ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក​អូបាម៉ា​នឹង​ពន្យល់​ហេតុផល​ក្នុង​សុន្ទរកថា​ទៅ​កាន់​មហាសន្និបាត​អ.ស.ប


លោក​ប្រធានាធិបតី​អូបាម៉ា​នឹង​ពន្យល់​ហេតុផល​ក្នុង​សុន្ទរកថា​ទៅ​កាន់​មហាសន្និបាត​អ.ស.ប។
លោក​ប្រធានាធិបតី​អូបាម៉ា​នឹង​ពន្យល់​ហេតុផល​ក្នុង​សុន្ទរកថា​ទៅ​កាន់​មហាសន្និបាត​អ.ស.ប។

លោក​ប្រធានា​ធិបតី​ស.រ.អា​បារ៉ាក់ ​អូបាម៉ា ​នឹង​ពន្យល់​ហេតុផល​នៃ​វិស័យ​ការទូត​ និង​ចំណាត់​ការ​រួម​ ដែល​សង្កត់​លើ​កិច្ចខិតខំ​ប្រឹង​ប្រែង​ ដែល​ដឹកនាំ​ដោយ​ស.រ.អា​នៅ​ក្នុង​តំបន់​មជ្ឈិម​បូព៌ា​ នៅពេល​ដែល​លោកធ្វើ​សុន្ទរកថា​ទៅ​កាន់​មហា​សន្និបាត​របស់​អង្គការ​សហប្រជាជាតិ​នៅ​ថ្ងៃ​ច័ន្ទ​នេះ។

មន្រ្តី​ម្នាក់​នៅ​សេតវិមាន​បាន​និយាយ​ថា ​លោក​ប្រធានា​ធិបតី​អូបាម៉ា​នឹង​ចង្អុល​បង្ហាញ​ដល់​កិច្ច​ព្រម​ព្រៀង​នុយក្លេអ៊ែរ​ ដែល​បាន​បញ្ចប់​កាល​ពី​ពេល​ថ្មី​ៗ​នេះ​រវាងមហាអំណាច ៥​ប្រទេស​បូក​អ៊ី​រ៉ង់ (P5+1) ​ជា​ ឧទាហរណ៍​មួយ​នៃ​អ្វី​ ដែល​អាច​ជា​ការ​សម្រេច​ជោគ​ជ័យ​ដោយ​កិច្ច​សហប្រតិបត្តិ​ការ​អន្តរជាតិ​នៅពេល​ដែល​ប្រទេស​នានា​ ​ត្រូវ​ទទួល​ខុសត្រូវ​ចំពោះ​ការរំ​លោភ​ច្បាប់​អន្តរជាតិ ​និង​វិស័យ​ការ​ទូត​ ដែល​ផ្អែក​លើ​សីលធម៌​ ដែល​ត្រូវ​អនុវត្ត​ឲ្យ​បាន​សម្រេច​នូវ​គោល​ដៅ។

លោក​ប្រធានាធិបតី​ក៏​នឹង​ធ្វើ​សុន្ទរកថា​ស្តី​ពី​ជម្លោះ​ក្នុង​ប្រទេស​ស៊ីរី ​ដោយ​ការ​អំពាវនាវ​ពីការ​ចាំបាច់​ក្នុង​ការ​ចូល​រួមកិចុ្ច​ខិត​ខំ​ប្រឹងប្រែង​ខាង​យោ​ធា​ប្រឆាំង​នឹង​ក្រុម​រដ្ឋ​ឥស្លាម ​ដោយ​មានការ​តាំង​ចិត្ត​ដោយ​ប្រទេស​ទាំងអស់ ​ដើម្បី​ស្វះស្វែងរក​ និង​គាំទ្រ​ដំណោះស្រាយ​ខាង​នយោបាយ​នៅ​ក្នុង​ប្រទេស​ដែល​រង​ការ​ហែក​ហួរ​ដោយ​សង្គ្រាម។

ក្រុម​មន្រ្តី​រដ្ឋបាល​លោក​អូបាម៉ា​បាន​និយាយ​រំឮក​ឡើង​វិញ​ថា ​អន្តរកាល​នយោបាយ​ ​មិន​អាច​កើត​មាន​ឡើង​បាន​ទេ ដរាប​ណា​ប្រធានា​ធិបតី​ Bashar al-Assad នៃ​ប្រទេស​ស៊ីរី​នៅ​បន្ត​កាន់​អំណាច​នោះ។ ​បញ្ហា​នេះ​ត្រូវ​គេរំពឹងថា នឹង​ផ្តោត​លើ​ការ​ចរចា​របស់​ប្រធានា​ធិបតី​អាមេរិក​លោក​អូបាម៉ា​ ជាមួយ​ប្រធានា​ធិបតី​រុស្ស៊ី​លោក​វ្លាឌីមៀ ពូទីន​នៅ​រសៀល​ថ្ងៃ​ច័ន្ទ​នេះ៕

XS
SM
MD
LG