ត្រីគណបក្សសង្គ្រោះជាតិបញ្ជាក់នៅថ្ងៃសុក្រនេះថាលោកសម រង្ស៊ីមេដឹកនាំគណបក្សនេះទំនងជាត្រូវជួយឃោសនាបោះឆ្នោតពីក្រៅប្រទេសតាមរយៈទូរស័ព្ទឬការភ្ជាប់ការសន្ទនាតាមរយៈប្រព័ន្ធវីដេអូខឹនហ្វេរឹនជាដើម។
លោកសម រង្ស៊ី ត្រូវតុលាការកម្ពុជាផ្តន្ទាទោសដាក់ពន្ធនាគារ១០ឆ្នាំនិងពិន័យជាប្រាក់២០លានរៀល ពីបទបំផ្លិចបំផ្លាញទ្រព្យសម្បត្តិសាធារណៈទាក់ទិននឹងការដកតម្រុយបង្គោលព្រំដែនកម្ពុជានិងវៀតណាមក្នុងខេត្តស្វាយរៀងក្នុងឆ្នាំ២០០៩ និងពីបទក្លែងឯកសារហើយលោកបាននិរទេសខ្លួនទៅក្រៅប្រទេសចាប់តាំងពីពេលនោះមកម្ល៉េះ។
គ.ជ.ប បានលុបឈ្មោះរូបលោកចេញពីបញ្ជីឈ្មោះអ្នកបោះឆ្នោតដែលជាការរារាំងរូបលោកមិនឱ្យចូលរួមបោះឆ្នោតនិងនិវត្តន៍មកកាន់ប្រទេសកម្ពុជាបាន។
លោកយឹម សុវណ្ណ អ្នកនាំពាក្យគណបក្សសង្គ្រោះជាតិអះអាងថាលោកសម រង្ស៊ី នឹងចូលរួមឃោសនាស្វែងរកការគាំទ្រគណបក្សដោយសំឡេងពីក្រៅប្រទេសដោយផ្ទាល់។
«គាត់ក៏ចូលរួមក្នុងយុទ្ធនាការបង្កើតសំឡេងឆ្នោតហើយគាត់ក៏មានការណែនាំជាប្រចាំដល់គណបក្សផងដែរ។ បើឥឡូវនេះបើទោះជានៅក្រៅប្រទេសក៏គាត់នៅតែមានការទាក់ទងជាមួយម្ចាស់អ្នកបោះឆ្នោតជាប់លាប់តាមរយៈវីដេអូខឹនហ្វេរឹន»។
យោងតាមប្រតិទិនដែលចេញផ្សាយដោយគ.ជ.បបានឱ្យដឹងថាយុទ្ធនាការឃោសនាបោះឆ្នោតរបស់គណបក្សនយោបាយសម្រាប់ការបោះឆ្នោតនៅឆ្នាំ២០១៣នេះមានរយៈពេល៣០ថ្ងៃគឺពីថ្ងៃទី ២៧ខែមិថុនា ដល់ថ្ងៃទី២៦ខែកក្កដា។
លោក ទេព នីថាអគ្គលេខាធិការគណៈកម្មាធិការជាតិរៀបចំការបោះឆ្នោតបញ្ជាក់ថាបើតាមគោលការណ៍ច្បាប់ជនដែលត្រូវបានកាត់ទោសគឺមិនមានសិទ្ធិក្នុងការចូលរួមការបោះឆ្នោតឬក៏ធ្វើការឃោសនាបោះឆ្នោតទេ។ ចំពោះករណីលោក សម រង្ស៊ី លោក ទេព នីថាពន្យល់ដូច្នេះថា៖
«តាមច្បាប់ហ្នឹងអត់មានចែងពីបញ្ហាហ្នឹងទេក៏ប៉ុន្តែអ្នកដែលជាប់ពន្ធនាគារហ្នឹងគឺគាត់ពុំមានសិទ្ធិធ្វើបែបហ្នឹងទេ។ តែនេះគាត់នៅក្រៅពន្ធនាគារ ហើយនៅក្រៅប្រទេសទៀតអីចឹងគាត់ធ្វើអ្វីតាមអ្វីដែលគាត់អាចធ្វើបាន»។
មានគណបក្ស ៨បានចុះឈ្មោះត្រៀមចូលរួមការបោះឆ្នោតជ្រើសតាំងតំណាងរាស្ត្រនីតិកាលទី៥នេះប៉ុន្តែមានតែគណបក្ស ៦ប៉ុណ្ណោះត្រូវបានទទួលស្គាល់ជាផ្លូវការដោយគណៈកម្មាធិការជាតិរៀបចំការបោះឆ្នោត។
គណបក្សពីរទៀតដែលមិនទាន់ត្រូវបានទទួលស្គាល់នោះគឺគណបក្សខ្មែរដើម្បីអភិវឌ្ឍន៍និងគណបក្សខ្មែរឈប់ក្រ។
ដោយឡែកគណបក្សខ្មែរឈប់ក្របានយកឯកសារដែលកែតម្រូវរួចរាល់មកដាក់ជូន គ.ជ.ប ជាថ្មីម្តងទៀតកាលពីព្រឹកម៉ិញនេះ៕
លោកសម រង្ស៊ី ត្រូវតុលាការកម្ពុជាផ្តន្ទាទោសដាក់ពន្ធនាគារ១០ឆ្នាំនិងពិន័យជាប្រាក់២០លានរៀល ពីបទបំផ្លិចបំផ្លាញទ្រព្យសម្បត្តិសាធារណៈទាក់ទិននឹងការដកតម្រុយបង្គោលព្រំដែនកម្ពុជានិងវៀតណាមក្នុងខេត្តស្វាយរៀងក្នុងឆ្នាំ២០០៩ និងពីបទក្លែងឯកសារហើយលោកបាននិរទេសខ្លួនទៅក្រៅប្រទេសចាប់តាំងពីពេលនោះមកម្ល៉េះ។
គ.ជ.ប បានលុបឈ្មោះរូបលោកចេញពីបញ្ជីឈ្មោះអ្នកបោះឆ្នោតដែលជាការរារាំងរូបលោកមិនឱ្យចូលរួមបោះឆ្នោតនិងនិវត្តន៍មកកាន់ប្រទេសកម្ពុជាបាន។
លោកយឹម សុវណ្ណ អ្នកនាំពាក្យគណបក្សសង្គ្រោះជាតិអះអាងថាលោកសម រង្ស៊ី នឹងចូលរួមឃោសនាស្វែងរកការគាំទ្រគណបក្សដោយសំឡេងពីក្រៅប្រទេសដោយផ្ទាល់។
«គាត់ក៏ចូលរួមក្នុងយុទ្ធនាការបង្កើតសំឡេងឆ្នោតហើយគាត់ក៏មានការណែនាំជាប្រចាំដល់គណបក្សផងដែរ។ បើឥឡូវនេះបើទោះជានៅក្រៅប្រទេសក៏គាត់នៅតែមានការទាក់ទងជាមួយម្ចាស់អ្នកបោះឆ្នោតជាប់លាប់តាមរយៈវីដេអូខឹនហ្វេរឹន»។
យោងតាមប្រតិទិនដែលចេញផ្សាយដោយគ.ជ.បបានឱ្យដឹងថាយុទ្ធនាការឃោសនាបោះឆ្នោតរបស់គណបក្សនយោបាយសម្រាប់ការបោះឆ្នោតនៅឆ្នាំ២០១៣នេះមានរយៈពេល៣០ថ្ងៃគឺពីថ្ងៃទី ២៧ខែមិថុនា ដល់ថ្ងៃទី២៦ខែកក្កដា។
លោក ទេព នីថាអគ្គលេខាធិការគណៈកម្មាធិការជាតិរៀបចំការបោះឆ្នោតបញ្ជាក់ថាបើតាមគោលការណ៍ច្បាប់ជនដែលត្រូវបានកាត់ទោសគឺមិនមានសិទ្ធិក្នុងការចូលរួមការបោះឆ្នោតឬក៏ធ្វើការឃោសនាបោះឆ្នោតទេ។ ចំពោះករណីលោក សម រង្ស៊ី លោក ទេព នីថាពន្យល់ដូច្នេះថា៖
«តាមច្បាប់ហ្នឹងអត់មានចែងពីបញ្ហាហ្នឹងទេក៏ប៉ុន្តែអ្នកដែលជាប់ពន្ធនាគារហ្នឹងគឺគាត់ពុំមានសិទ្ធិធ្វើបែបហ្នឹងទេ។ តែនេះគាត់នៅក្រៅពន្ធនាគារ ហើយនៅក្រៅប្រទេសទៀតអីចឹងគាត់ធ្វើអ្វីតាមអ្វីដែលគាត់អាចធ្វើបាន»។
មានគណបក្ស ៨បានចុះឈ្មោះត្រៀមចូលរួមការបោះឆ្នោតជ្រើសតាំងតំណាងរាស្ត្រនីតិកាលទី៥នេះប៉ុន្តែមានតែគណបក្ស ៦ប៉ុណ្ណោះត្រូវបានទទួលស្គាល់ជាផ្លូវការដោយគណៈកម្មាធិការជាតិរៀបចំការបោះឆ្នោត។
គណបក្សពីរទៀតដែលមិនទាន់ត្រូវបានទទួលស្គាល់នោះគឺគណបក្សខ្មែរដើម្បីអភិវឌ្ឍន៍និងគណបក្សខ្មែរឈប់ក្រ។
ដោយឡែកគណបក្សខ្មែរឈប់ក្របានយកឯកសារដែលកែតម្រូវរួចរាល់មកដាក់ជូន គ.ជ.ប ជាថ្មីម្តងទៀតកាលពីព្រឹកម៉ិញនេះ៕
